2

Siyin Association for Christian Communication

Pathian a bulphu Minam. Ps.33:12

Lom.2, Hawm 2

July, August, September 2012

PIANGTHAKTE KI ZE-ET Mihingpha akici Job a ki ze-et bang zia in, piangthak sate, anuai abangin ki ze-et thei hi. (1) Job sia, a itbel a tate le asuan amuan a naseam theampo le a nganno theampo ki laksak siat hi. (Job 1:13-19). Ahihang, Job in, Ka pian lai in, ka pumnguak in ka suak a, ka pumnguak in ka thi tu hi. Topa in hong pia a, tu in Topa in la kik hi. Ama min kipok tahen (Job 1:22) ci bek hi. (2) A pumtung theampo, meima taw kidim sak a, a nat bek hi ngawl in, puan zong sil thei ngawl in, thin ngim in, mai zum thuak hi. Natna, thin kiam theina, thin-uk theina, maizum thuakna, ngim mama kisak nate taw, ama ki ze-et hi. Ahihang, tasia zong, Job in thuak zo veve hi. Pathian in napha khat po hongpuak ciang lawptak in ih sang hi. Ngimna hongpuak ciang, banghang in phun theitu hi ziam? Job in langpanna kam bangma paungawl hi. (Job 2:10) LTT in ci hi. (3) Tua zawkciang, Satan in, akhel tatak in, a lampial natu vawt hi. Mihing pil thum in, Job sia, Pathian thinsung le he ngawl a, ama le ama ngangawn a ki he ngawl mihing ni hi, ci in mawsiat in, hil sak hi. Tasia ciang, Job zong, khialtu in hong kipan a, Pathian awng, ka sua ni haam siat in (Job 3:1), Ka sua po ciang thi lel na leng (Job 3:11), Maw baang ngawl khi hi, ahizong tua zong awlmaw zo nawn bong. Nuntak sia cimtaak zo khi hi. (Job 9:22) ci hi. Job sia, abang in, hibang in khialna sung then ziam? Ama le ama, Pathian thu, he kisa leilam a, Pathian ngangawn ngaisutna pia nuam zaw lai a, tua hang hi. Ama le ama pil a kisakna le, Pathian ih thinsung tel leilam akisak hu in, ama taak law hi. Kiniamkhiak in Pathian taw akizopna amaan tu kisam hi. Ref: How To Be Born Again NANG AKUA THANGAI NI? Leitungah khua ngai sasun leang thu le la tam mama kimu thei a, Pathian pian sak thingkung, lopa, ngamsa namcin pan kipan na theampo tungtawn in thu tam mama kimu thei hi. Thingkung, lopate en pak in hi leang, ANAM om a, AMA TE NAM tetek nungta hi ngawl ziam? Ngamsa, Nganhing nam tuatuam sung pan zong ih phawktu thu le la tam mama om hi ngawl ziam? Mipilte in a huampui in NGANHING ci ziau hi. Tua NGANHING sung pan in NAM tuatuam na om lai a, Zoo (Nganhing khoaina) ih pai ciang ih phawk thu le la tam mama hi. Pu le pa te in paunak khat na nei a, Sial vom le Sial vom ki thangai a ci bangma Eima le leima kithangai mama thong hi ngawl ziam? maw. Nang akua thangai ni? ABC LAI VAWTTU TAW KISAI Alphabetical (A-Z) Sizang lai taw simthei tu vawttu vaihawmna tungtawn in dal (1000) vawttu thukimna kinei a, innsim phialma in kidei ci thu kiza hi.
Hawm 2 -1-

