KRISTIAN THALAI PAWL (Christian Youth movement) Lalthankima

Wales ramah chuan Presbyterian Forward Movement an nei a; Pu Mena kha an hotu, President a ni nghe nghe awm e. Chu pawl chanchin leh hnathawh dan chu ka hre lo. A hming atanga han chhui dawn mai hian Presbyterian Kohhran hmasawn theih nana bei pawl niin an lang a. Mizoramah hian Presbyterian Kohhran ropui takin ding tawh mah se, kan kohhran hnathawh tichak tur te, inkhawmpui leh tualchhung kohhran rorel chu lek kawh tlat a nih nana bei tur te, hla sak thiam zawk tur tea bei tur tein, leh thusawi zirna hun remchang a awm theih nan te, Kristian nula leh tlangvalte chu kohhran thununna hnuaia lawm taka rawngbawltu an nih theih nana hruai lut turtein pawl kan neih a tul a ni. Pawl-e tia pawl hranpui din luah a ngai lo va, kohhran huang chhunga rawngbawltu leh Beihrm Pawl a nih chu a tawk ang. Dawrpui Vengah chuan nula leh tlangvalin Beihrm Pawl an nei tih ka hria a, a tha em em mai. Chutiang pawl chu kan nei tur a ni e. A \ulna chhan: Mi \henkhatin YMA kan nei alawm an ti mai thei. Mahse, YMA chu pawl hran, dn hran nei, mi rin hrangte inchawhpawlhna a ni. Khaw thenkhatah chuan hmang tha eltiang mahse kohhran huang chhunga rawngbawl tura intihphrna pawl a ni lo va. A chng a zau a, YMA thiltih tam takte chu tha em em pawh biak ina tih mi ni lem lo a tam mai. Hnam nun dan hrim hrim te, inkawm hlimna thil te, hmasawnna kawng dang te, kohhran hminga han tih dwna wm mang si lo, YMA-in kan tih theihte a lo awm a, kan ti fo thei hlawm rng a. Khaw thenkhatah erawh chuan kohhran huang chhunga awm chiah ang thaw thawin YMA an nei a. Biak inah te an inkhawm bawk a, a changin hmun dangah. Social an neih chang te chuan hla chi tinreng sak te hi a thiang tain an hre tho bawk si a, chawhpawlh dn twk an thiam lo hle mai. Chuvangin Kristian |halai Pawl tih nen hian chawhpawlh lo ila thain ka hria. Thalai pawl chu a dinhmun dik tak chu Hmeichhe inkhawm ang hi ni zawk sela, Hmeichhe inkhawm hi pawl hrang hrang an ni lo. Kohhran chhung rawngbawlna tha tak pakhat a ni mai. Tunah Kohhran Hmeichheho chu sikulah inkhawm sela, Mm ang kan piang hmun ta si lo tih te hi sat a mai mai sela, eng angin nge kan ngaih ang le? Kohhran hming kher chuan tih wm a ni hauh lo mai. Nula leh tlangvalte kan nih avangin kohhran hming chuan hetiang hi kan ti bik tur a ni lo. Khaw thenkhatin YMA an hman dank an enin an ti-kohhran hle si a, social-ah te chuan a zaln hle bawk e. Hei hi a dik lo a ni. Khaw tinah YMA nei theuh ila, Thalai Pawl pawh I nei theuh bawk ang u. Chawhpawlh dan tawk kan thiam ngang lo a ni e.

Neih theih dan tur: Pastor Bial tin hian thalai inkhawmpui lo nei vek ila (hmeichhe inkhawmpui iangin), kum tin vawi khat inhmukhawm thei hlawm ilangin. Tin, khaw tin hian hapta tin vawi khat emaw, a tlem berah thla tin vawi khat tal thalai inkhawm biak inah lo nei theuh bawk ila, Zoram Hmar chanin a puma kan neih vek theih nan leh kan inzawm \hat lehzual nan Aijal-ah hian bul th hotute nei bawk ila a \ha ang. YMA chuan kum 1952 ral hnuah chuan chanchinbu a hrana neih a tum ta a. Tichuan, tuna Tlngau Bu thubelh hi Thalai Thubelh lo ni hlauh sela. |halai Pawl tin te chuan kan la theuh ang a, kan chanchinte a chhuak thin ang a. A latu 200 laiin a tlem berah pawh kan pung dawn tihna a lo ni ang. Pastor-te hian an ngaihven phawt chuan an bial khaw tin Thalaite an dinpui ang a, Tlngau Bu man an dil nghal hmiah hmiah mai tur a ni. A pawimawhzia: Kan kohhran Assembly chuan ram thar a ngaihsak hle mai. Ram thar chungchang te hi \halai kutah dah deuh deuh te an tum lehnghal a. Assembly-ah meuh pawh thalai pualah zan hran te an lo kian tan ta a. Presbytery te pawhin an la tiin, bial inkhawmpui te pawhin an tih lam pui a la ni ang. Tirhkohte kan mamawh em em a, kan ram chhunga rawngbawl tur mai pawh ni lovin ram thima kal turte an tul zel a. Tarte hi em ni kal ang le? Ni lo ve, nula leh tlangvalte an ni ang. Chu lovah pwh thalaite hian thil ropui tak kan ti thei a, tar tha thum tawhte tih theih loh, naupang zualte la thiam loh, kan tiha swt em em a tam mai. Kan hnen a\ang hian kohhranin beisei a ngah e, kan inbuatsaih tur a ni; inchawhphrna tur (movement) tha tak i siam ang u. Hmanlaiin Pu Mena te, Pu Chawnghnuaia-te hovin hetiang pawl hi Aijal-ah an lo nei tawh wm e, mahse YMA a lo awm a, chu chauh chu a lo ding ta zel a ni. Tunah hian Reiek Pastor Bial chuan \halai inkhawmpui te chu an lo din ta a. Zoram pumin I bei theuh ang u. Kan tih wm \henkhatte: 1) Thusawi zirna 2) Hla zirna 3) Doctrine lam zirna 4) Kohhran thurl tihhlawhtlin tum 5) Thawhlawm a chak zawk nan beih 6) Subject thlan bik sawiho te Tih tur zawng sawi sen loh a awm ang chu. He thuah hian Aijal-a hotu \henkhat te, Zosapte pawh ka berwn ve nual a, pawimawh an ti ve viau zel mai. Pastor-te u, in bialah \heuh |hlalai Pawl lo din rawh u. Kohhranah hian tih tur pawimawh, chanvo ropui leh mawhphurhna lian tak an nei tih hriain, nula leh tlangvalte hi phur takin che suau suau mai se, a va thlamuanthlak dawn em! Tuna lnglaite hi rei lote hnua kan Kohhran Upa, kan Tirhkoh leh kan hruaitu turte an ni e.

A rem chuan ram dang Sapram te, America te, India-ah te |halai Pawlin hna an thawh dan ka la rawn ziak leh ang e. (He article hi Pu Lalthankima ziah, August 1952 Kristian Tlngau Chanchinbua chhuak a ni)