Since 2006

ZAM Information Department

Volume 7, Issue 12 August 26, 2012

Estd. 2006

informing people, transforming lives

Sanggamte aw, no na hih uh leh, thasial lo-in, na hoih sep ding na hanciam un. Thessalonica Nihna 3: 13 ZAM 2012-2013 THUDOTPITE
Zomi Kipawlna aa ding a kisap hunin ngaihsutna leh lamlahna thupi a piathei ding aa muang takin a kiseh ahi abeisa ZAM kumte-ah Thudotpi (Advisor) a semsate ma pannate pen a hunhunin manpha toto hi. Kisam hi. ZAM kum sagihna sungah zong, Malaysia aa om Zomi sungpan leitung thu, biakna thu lam hita leh kipawlna khat peuhpeuh ii ngimna leh tupna tawh nasep ziate-ah a kihel ngei, a sem ngei, a theihpih ngei upa kumcing zawdeuhte pawlkhat EC kikupna thukhentatna tawh Advisor dingin dik kisa ahih manin, amauteng mimal kim tung zong zaksakna leh cialna kinei thei hi. 2012-2013 Thudotpi dingin anuai aa teng kiseh hi; Rev. Dr. Zam Khan Thang, Pa Dai Za Kam, Pa Zam Cin Dal, Pa Thawng Khen Pau, Rev. Lian Za Huam, Pa Pau Khaw Kam, Rev. Thawng Ngaih Khup, Rev. Pau Cin Thang, Sia Phillip Khai, Sia Francis Do Lian Kham, Pa Thang Lian Khup, Pa Nang Za Khup, Rev. Dr. Cin Sian Pau, Sia Gin Khaw Thawng, Pa Vial Za Thang, Phillip Maung, Rev. Dr. Mercy Man Khan Niang. Hih atung aa tengpen, Thudotpi ding hong zasakkik thei khin teng hi-in, adang (3) zong muanhuai kisa lai hi. Amau tawh kiho khitciang ki suaksak theipan ding hi.

RSC Pan Contact Kingahlo

Hih anuai aa File nambatte, interview lutding RSC pan contact a ngahzawhlohte uh August 24, 2012 ni aa RSC zumpan hong piakte uh ahihi. A kihelkhate sungpan vaihawm ziading a tellote-in ZAM ah kidong thei hi: ZAM zum 03 2142 6659, 03 9226 1926 791-09C12061 791-10C00773 791-10C00631 354-08C05603 791-10C00710 791-10C00699 791-10C00522 791-10C00783 791-10C00442 791-09C12030 791-10C00846 791-10C00632 791-09C12071 791-10C00608 791-10C00091 791-10C01842 791-09C04114 354-10C10291 791-10C00098 354-10C02110 354-10C10251 791-10C09570 791-10C00585 354-10C00446 791-10C08108 791-10C00579 791-10C00630 791-10C01016 791-09C01947 354-10C01203 791-08C00105 791-09C04095 791-10C00589 791-10C00429 791-09C12424 791-10C00603 354-10C10174 791-10C00593 791-10C00681 791-10C00638 791-10C00650 791-10C00856 791-10C00634 791-09C07883 791-09C07592 791-10C00387 791-09C12066 791-09C11788 791-10C00531 791-10C00588 791-10C00392 791-10C00563 791-10C09236 791-09C15934 791-10C00414 791-10C00826 514-04C00281

THUVANPI PANMUN KILAIHNA

ZAM Kiteelna panin mipi-in a teel EC ding mi (10) sungah a kihel thei Francis Khampi pen, EC teng sungpan mee tang tampen tawh Thuvanpi panmun a ngah ahihi. Mang kamin Secretary (General Secretray) icih Thuvanpi ahih kei leh Thuzekpi cihpen Kipawlna khatah, thu leh vai om khempeuh a van ding mawhpuak hi. Hihtawh kizui-in, Kiteel ni August 7 a thaiciang August 9, 2012 ni-in, amasa pen EC kikupna sungah Thuzekpi vai kikupna zong kinei thei hi. Banghang kikupna kinei hiam cih leh, Francis Khampi pen Harvest Centre leh UNHCR ii Sang lam vai-ah project coordinator khat ahihna tawh, ZAM ah hunbit nasep ding lem theilo ahih man hi. Amah ngiat leh EC teng kikupna khatvei ki neikik in, ama ii vei zawkdeuhna ahi ZEC Sang lam, Zomi Sang naupang vaite-ah ma hong pang semsem ding cih bangin hoih kisa aa, amah ngiatin hunbit sepzawhloh ding kitelna tawh ama ii Thuzekpi panmun ngaihsutpihna EC te tung ngen hi. EC teng tawh kikupna kicing khat kinei thei aa, a omlo theilo Thuzekpi panmun dingin Lutangpi Huh-2 ahi Sia Vial Za Mung @ David Mungno pen Thuzekpi dingin EC thukimna tawh ki kipsak hi. Tuamah bangin, Francis Khampi pen Lutangpi Huh-2 dingin ki kipsak hi. Sia David Mungno ii ngetna tawh ZAM hunbit a septheihna ding a naseplui pan hong khawlding kha khat ki ngak laitak hi.