KAM KUM KHAWM LEANG NUAM Eima nguak ki nungta thei ngawl, Innkuan khat bek ki nungta theingawl, Innkuan pawl khat kipawl in thukimna taw vaihawm in, Sep le vawttute hong sep takciang matutna, ngualzawna nga a, kiim le paamte in bangbang thu le la vaihawm nuziam? ci in hong dongtu hi. Khat le khat thu kidong, thu kiko, ngaisutna pha tuatuamte kum khawm leang nuam mama sa thong ingh. Leitung ahikom ih ngaisutna kibang theingawl, ih ci le sa ( Ih meal) zong kibang ngawlthong hial ahikom leitung sia lungkim hun om mama ngawl thong zam ee. Inn kuan khanto natu, Khua le tui, Pawlpi, Minam khanto natu taw kisai kipua phat natu, tam mama tu hikale a thupibel sia NANGMA MA/ KEIMA MA pan hong kipan leang ci in ngaisun ingh. Hi sa ngawl ni zia maw? Thungetna taw mapang kawmsa in misim, innkuan sim pan kipan leang Pawlpi, Khua le tui, Kipawlna tuatuamte hong nuamtu ve ha.
NIKONGHONG - Lom 3

PATHIAN II SUM LE PAAI VAAI Tu hun laitak mihing theampo phial in, sum le paai vaai taw ki thinngim tek a, ih anneak tawmtu ih lei natu, ih puansil tawmtu ih lei natu pan kipan, ih kisap nanote ih lei natu; sumhaute le na, a haunate akiam ngawl natu bangbang in daaltu, cibangin ki thinngim tek hi. Hi hun laitak in, athak a ih phaw tektu, thu thuk, thuman thutak khat om hi.Tua sia in, leitung a, sum le paai vaai taw ih buaina theampo saangin, ih Pa Pathian lianzaw ahi hunlam, ih phaw tu ahihi. Leitung sum le paai, na le thilte theampo sia, Pa Pathian ii vawt hi a, tuate bo thathong thei ngawl a, Pa Pathian in Ama dei bangin, mun khat pan mun khat ah, khiin kawkoai thei ahi hunlam, athak in ih phawk tu hi. Eite in, hun haksa hi, ih ci hang Pa Pathian atu in, a haksa bangma om ngawl hi. Tua hangin David in, Pathian in ih belna le ih thahatna ahihi; ngimna hun sungah hong hutu in a kingingsa in om tawntung hi. Tua ahikom, leitung keak a ngawkngawp a, mualte tuipi thuk sungah a kisep hial zong, tuipite hawkin kitom a, mualte liing ngawp le zong, ih lau batu hi (Ps.46:1-3) ci hi. A tate, it a ci a hong it ih Pa in, leitung vantung a na theampo uk hi. Ahizong, ei sangpan zong, a thuthiam nate ih dawl thei natu in, anuai abangin, ih septu pawlkhat om veve hi. 1. Pathian sia, a masabel in koi tawntung in: Na nga maksak nate theampo sungpan se sawm sua se khat (1/10) le na thinzaw za na piakciang, Pathian thupi sak masa na suak hi. Jericho khuapi sia, Israelte ii a laak maksakbel khua hi a, Pathian in tua khua pan anga kham le ngun theampo ngen hi. Ta bangin a piaksiat ciang, khuapi dang theampo zong zo sak hi. Pathian atu, haza heak in. Ih nuntakna sungah bang ba kalsuan ci thu eima le eima kisit ki tek tawng. 2. Ngak nginge in: Pathian in, ama hun taw, thupha hong piatu hi. A taw tawmh zong hi thei a, ngak zong kul thei hi. LTT in, Thumaan mihingte in lungdamna le nuntakna a dim taw a nungta tu uh hi. Ahihang hau tu na ngakla uh le daan na thuak tu uh hi (Pau 28:20) ci hi.Up tatakna taw na ngak na le, na ngak hun sung in, Pathian in, a niamcip in hong koi ngawltu hi. Israelte zong kum (40) sung, anneak, tuidawn, puansil, akicing in pia veve hi. Nehemiah, Daniel te zong,
Hawm 3

