12/10/2013

ZOGAM.COM - 3rd World Zomi Convention cheplawkna om

Lamka Weather Temperature: 17.6 C Dew Point: 15.2 C Humidity: 86% Rainfall (last 1Hr): 0.0 mm Wind: 5.0 km/h - 212 SSW Recorded @ 03:43 on 12 October 2013

HOME

RETURN HOME

NEWS

ZOKAM AND ENGLISH

ARTICLES
ARTICLES

COLUMNISTS
OUR COLUMNISTS

MEDIA

VIDEO & AUDIO

TWILIGHT ZONE
POEMS, LYRICS ...

DOCUMENTS
VENGSUNG NEWS

Check our Zogam.com Timeline - Be y o nd We b sit e a nd Fa c e b o o k

A A Login Register

3rd World Zomi Convention cheplawkna om

News in Zokam | Sunday, 06 October 2013 12:46 | Site Admin | Hits: 93

Lamka, Oct-5: Lamka ah Oct 25-27, 2013 sung the 3rd World Zomi Convention(3WZC) om ding a Organising Committee makaih in tuni in Sim Veng a SYO Hall ah 3WZC cheplawkna kick-off program om a, Rev Lamkhogin Khaute, Executive Director, EOC in hong hi. Huai ah Chief Guest in Langkhanpau Guite, Chairman ADC pang a, Rev Thangkhangin, Director (Inst) in Be a Blessed Nationchih thupi zangin Pathian thugen hi. LB Sona in Convention Message a genna ah Dist Level, State Level leh State capital level ah Zomi Namni kilawm a, huaite tung ah 3rd World Zomi Convention kizang ding hin gen hi. 3WZC in Zo suante hih kiphawkthakna hontun ding leh Pathian thei kawm a Gam leh Nam itna ban ah ittu hong pianbeh leh chih message gen hi. Chief Guest in Nam vai leh Pathian thu zui a hibang program bawltheih thupi sakthu gen a, Shillong ah Zomi Intellectual-te a kimuhpihna ah 3WZC ah tel asawm thu uh gen hi. 3WZC program lawhchinna din panlak chiat ngai hin gen a, khawtang makai tuamtuamte ban ah Saptuam ten panla khawmvek lehang program lawhching ding hin gen hi. 3WZC ah MC Mary Kom ahong teltheihna din amah mimal taka kimuhpih in chial hin gen a, amah Bolly Wood film shooting ziakin mun tuamtuam ah zinkhia a, Manipur a om laitak ahih aleh Zomi-te program ah tel ngeingei ding ahihdan MC Mary Kom in theisak chin gen hi. Tuni zinglam in Zomi Council office ah 3WZC tawh kisai in Press Conference om a, Dr R.Sanga, Convenor in 3WZC tawh kisai program taklang a, K.Vungzamoi in Seminar leh Worship tawh kisai taklang hi. Lamka Public Ground ah Oct 25,2013 zinglam dak 10:00 in Cultural Exchange & Cultural Exhibition hun honna om ding a, Chief Guest in Oscar Fernandes, Union Minister (Road Transport & Highway) pang ding a, Functional President in Chief Minister O.Ibobi pang ding hi. Huai ah Guest of Honour in Dy CM Gaikhangam pang ding a, Chief Host in Health Minister Phungzathang Tonsing pang ding a, Special Guests in mi 9 pang ding hi. Kikhopna ah Nam tuamtuam in mahni pau chiat in Halleluijah Chorus akituak in sakhawm ding uh a, cultural exchange ah Naga Cultural Troupes, Meitei Cultural Troupes & Thang-Ta Dance namlam lahna omding hi. Cultural Exhibition hun ah singtangmite laka Nam tuamtuam atamtheipen in akituak in Nam lam(dance) nei ding uhi. Oct 25 & 26 zinglam dak 10:00 apan YPA Gen HQ Hall, Hiangtam Lamka ah Issues, Challenges and Opportunities of the Zomi chih pandan in Seminar/Workshop om ding a, Resource Person in 8, Panellist & Moderator in mi 13 leh Planery Speech mi 4 in peding a, nitak hun in biakinn tuamtuam 10 ah Be a Blessed Nation chih thupi zangin Pathian biakna omding hi. Oct 27, sunnung dak 1:00 in Lamka Public Ground ah joint fellowship leh Valedictory program om ding a, huai hun ah mipi thumkhawmna om ding a, Special No. 10 vel ngaihkhiat hiding hi. Huaima Oct 24, 2013 sunnung dak 2 in New Lamka a Dorcas Jubilee Hall ah Role of Community in maintaining Peace & Security chih thupi zangin houlimna om ding a, huai ah Tribe leaders, Public leaders, Church Leaders, Philantrophic leader-te telding uh a, Union Home Ministry a Joint Secretary(Northeast) Sambhu Sing, IAS in leng uap ding hi. 3 WZC hun uap ding in gam tuamtuam apan mi tamtak hong paikhawm ding hin vaisaiten gen uhi. [Zogam Thupuak]
Like 0 Send

YO U NEED TO LO GIN TO C O MMENT | C O MMENT NA PIAK NO P LEH NA LO GIN NGAI DING

J C omments

KUATENG ONLINE We have 877 guests and no members online

www.zogam.com/news/news-in-zokam/2045-3rd-world-zomi-convention-cheplawkna-om.html

1/2

12/10/2013
Copyright 2013. ZOGAM.COM.

ZOGAM.COM - 3rd World Zomi Convention cheplawkna om

Latest FB About Us Searc h Arc hive Contribute Announc ements Admins Zogam Mail Disc laimer Contac t Us Home

www.zogam.com/news/news-in-zokam/2045-3rd-world-zomi-convention-cheplawkna-om.html

2/2