DHS Pan Contact Kingahlo

Hih anuai aa File nambatte, interview lutding DHS pan contact a ngahzawhlohte uh August 24, 2012 ni aa DHS zumpan hong piakte uh ahihi. A kihelkhate sungpan vaihawm ziading a tellote-in ZAM ah kidong thei hi: ZAM zum 03 2142 6659, 03 9226 1926 791-09C02365 791-09C16826 354-10C06911 512-04C00471 354-10C09210 791-09C05446 791-09C05867 791-10C08168 791-09C06026 791-10C00131 791-09C10281 354-07C06761 354-08C06176 791-10C08353 791-09C03386 791-10C08239 354-10C07602 354-10C00707 354-09C01113 354-10C10450 791-10C07231 791-09C06908 791-09C05575 791-08C02373 791-09C10778 791-09C04420 791-09C13360 791-09C18364 791-09C08790 791-10C08493 791-09C10757 354-10C09419 791-10C07238 791-09C09677 791-09C00981 791-10C00629 791-09C13075 791-10C08206 791-10C00165 354-03C04955 791-10C00611 791-09C11708

Zumpite Kikhak August 31, 2012 ni pen Merdeka Day hi-in UNHCR zumpi leh RSC/DHS zumte kikhak ding hi.

ZAM THUPUAK RSC Makaipinu Pulakna

August 17, 2012 ni-in CDU makaihna tawh Kipawlna makaite tawh kikupna khat vaihawm uhhi. Tua kikupna sungah, hunlui lai-in OPE a kici, tu-in RSC acih uh department pan a makaipinu-in thu pawlkhat pulak hi; RSC interview phi ding peuhmahin a kisam ding laidal leh thute kigin ding, puak hamtang ding: GentehnaNausuah lai, damlohna lai, kitenna lai aa kipan a kisam ding lai tuamtuamte. Kum phazah, sanggam unau hihna, nu-pa kikal vai cihte-ah uplohna, muan mawhna a om leh UNHCR puakkik hamtang. Phone hong kisamin lenmanlo, phawklo na hih leh zong zumpi-ah thu na zaksak kik hamtang ding kisam. Tuakhit teh, hong kisap pah kei leh lamdang sa kei-in; Kha 3/4 sawt thei hi. Sa-zian omsa bangin hong kisam hamtang lel ding aa, hong ki nusialo ding hi. Kha 3/4 pen sawt kici theilo hi. Mundang galtaite no sangin kum tam ngak kha zaw uhhi. Phone tawh a kisam theilo khempeuh Kipawlna zumteah zasak den hi ungh, cihteng pulak khia hi.

August 26, 2012

ZAM Card Keng Hamtang Ding

ZAM volunteer/palai te tung tawnin ahi zongin, Kipawlna min tawh ahi zongin, hih Malaysia gamsung zum khat peuhpeuh vai tawh kisai lai a bawlsak nuamte leh panpihna khat peuhpeuh a lunggulhte peuhmahin Zomi zumpi na pai uh ciang ZAM Card puak hamtang ding kisam hi. Zomi peuhmah in zong, Kipawlna-ah card te extend tangtang ding kisam hi. Zum leh kumpi kipawlna khat peuhpeuh vaite-ah zong, pawlmi hihna member lutna omloin thu ki vaihawm theilo hi. UN card ngahkhin phial zongin, UNHCR in ih vai khempeuh hong panpihzo hilo hi. ZAM member hihna pen mipihte tawh ki pawlkhopna zong ahihi.

Australia Ah Galtai 45% Kisang Ding

Australia ah galtai gambelmi atamzaw in kisang ding cih BBC News 23/Aug/2012 thuphuan panin tangko khia ahihi. Hih thutawh kipawl in kipawlna tuamtuam pan leh Minam neu nengneng tuamtuamn pan in Ngaihsut piakna mimal 13750 pan 20000 asan beh lai ding Kumpi pan thuphuansuah ahihi cihi. Kum 30 hunsungah 45% akisang ahihi, cih Australia kumpi-in genkhia hi. Australia gambel in aguklutna mi tuipi tungah a lauhuai takin lampai mi kiamtuam ding ahihi, cihi. Abeisa June kha sungin galtai gambel guklut gunkuang hat leh mi 200 kibung zo ahihi. Nihru camp ah September kha sungin mi 500 kisang ding ahihi, cihi. Mun tuamtuam Jordan, Turky, Lebanon, Syria, Iraq gampan zong sangding ahihi, cihi. Tuaban ah Srilanka, India, Myanmar-Malaysia, Myanmar-Thai gam om galtaite zong abanban in kisang ding ahihi, cihi. Tua ahih manin gampua om aa, alunglutte ading supna a omlohna ding leh masuan kikhak lohna ding sum leh pai vai-in gukbawl metdokte a omlohna ding zong theihhuaina leh thu hilhna bio data tungtawn ki thei zo ahihi. Source: ZomiDaily

Thudotpite Tawh Kikupna

August 21, 2012 ni-in ZAM zum ah, ZAM 2012-2013 aa ding a masapen Thudotpite tawh kikupna thupi khat nuamtakin ki vaihawm khawm thei hi. Hun sungah, ZAM palai khempeuh kimtak in kihel thei aa, Thudotpite manlahna tuamtuam tawh hong ki helkim thei nailo uhhi. ZAM nasepna picing semsem ding ngimna tawh kikupna hun sausim kila-in, ngaihsut piakna, thusunnate aa kipan nasep ziate etphatna, zumsung vaihawm ziate etcianna leh sun ankuang umkhopnate ki neithei hi.