aki nencip ngawl bek dom ngawlin, ngam uk lian pipite na suaksak hi. Thu thiamna na saanh tu ngakla in Pathian mai ah tai heak in. Kisiik kik tu ni hi. 3. Na nei zaza zanghsiat heak in: Mihingte ii nuntak zia, a inn, a anneak, a puansil, a kipuana, a nazak tuatuamte ii et ciang, amate ii neiza saang, atamzaw azak hunlam kimu thei hi. Tua hu in, amate in, leiba a, a lo kik natu, thinngim in om uh hi. Pathian in, Ama ii hong piak ih neisa te, manpha sak in, aphatak in zangh thei leang, thupha hong pia hi (Luke 16:10,11; Matt. 25:23). Na neisa, na hun le na thatangte Pathian pia thada heakin; Pathian ii hun, ngaak nginge in; Na neiza saang atamzaw zang heakin. Misim, Inn kuan sim, Pawlpi sim, kipawlna tuatuam, ngambup le ih minam atu in Topa ii hong deisak thu in hi thu hi tu ka ngaisun hi. Ref: Charisma, July 2009 ANNUAL MAGAZINE NO.5 TAW KISAI 2012 Annual Magazine No. 5 na bu (600) kivawt a, ahai ngawlin hong theng tu hi. Pathian hesuakna taw ih Magazine sia ki lunglut tek in, Article a khom khatma hong pha a, lungdam huai mama hi. Thu le la oawlcing mama a, minam khanto natu thu le la tam mama ahikom hong thettu kal kingakla mama ci thu kiza hi. TELEPHONE LEI NATAW KISAI Kipawlna min atu Telephone taw kisai khat nei hamtang ngawl phamaw hi ci in thukimna kinei hi. Ki kipawlna taangzai sak va-ial ih hi bangma hi Telephone sia by post Ex. Secretary in let saktu thukimna kinei hi. Khamtung & Kawlzaang ah tu laitak Telephone a kizangh thei CDMA 450 te No.0947173378 {89950, 97105, 00022, 93777} RUM 64K hi a, Handset taw kisai zong nam tam mama hikale ZTE kilei phot hi. CONTRIBUTION Contribution taw kisai tu budget hun ciang in anuai a bangin ngam pan zong hong kingawm a, Pathian minthan natu hizaw tahen.Amen 01. Denmark 100,000/02. SBMC, USA 121,500/Ngam tuatuam pan zong hong ngawmtua laitu cithu kiza ahikom ki lungdam khol mama hi.
-2NIKONGHONG - Lom 3

CIDAMNA Mihing tam mama ii thina Mun theampo a, a thite a ki etkik ciang, a thi tuak ngawl mihing tam mama kimu hi. Tate sia, a kisamh bang le a kisawl bang a, Zatui/Zatang a ne ngawlte le, zuitu/zui ngawltute, a awlmawk ngawl hu uh veu hi. A dediak in, Lungtang natna neite, Zunthum neite le, Chi sung a, athau ( Cholesterol) tamleite, veu hi thei bel hi. Pumpi thiangtho tu, tukna, dianna neitu, mut hun maan tu, anneak hun maan tu, an tam pipi ne ngawl tu, za tawp ngawl tu, zu ne ngawl tu, ci bangte, a kinh ngawlte zong, a thi hun theng ngawl in, thi tek uh hi.-NLM Ma-za (Me-za- ) University of Tasmania Sangpi te in, Maza ih pianzia a kat uh ciang, Maza sungah (Capsaicin le Dihydrocapsaicin) akici dat nam nii mu a, tua dat te in, chivui pang tung a, sathau kibel tute khaam a, chi khalh tu zong khaam hi, ci hi. Chi sungah athum dat zong kiamsak hi ci in um uh hi. Nidang ciang, Maza sia, lungnatna za (Aspilet) taang in kizang thei thatu hi ci hi. -GH Thin natna: Thin natna apiangsak thei nate ihheak sa hikale? 01. Zu tamlei neakna 02. Zingsang zun-iip 03. An tam leilam neak tawntungna 04. Zatang/Zatui tam lei neakna 05.Khuangei a kikeam neaktheite, kihelte,kisawte 06. Cidamna taw a kisi ngawl sathaute neakna 07. An emh, sa emhte neakna Niangtui, niangphaan Niangtui, niangphaante sia, aphatna om ahihang, ih dawn tu hun zong, ih ngaisut kuul hi. Niangtui le Coffee sungah, thaphatna thikdatte in, ih chisung athet theingawl natu in khaam thei hi. Tua ahikom, thikdat tam a neingawl antee, thingngate ih neakzawk po ciang, niangtui le Coffee ih hawp pai le, tua thaphatna thikdat te, ih chi sung theng thei ngawl hi. Sa sung ahi le, thikdat tam ahikom, chisung pawl khat theng veve hi. Thaphatna akim in, na dei le, antee, thing ngate na neak zawkpo ciang, niangtui, niangphaan le Coffee hawp paiheak in. Ih simnale ih heakna bang nuntakpui tektawng.
Hawm 3 -3-

