EKSPRESYON SA

PAGPAPAHAYAG
NG KONSEPTO O
PANANAW
• Sa pagbibigay ng konsepto o pananaw ay maaaring banggitin o magpahayag batay sa sariling
damdamin, paniniwala, ideya, kaisipan, o karanasan maging ng ibang tao. Ang ganitong
pahayag ay makikilala sa paraan ng pagkakalahad ng nagsasalita o nagsusulat. Ilan sa mga
ekspresyong ginagamit sa pagpapahayag ng pananaw ay ang:

• Alinsunod sa . . . Naniniwala ako na . . .

• Anupa’t ang pananaw ko sa bagay na iyan ay . . .
• Ayon sa . . .
• Batay sa . . .
• Kung ako ang tatanungin, nakikita kong . . .
• Lubos ang aking paniniwala sa . . .
• Palibhasa’y naranasan ko kaya masasabi kong . . .
• Para sa akin . . .
• Sa bagay na iyan masasabi kong . . .
• Sa ganang akin . . .
• Sang-ayon sa . . .
 Lagyan ng tsek (/) ang pangungusap na nagsasaad
ng pananaw o konsepto at ng ekis (X) ang hindi.
1. Pag-isipang Mabuti ang mga bagay-bagay bago ito isagawa upang
maiwasan ang pagkakamali.
2. Sino ang dapat sisihin sa mga kabiguang dumarating sa buhay ng isang tao?
3. Sa aking pananaw, ang buhay ay nakabatay sa mga bagay na iyong pinipili
o pinaniniwalaan.
4. Sa ganang akin, ang lahat ng bagay ay nakaplano sa kamay ng Panginoon.
5. Palibhasa’y naranasan ko kaya masasabi kong ang magandang buhay ay
hindi lamang nakasentro sa ating sarili kundi sa ating kapwa at Panginoon.
 Gamit ang mga ekspresyong nasa ibaba ay ipahayag ang
iyong konsepto at pananaw tungkol sa mga paksang nakatala
sa bawat bilang.
1. Gamit ang ekspresyong alinsunod sa. . . ay ipahayag ang iyong pananaw hinggil sa turo
ng iyong magulang.
2. Sabihin ang pananaw ng iyong idolo sa kanyang buhay na nais mong tularan gamit ang
ekspresyong ayon kay/sa. . .
3. Sa pamamagitan ng ekspresyong batay sa . . . ay ipahayag ang pananaw ng paborito
mong awtor tungkol sa isang aklat na kanyang ginawa.
4. Sabihin ang iyong pananaw gamit ang ekspresyong Lubos ang aking paniniwala sa. . .
upang masabi ang pilosopiya o gabay sa buhay na iyong isinabuhay.
5. Sabihin ang iyong pananaw tungkol sa mga pagsubok sa buhay na iyong nalampasan
gamit ang ekspresyong Palibhasa’y naranasan ko kaya masasabi kong. . .