Antang Hong Piakhia

Korea gam aa biakna pawlpi khat ahi Saesoon pawlpi mi pawlkhat Malaysia hong zin sungun galtai dinmun tawh a om Zomi te aa ding na asem palaite nektheih dingin antang 5Kg te ip (70) val hong piakhia uhhi. Palaite-in lungdam takin kihawm pah hi. ZAM kum (6) val tangthu-ah, hidanin antang tampi hong ki piakhia bangzah vei cih ki simthei lai hi. Hih antang hong puaktheihna dingun, Malaysia a bulphuh Korea christian thu-um pawlkhat mahin hong gensak ahihi. Tuate-in zong, kaal nih khatvei cihbangin nektheih moh tuamtuam hong puakthei uhhi. Tuate tawh kizopna ding hong ki meltheihsak masa Pa Kam Lian Mung (ZSM Lutangpi) ahihi.

UNHCR-EST Pan Nasep Nilai acihna mun ah numei

(30) leh pasal (20) kideih; Ansai ah pau tawmtawm thei mi 3050 kideih; Hyper market ah numei (20) leh pasal (20) kideih; Khasum RM932; Omna pia, an pialo; OT tawh a citak ten RM1500 ciang ngahthei. Factory ah zong kideih; Omna pia, an pia, OT omden. Kizoptheihna: Sia Hau Khai (012 367 4665) ZEC Sang Siate Kikupkhopna August 25, 2012 ni sun hunin ZAM zumnuai ZEC hall ah ZEC Sang khempeuh pan a kihel thei Sia, Sianute kikupkhopna leh ki holimna khat ki vaihawm thei hi. ZEC Coordinator Tg. Kham leh ZAM ah Lutangpi Huh-2 sep a kipan khin Francis Khampi, ZEC Sang Siapite, Siate kim takin kihel in Zomi naupangte aa ding vaihawmnasate etcianna, bang kisamlai cihte kikupna aa kipan ZEC maban ding vai tampi kikupna ki neikhawm thei hi. ZEC Sangte Leh Faisal Cup Tukum Faisal Cup Bawhlung leh Netball kidemna-ah ZEC Sang (3) pan kidemna lutthei hi. Ni 4 ding sungpan ani masa August 24 ni-in ZEC Sang thum kigawm kidemna match vekpi (23) kilut aa, (13) Zo, (2) Kidin, (8) Kilel hi. September 1, 15, 29 kizomto ding hi. Julia Kipuahna Phual Hih Zomi kipuahsakna sai-ah sammet, sam kawisak/tangsak, maitang puahsak zia tuamtuam aa kipan kipuahsakna tuamtuam ki neitheita hi. Mydin mai Oasis sai sung aa om hi. Contact: 010 778 4035 Nasep Plastic set-zung; Ni tha RM40; Sunday ni OT; Omna pia; An vaklo; Dottheihna- Sumpi (010 240 0799) ZAM Mah Dongpah In ZAM vaihawmna leh nasep ziate na telloh khatpeuh na zak simin ZAM palaite dongpah zaw in! Unaute Panpihna Zomi Association of Japan in Khaino leh Singno te unau aa ding RM784 (Yen 20,000) piakhia uhhi. Tongdot Laibu Kingahkikta Ih ngaklah English-Zomi Tongdot Laibu kingahkikta hi. RM50 bek mahin kipia hi. Electronic Tongdot zong RM350 tawh kingah lai hi.

Si Sitna A Vaihawm Zia Kilaih Khin

Si sitna ci-in ih tomlawh, cidamna etcianna pen IOM in a vaihawm zia laihkhin hi. Nidangin si sit ding peuhpeuh, UNHCR zum huangsung aa IOM zumte-ah, sitehna, tun sanna tehna, gihza tehna, mit khuamuh zah tehna cihte vaihawm sak masain, tualo vaidang tengpen Titiwangsa pam aa IOM MHD Malaysia ah vaihawm sak uhhi. Tu-in ahih leh, si sitdingte UNHCR zum ah sam nawnlo-in IOM MHD Malaysia a omna hih address ah vai khempeuh vaihawmpih uhhi; Hih mun paipah ding hi; 2nd Floor/Level 3, KPJ Health Care No. 1, Jalan Pahang. General Line: 03 9235 5400 Hih munah, sitehna, tun sanzah tehna, gihzah tehna, mit khuamuhzah tehna, xray (datmaan) zaihna, si laakna cihte khempeuh vaihawm sakta uhhi. Si sit ding a kisam cihteh tuateng khempeuh a vaihawm ding aa kisam ahihi. Amun a tellote-in ZAM palaite tung kidong thei hi.