Niangtee moite Pawl khat te in, niangtee sia, a-tee haam zaw hiatte, hawp leang ciik zaw hi ci thei ahihang, pumpi ngal hong do sa thei (Antioxidant) dat ahi (Polyphenol) sia, atee nosuak tatak ngawl lai a, a kaang khat ii atuam, atee moi note pan akinga niangtee te sungah tam om zaw ahikom,ih pumpi atu phazaw hi. JUDSON PAIZAWK KUM (200) ATU SUMPIAKNA Kawlngam ah Judson Yangongon khuapi ah 13 July 1813 ni hog theng hi. 1913 kum in Judson pai zawk kum (100) cinna kivawt a, 1988 kum ciang (175) cin kivawt kik laleu hi. 2013 kum ciang kum (200) cin vawt natu taw kisai lampuite in 2008 kum pan kipan Myanmar Baptist Convention (MBC), Zomi Baptist Convention (ZBC) SRBA a dadawl in thukimna pan Judson hong paizawk kum (200) cinna poai vawt natu Pawlpi sim pan Tui kiphumsa mi khat Ks.1000/- khiaktu ci sia ih heak teksa hi. Kum khat in mi khat Ks.250/- veu ih khiak sangin Ks.1000/- a lom in khiaktu sia thukimna sa hi. Tua ahikom akua mapo in thalawp tatak in mapang khawm tek tawng. Tu ni in hi bang taciang ih thetna sia Pathian thu hang bekma hi a, thupha ih sannate ngaisun kik tek tawng. Judson ii hong lampuina, a thuak haksatnate ngaisun kik tek tawng. Sum le paai a pia innkuan, misim Topa in thupha hong pia kimtek tahen.Amen IH PIL MA LE IH PIL ZAWK A KI LAMDANNA ~ Ih pil ma in midangte kihawmthaw nuam thapai a, ih pil zawk ciang sia ei le ei ih kihawmthaw tawntung zaw hi. ~ Ih pil ma in midangte ki uk nuam thapai a, ih pil zawk ciang ei le ei ih ki uk nuam hi. ~ Ih pil ma in midangte ngaisutna kipia nuam thapai a, ih pil zawk ciang midangte in ngaisutna hong piak tu ki thangai mama zaw hi. ~ Ih pil ma in mi tampi sungah thu kison nuam mama a, ih pil zawk ciang, mite ii thuson kiza nuam zaw hi. ~Ih pil ma in ei le ei he kisa mama a, ih pil zawk ciang, ih heak tam ngawl hunlam ih kitel va ial hi. Tedim thu kizaksakna lai (Khol 9, Hawm 91, May 2011) GSP
NIKONGHONG - Lom 3

