SIMEIKHU KARTIN CHHUAK THINGSULTHLIAH

Dt. 9 February 2013 (INRINNI) PHEK- 2

Editorial :

HRUAITU THAR

KANGMEI HI
Tun ang thal khaw ro tirh a kan sawi lar tak chu Kangmei chungchang hi a ni ngei ang. Kuminah pawh bengchheng leh ninawm khawpin kan sub-town Information Mike hrang hrang atangin puan leh a ni chho mek a. Hetiang khawpa puan anih pawh hian khawi laiah emaw hi chuan kangmei hi a chhuak leh mai thin a, a thelh tura mipui auhkhawm lah hi a har phian leh nghal. Kangmei laka tun aia kan ziaawm leh zual nan heng te hi hria ila. - Huan/Lo ram vat reng reng ten hal hun taka hal a pawimawh a, mei lam tha taka sial a tul. Hetiang tilo leh kangmei tichhuak te chu hrem zel nise. - Mangkhawhna cha vau hnai a chhun a hal miah loh tur a ni. - In lam leh ram lama meizu ten nawhalh leh zial bung ti thi chiang lova paih miah loh tur. - Inchhung leh In bul(Vawkchaw chhumna etc)-a mei chhem te fimkhur thin se, an duhtawk hnuah tih thih that hle tur a ni. - Chhungkaw tam zawk ten
Gas/Khawnvartui Stove etc kan hmang a. Heng te hi a tha tawk em? Hman loh lai chuan OFF zel nise.

H/A BRANCH YMA Pu PC Laldailova Section Leader : Pu Vanlalnghaka A/Leader : Pu KM Lalthangliana Secretary : Pu PC Vanlallura Asst.Secy : Pu F. Lalnunpuia Treasurer : Nl B. Lalrinsiami Fin.Secy : Tv Zonuntluanga Pu Thanmawia Section Leader : Pu C. Zoramthanga A/Leader : Pu R. Zatanga Secretary : Pu C. Lalchhanchhuaha Asst.Secy : Tv H. Lalruatfela Treasurer : Nl Vanlalnguri Fin.Secy : Nl H. Rozampuii Pu Vanlalhlura Section Leader : Pu Lalfakzuala A/Leader : Pu K. Lalthlengliana Secretary : Tv Zaithanmawia Asst.Secy : Pu R. Lalhmachhuana Treasurer : Nl Lalduhawmi Fin.Secy : Pu C. Zodinmawia
Thingsulthliah Sub-town

Pik-up Owners Association President : Pu Rosiamliana H/A Vice Pre : Pu C.Thansanga SL Secretary : Pu R.Hranglawma C/A Asst.Secy : Pu Luaia, 0-Point Treasurer : Pu Vanlalsawma D/A Fin. Secy : Pu Aichhunga TN SELING YMA FIN. SECY Seling Branch YMA Fin. Secy Pu Jimmy R.Lalrinmawia chu engmaw rokhawlhna avangin a nihna atangin a pha a. A phatna hi Branch Committee chuan ngaihtuahin awm an tihpui a, a aiah Tv PC Lalruatkima an ruat thar.
TLANGNUAM SANGATI TLAWH DAWN Tun Pathianni hmang hian Masihi Sangati Bialtu Pastor S.B.Gurung chuan Tlangnuam Masihi Sangati a rawn tlawh dawn. Pastor S.B.Gurung hi Thingsulthliah Area Masihi Sangati Bialtu a ni.

THINGSULTHLIAH VC NEWS - Material Component hmangin Pi Lalmuani In bul, H/A Venghnuaiah Side-drain siam zawh a ni. Side-drain hi an siam tha hle nia thudawn a ni. Side drain bakah hian kawng chung(culvert) motor rah chhiat pawh siamthat nghal a ni. Bazar bulah side-drain siam tan mek bawk a ni. - MGNREGS mipui thawhkhawm hmangin H/A Venglai kawng chu Metal turin phah mek a ni a. Lung phah zawh veleh ni 16/2/2013 hian BRTF Road-Roller hmangin Metal hna hi thawh nghal tura ruahman a ni. BRTF hian Road-Roller bakah Alkatra Barel 2 leh Labour te pawh an rawn pe tel dawn nia thudawn a ni. Heta mipui thawhkhawm sum hmang tho hian Lunghret kawng JCB hmangin laih zauh a ni bawk. - MGNREGS Land Development sum bang hmangin Pu R.Lalchhuanawma, C/A In bul atanga Camp Area pan chhohna kawng laih zauh bakah lungrem, kawng vawnban neia siam chu zawh fel a ni. Lunghret kawng JCB hmanga laih, lung harsa lai siam nan sum bang hi hman nghal a ni. TLANGNUAM VC NEWS Material Component hmangin Tlangnuam Hall bul atanga Vety Road lamah side-drain 155 Ft-a sei siam zawh a ni. Side drain siam tawhah chuan a nalh pawl tak anih mai bakah tlo hle tura ngaih a nih thu kan palaiin a dawng. SELING VC NEWS Tunkar chhung khan Seling Field kual kawng 113 mtrs-a thui Metal hna chu an zofel. He Internal Road Metal hna hi MGNREGS mipui thawhkhawm atanga siam a ni. Heta sum hman bang hmang hian Seling Field sira BNRGSK Building hnuai cheithat hna thawh chhunzawm a ni a. He Building hnuai hi Choka atana hman tura ruahman niin a bang Brick leh Rangva hmanga siam a ni.
Tst. CHC DOCTOR TE Dr. Zonuni chu a la training mek a, Dr. Saithanliana leh Dr. Vansangzuali te an awm. TLANGNUAM SOCIETY Tlangnuam Consumers Society Dawr thar chu tun hnai khan luah fel a ni ta a; In sakna bungrua chi hrang hrang(Hardware), Stationery bakah thil chi hrang hrang tlawm takin an zuar. Contact : Ma-Muani, 9862377979

- Fimkhur nachang hre tham lo naupang, mei khawih nachang hre rual ten an tih lohna turin inzirtir leh ven uluk a tul. Nawhalh/Lighter dah mai mai loh tur. - Chhung tin ten Tui harsat lai pawh nise, tui dahkhawl tum hram hram nise. Tuisem pawh hi a tam anih chuan chhung tin hnenah pek tam ni thin se. Rikrum-a hman tur hi neih khawl tum hram hram nise. - Kan inchhung Electric wiring te hi a tha tawk em? A that chian loh chuan Electric Department lamah hrilh hre vat thin ila, Current-short tih a awm loh nan. Mithiam pakhat chuan Mihring siam thatna tha deuh chu Hlauhna hi a ni a ti. Kangmei kan tawrh tawh hlauhawm zia te hre nawnin a hre lote hrilh tam ila, insiamthat tum tlang bawk ila. Chutih rualin fimkhur tawk loh avanga kangmei tichhuak te Hremna hi na se, hrem hlauh vang tal pawhin tam tak chu an fimkhur ngei ang.//

TRAINING NEI Ni 7/2/2013 khan Sangha Dil nei te pualin Tlangnuam YMA Inah training neih a ni a, Agri. Technology Management Agency (ATMA), Aizawl atangin Dr. Lalrinsangi, APO hovin trainer pathum lokal ten Fisheries chungchangah training an pe. Training-ah hian Tst sub-town atanga Sangha khawitu mi 20 vel atanga kal mi 16 hnenah training hi pek a ni. Nimin ni 8/2/2013 khan ATMA te hian Sakeibanglamualah training hi an pe chhunzawm a, hetah hian Horticulture lam hawi training pek a ni thung a ni.