“Life is about accepting the challenges along the way,
choosing to keep moving forward, and savoring the
journey”, ayon kay Roy T. Bennett, isang tanyag na manunulat. Gaya ng kasabihang ito, muli nating harapin ang panibagong yugto ng ating buhay. Sa ating mga kapita-pitagang punong inampalan, guro, binibini at ginoo, mga kapwa kalahok , isang mapagpalang araw sa inyong lahat!
Lahat tayo ay may nakatagong talento sa ating sarili. Ito man ay talento sa pag-awit, pagsayaw o pagrampa, o maging talento sa pag-iisip. Maraming bagay ang maaaring ibahagi sa aspetong kaugnay sa talento.
Kung tayo man ang tatanungin, masasabi nating maraming pangarap ang naudlot, maraming talento ang di nahasa, at maraming simula ang hindi natapos. Ngunit sa kabila nito, natutunan nating tumayo sa ating sarili at ipagpatuloy ang agos ng buhay. Alam natin na ang bawat pangyayari ay may kabayaran dulot ng pagbabago ay kailangan nating makiangkop at makiayon hinggil sa mga bagay-bagay na nagaganap sa ating paligid. Salamat sa impluwensya ng teknolohiya sa mundo, isa ito sa naging paraan upang malutas ang pagbabago sa mundo. Sa tulong nito, mapapamalas ang kakayahan ng isang tao, ang talento nitong nakakubli dahil naniniwala tayo na sa kapangyarihan ng teknolohiya, naipapakita natin sa buong mundo ang talento natin. Maging ito man ay tungkol sa larangan ng musika, sining at iba pa. Hindi ito hadlang upang tayo'y sumuko sa pagbabagong hatid ng mundo. Bilang mag-aaral, kami’y lubos na nahasa at nabigyang pagkakataon na ipamalas ang angking talento sapagkat kami ay nakikilahok sa iba’t ibang patimpalak sa tulong ng aming mga batikang guro, ito man ay pandibisyon , panrehiyon, o nasyonal na lebel gaya nang eksibit sa pagpipinta ,tagisan ng talino, debate, online singing at dance contest, virtual pageantry, at iba pa. Isang napakalaking oportunidad ang pagsali sa mga nasabing patimpalak . Ito’y isang patunay lamang na hindi hadlang ang pandemya upang maisulong ang pagiging handa at pagiging kompetent ng mga mag-aaral. Hindi lamang nalinang at nahasa ang aming talento kundi nadagdagan pa ang aming karunungan sa tulong ng teknolohiya. Bagama’t idinadaos nang birtwal, ito’y labis na ikinagagalak at nagsilbing inspirasyon sa lahat maging sa mga taong nakapalibot na handang sumuporta sa lahat ng pagkakataon. Sa pamamagitan ng 2021 National Festival of Talents, ito’y magsisilbing hagdanan upang maihakbang ang isang pangarap na kayang-kayang mapalago at makamtan sa pagdating ng panahon. Ngunit hindi lahat ay may kakayahang maipakita ito. Hinggil, dahil sa kritisismo? Sa magiging opinyon ng ibang tao? Sa pag-iisip na wala kang tiwala sa iyong sarili? Lahat tayo ay may kahinaan, lahat tayo ay may takot. Lahat ng yan ay normal. Gayunpaman, iyong isaisip na hindi sila kailanman magiging ikaw. Dahil naniniwala tayong mapabata man o matanda, ang talento ay hindi nakabase sa edad, kundi sa abilidad. Muli, magandang araw at maraming salamat.
Ang Talumpati Ay Isang Buod NG Kaisipan o Opinyon NG Isang Tao Na Pinababatid Sa Pamamagitan NG Pagsasalita Sa Entablado para Sa Mga Pangkat Na Mga Tao