CAPT.K.A.KHUP ZA THANG PATOAINA KINEITU , Capt.K.A.Khup Za Thang{Zo Suanh Khang simna Laibu {Genealogy of the Zo (Chin) race of Burma} ii khang simna laibu a vawtna hang in Patoaina piak natu taw kisai Pu Vungh Ko Khai in langui phamama khat hong phuaksak a, Patoaina A4 size aMu; taw aki at khat le Ks.100,000/- taw A (12) veina SACC-EC Meeting,Leipui Siyin Baptist Church ah 30 October 2012 ni patoaina neitu ngealna om hi. Kipawlna tuatuam pan, innkuan le misim in Patoaina kipia Na le vanh, La phuana pan kipan eima thangana babang kipia theitu hi ci thu SACC tungtawn in thu kongza sak uh hi. A (1) VEINA CONCERT DVD KINGA TU 2006 kum Tahan Siyin Baptist Church (TSBC), Tahan ah (1) veina Concert ih vawt hun lai in VCD 2 taw kivawt a, tu in hong lal siatphial bekdom ngawl adei kitam mama ahikom DVD taw Copy (100) vawt kiktu a, khat ciang Ks.1000/- taw a haingawl in kilei theitu hi. SACC-OB MEETING 13 September 2012 ni A(1) veina SACC-OB Meeting Siyin Baptist Church, Siyin Ywa, Devotion Rev.Vum Khat Pau Former Ex.Secretary in Phil.2:2-4 tungtawn hun zangh thei a, thu vaihawmte ngam le lei khantonatu thutam mama ci thu kiza hi. ZAPZAANG MINAM PUAN & LUKHU Ih vawtsa Zapzaang Minam puan taw kisai mitheampo in diksa tek ahikom a manlang in vawttu thukimna kinei a, tua ban ah Minam lukhu zong vawttu thukimna kinei hi. A hun zui in OB te in vaipuak hong laktu thukimna kinei hi. Ngaisutna phate ngawmtua tek tawng. SACC Laihawm NIKONGHONG Panmun neite
Rev. James Nang Khai Rev.P.Suangh Cin Pau Rev. Esther Cingh Niang Pr. Hang Do Pau

SRBA MOTOR CAR ATU TEIN (100) PIA Pa Khai Cin Pau@Khaipui te innkuan USA in Pathian, ngam le minamte a it mama, A Pa, (Pu Ngo Nang,E.E) phawna in SRBA te ii Pathian nasep na ah a kisam mama Motor Car lei natu in Ks. tein (100) 2. September 2012 niin hong pia a, nasia tatak in ki lungdam hi. Pathian min pok kawm in, Amate innkuan tungah SACC pan in lungdam pui mama hi. Pathian minthan natu le A ngam zai natu hi ta hen! Amen. Hi bang in Pathian atu le ngam atu deisakna le itna hongnei innkuante tungah Pathian in thupha pia thathua hen a, khang kizom in Minamte atu thupha hi tawntung tahen!Amen. Constitution & Bylaw taw kisai 1 May2012 Limkhai Zo pan in Ref:SCC:Annual 2012/02 Zuitu ngeinate le thuthunte (Constitutions and Byelaws) taw kisai SCC in kinei zo ahizong SACC ci in minlai ih hikom athak et kikkultu, puaphat tu, a kisamh tu teng vaipuak neitu in mi (5) Committee koitu kithukim hi. Anuai abang Annual Meeting pan kiteal hi. 1. Rev.P.Suangh Cin Pau, President 2. Rev.James Nang Khai, Secretary 3. Rev. Lian Khua Hau (Limkhai Zo Baptist Church /SRBA President) 4. Rev. Tual Khan Nang (Thuklai Section Superitendent) 5. Rev. Ngo Khua Nang (SDA), Kalay Hi a tung a teng ban ah SACC-OB teng zong hi tu a, 26 October 2012 Friday ni Siyin Baptist Church, NKVBA ah zingsang nai 7 pan kipat tu ci thu kiza hi. Akuama po SACC ii kalsuan natu a vei peuma ngaisutna pha piatek tawng.
SACC SEP TU A KINGEAL PAWLKHAT - Sizaang lai ih neizawk kum 120 cinpoai Khansuang mun (2) phuna DVD vawttu - Nikonghong a hunzui in suak saktu - SACC Annual Magazine suak saktu - A hun zui in Sizaang Lai kikupna vawttu - Sizaang taangh Lakamte kaikhawmtu - Sizaang Paunakte kaikhawmtu - A hun zui in Sizang La sak Poai vawttu - Sizaang tangthu laibu vawttu - Sizaang khang tangthu a kicing in vawttu - Sizaang minam puan a hunzui vawttu - SACC Inn mun khat leitu - Sizaang minambup kipawlna ahikom, ngam sung, ngampua kipawl khawmtu
-4NIKONGHONG - Lom 2

Treasurer
Pa Mang Za Khai Accountant Rev.Kam Khen Pau
NIKONGHONG sungah lai at nuamte le suasak nop a neite in nuai a bangin hong kizom tavun.

Email: <nangkhai@gmail.com>
Hawm 3