Banghay Aralin

Filipino 8
Ika-29 ng Marso, 2022

I. Layunin

1. Nakapagbibigay ng mga salitang maaaring iugnay sa salitang pag-ibig.

2. Nakapaglalapat ng himig sa mga piling saknong ng aralin.
3. Nakalilikha ng tula para sa isang minamahal.

II. Nilalaman

A. Tiyak na Paksa
“Kay Selya”
B. Kagamitan
- Kagamitang Biswal
- Laptop
- Projector
- Chalk & Chalkboard
C. Sanggunian
- Ang pinaikling Bersiyon “Florante at Laura”
- Internet

III. Pamamaraan

A. Panimulang Gawain
- Panalangin
- Pagtala ng Liban
- Pambungad na tanong:
1. Kilala nyo ba si Gat.Fracisco Baltasar?
Siya ang may akda ng FLORANTE AT LAURA
2. “Ano ba ang ibig sabihin ng gat.?”
- Gat.: isang maginoo, titulo ng pagkamaharlika o pagkadakila. Ito ang mga taong merong
malaking ambag na ginawa sa ating bansa. Gaya ni Gat. Jose Rizal.
Sa ingles naman ang kahulugan nito ay “historical title of nobility for a man of
recognized prominence or greatness, especially of Philippine heroes: Lord; Sir
(used before a name)”
3. Kanino kaya inialay ni Francisco ang kanyang akdang Florante at Laura?
Inialay niya ito sa kanyang “Ex.” Na si Selya o sa totong buhay naggagalang
Maria Asuncion Rivera (M.A.R).

B. Pagganyak
- Magbigay ng mga salita o salitang maaaring iugnay sa salitang PAG-IBIG.

Pag- ibig

C. Paglalahad

- Sa araw na ito ay tatalakayin natin ang isa sa mga sikat na katha ni Francisco Baltazar na
pinamagatang Florante at Laura – “Kay Selya”
 D. Paglinang
- Bago tayo tumungo sa ating aralin sagutan muna natin ang talasalitan. Punan ng tamang letra ang
patlang upang mabuo ang kasingkahulugan ng salitang ibinigay.
Talasalitaan
pagsaulan- al_la_an_n S.alalahanin
pinapanganiban- ki_at_ta_uta_ S.kinatatakutan
karalitaan- k_h_rap_n S.kahirapan
suyuan- p_g-ii_ig_n S.pag-iibigan
maidlip- n_k_tul_g S.nakatulog
- Pagtalakay sa tulang kay Selya
Kay Selya
Ni Francisco Baltazar
1. Kung pagsaulan kong basahin sa isip
ang nangakaraang araw ng pag-ibig,
may mahahagilap kayang natititik
liban na kay Selyang namugad sa dibdib?
2. Yaong Selyang laging pinapanganiban
, baka makalimot sa pag-iibigan;
ang ikinalubog niring kapalaran
sa lubhang malalim na karalitaan.
3. Makaligtaan ko kayang 'di basahin,
nagdaang panahon ng suyuan namin?
kaniyang pagsintang ginugol sa akin
at pinuhunan kong pagod at hilahil?
4. Lumipas ang araw na lubhang matamis
at walang natira kundi ang pag-ibig,
tapat na pagsuyong lalagi sa dibdib
hanggang sa libingan bangkay ko'y maidlip.
5. Ngayong namamanglaw sa pangungulila,
ang ginagawa kong pang-aliw sa dusa,
nagdaang panaho'y inaalaala,
sa iyong larawa'y ninitang ginhawa.
6. Sa larawang guhit ng sintang pinsel,
kusang inilimbag sa puso't panimdim
nag-iisang sanlang naiwan sa akin,
at 'di mananakaw magpahanggang libing.
7. Ang kaluluwa ko'y kusang dumadalaw
sa lansanga't ngayong iyong niyapakan,
sa Ilog Beata't Hilom na mababaw,
yaring aking puso'y laging lumiligaw.
8. di mamakailang mupo ng panimdim
sa puno ng manggang naraanan natin;
sa nagbiting bungang ibig mong pitasin,
ang ulilang sinta'y aking inaaliw.
9. Ang katauhan ko'y kusang nagtatalik
sa buntung-hininga nang ika'y may sakit,
himutok ko noo'y inaaring-langit,
paraiso naman ang may tulong-silid.
10. Nililigawan ko ang iyong larawan
sa makating ilog na kinalagian;
binabakas ko rin sa masayang doongan
yapak ng paa mo sa batong tuntungan.
11. Nagbabalik mandi't parang hinahanap,
dito ang panahong masayang lumipas;
na kung maliligo'y sa tubig aagap,
nang hindi abutin ng tabsing sa dagat.
12. Parang naririnig ang lagi mong wika:
- Pag-isipan at pag-usapan:
1. Anong damdamin ang masasalamin sa mga saknong ng pag-aalay ni Balagtas para kay Selya?
mahahagilap- ma_ah_na_ S.mahahanap
hilahil- s_l_ra_in S.suliranin
namamanglaw- n_lul_ngk_t S.nalulungkot
panimdim- is_p_n S.isipan
inilimbag- ig_nu_it S.iginuhit
"Tatlong araw na 'di nagtatanaw-tama."
at sinasagot ko ng sabing may tuwa-
"Sa isang katao'y marami ang handa."
13. Anupa nga't walang 'di nasisiyasat
ang pag-iisip ko sa tuwang kumupas;
sa kagugunita, luha'y lagaslas,
sabay ang taghoy kong "O, nasawing palad!“
14. Nasaan si Selyang ligaya ng dibdib?
Ang suyuan nami'y bakit 'di lumawig?
nahan ang panahong isa niyang titig
ang siyang buhay ko, kaluluta't langit?
15. Bakit baga ngayong kami maghiwalay
ay dipa nakitil yaring abang buhay?
Kung gunitain ka'y aking kamatayan,
sa puso ko Selya'y, 'di mapaparam.
16. Itong 'di matiis na pagdaralita
nang dahil sa iyo, o nalayong tuwa,
ang siyang umakay na ako'y tumula,
awitin ang buhay ng isang naaba.
17. Selya'y talastas ko't malalim naumid,
mangmang ang musa ko't malumbay na tinig,
di kinabahagya kung hindi malait
palaring dinggin mo ng tainga't isip.
18. Ito'y unang bukal ng bait kong kutad
na inihahandog sa mahal mong yapak;
tanggapin mo nawa kahit walang lasap,
nagbuhat sa puso ng lingkod na tapat.
19. Kung kasadlakan man ng pula't pag-ayop
tubo ko'y dakila sa pahunang pagod;
kung binabasa mo'y isa mang himutok
ay alalahanin yaring naghahandog.
20. Masasayang nimpas sa lawa ng Bai,
sirenas, ang tinig ay kawili-wili,
kayo ngayo'y siyang pinipintakasi
ng lubhang mapanglaw na Musa kong imbi.
21.  Ahon sa dalata't pampang na nagligid,
tonohan ng lira yaring abang awit
na nagsasalitang buhay mo'y mapatid,
tapat na pagsinta'y hangad na lumawig.
22. Ikaw na bulaklak niring dilidili,
Selyang sagisag mo'y ang MAR
sa Birheng mag-ina'y ipimintakasi
ang tapat mong lingkod na si FB
 2. Masasabi bang labis-labis na minahal ni Balagtas ang kanyang Selya? Ano- anong saknong ang
nagpapatunay nito?
3. Anong mabuting bagay ang ibinunga ng kalungkutang nadarama ni balagtas nang mabigo sa pag-
ibig?

E. Paglalahat
- Sino ba sainyo ang nakaranas nang umibig at mabigo? Paano nyo ito hinarap?
 Matapang na hinarap ni Francisco ang kanyang kabiguan. Ito rin ang kanyang naging
inspirasyon sa paglikha ng tula at para na rin maibsan ang sakit na kanyang pinagdaanan.
Ikaw mag move-on kanarin at gawing inspirasyon ang mga natutunan mo sa iyong kabiguan.

F. Paglalapat
- Pangkatang Gawain
Pangkat 1: Pumili ng awiting maaaring ilapat ang himig sa mga piling saknong ng aralin.
Paubaya, Leron leron sinta, o kaya’y Ugoy ng duyan
(kinakailangan lamang na ang awitin ay may himig andante o mabagal)
Pangkat 2: Pagpapaliwanag
Ipaliwanag ang nilalaman ng mga saknong bilang 5 hangang 7
Pangkat 3: Dula
Isadula ang nilalaman ng saknong bilang 8 hangang 12
IV. Ebalwasyon

- Lumikha ng tula na binubuo ng 2 saknong na may 4 na taludtod na iaalay sa iyong

iniibig/iniirog

Pamantayan Puntos

Nilalaman 50

Kaangkupan 25

Orihinalidad 25

Kabuoan 100

V. Takdang Aralin
 Basahin ang susunod na aralin “Sa Babassa Nito”.
 Ano-ano ang mga habilin ng may akda sa kanyang mga mambabasa?

Inihanda ni: Nabatid:

CHRISTIAN C. CLAVECILLAS MA. THERESA D. BANDOLA
GURO