Tv.

DAVID LALMALSAWMA (SAWMTEA) VUINA

A Hun : 3rd December, 2009 (12:00 Noon)

Vuitu : Rev. Lalrinawma

PROGRAMME

1. Pathian thu chhiar leh \awng\ai

2. Chhungkaw aiawh thusawi - Pu R.Lalhmingliana
3. Thlamuanna thuchah - Vuitu
4. |awng\aisakna
5. Hla(KHB - 455) Tunah a thar hmangaihna eng nuamah
6. Malsawmna

THLALAK

Thlanmual - Pro Pastor Lalngaihawma

 Tv. David Lalmalsawma (Sawmtea) Chanchin tlangpui

1. Chhungkaw lam :- Tv. David Lalmalsawma (Sawmtea) hi

Pu R.Lalhmingliana leh Pi Lalhmangaihi te fa pathum zinga a milai
ni turin 8th April, 1981 khan Aizawl Civil Hospital-ah a lo piang a. An
unau chu heng hi an ni :-
1) Nl. Lalnuntluangi 2) Tv. David Lalmalsawma
3) Dr.Rosie Lalthanpuii
Sawmtea hi a naupan lai hian mipa naupang duhawm leh chum
tak niin mi lawm a hlawh \hin hle a. Mi kawm nuam tak, \henrual
ngaina leh hawihhawm, hriatna zau tak nei ni chhovin a tih tawhna
lamah chuan rilru pe nasa tak mi a ni.

2. Zirna lam :- Sawmtea hi a naupan lai chuan Chanmari Venga

Neuhof English Medium School-ah kalin zirna kawngah chuan
naupang vantlang tak a ni chho va. Kum 1998 khan Govt. Higher
Secondary School a\angin Matric a zo va. He School-ah vek hian
Class XII thleng a zir a ni.

3. Sakhuana lam :- Sawmtea hian rawngbawlna lamah chuan

sawi tur a nei tam vak hman lo. 1992-1995 vel lai, Intermediate
Department naupang an nih lai khan a \hiante nen Thlarau Thianghlim
pawlna changin Pathian thuah an tui em em a, Thlarauva piantharna
a lo chang tawh a ni. Chanmari Branch K|P Property Sub-Committee
member ah te lo \ang tawhin Chanmari Presbyterian Kohhran
Chanchinbu, Chhungtin Kantu Editorial Board member-ah te
chanvo a lo nei ve tawh \hin bawk.

4. Eizawnna lam :- Sawmtea hian a hriatna leh ngaihtuahna hi

a hmang thiam em em a. Hei hian a eizawnna kawngah pawh a pui
hle. Mizorama Telephone Provider lian ber BSNL hnuaiah hian
Franchisee (Distributor) niin Chanmari-ah hian inbunin BSNL hnuaia
sumdawnna chi hrang hrang (Recharge coupons, WLL connection,
etc) Agent atan BSNL chuan a hmang mek. A hriatna leh a hnaa a
tuina avang hian BSNL hotute duhsak leh hriat a hlawh phah hle a ni.
5. Rawngbawlna dang :- Kum 2004 a\ang khan a thihni
thlengin Sawmtea hi MZP Gen.Headquarters-ah Executive Committee
member a ni a, I.T in-charge te pawh a lo ni tawh \hin. MZP leh
Mizo mipui tan pawh tha leh zung a seng nasa ve hle \hin. MZP-ah
hian hruaitute finchhuahtu berte zinga mi a ni a, rawtna hrang hrang
siam peih tak a niin, chu ng bawhzuina kawngah chuan theihtawpa
hma la \hin a ni. Ama rawtna avangin Lengpui Airport behchhana
NCC (Air Wing) (Thawhna khalh zirna) hi kum 2/1 chhunga peih hman
turin Central sawrkarin ruahmanna a siam a ni. (Thlawhna khalh zirna
hi cheng Nuai 20 chuang senna a ni a, a rawtna hi tihhlawhtlin a nih
chuan man tlawm zawka zir theih tur a ni). Hemi thilah hian State
sawrkar mai nilo, Central sawrkar hruaitute thleng amah ngeiin hmuin
a \ul ang ang bawhzuiin MZP kaltlanga ama thawh rah liau liau a ni.

Tin, Mizo zinga Internet lama rawngbawlna \angkai tak, Youth

Internet Ministry (Youthim)-ah hian a tira a\anga telin Executive
Member a lo ni tawh \hin bawk.

5. Natna leh hun hnuhnung :- Sawmtea hi a naupan laiin

naupang duhawm leh pian \ha tak ni mahse, hrisel lohna neuh neuh
hian a tlakbuak ve \hin a. Naupan lai a\angin awmhnawk (Bronchitis)
a nei a. Hei hian harsatna a thlen ve fo \hin.

Kumin March thla khan a luak avangin Aizawl Civil Hospital

panpui a ni a, chutah chuan Sawmtea hian Lung natna khirh tak,
(Cardiomyopathy) a vei a ni tih hriatchhuah a ni a. Tichuan July thla
khan Birla Heart Research Centre, Kolkata-ah enkawl a ni leh a, kar
khat zet damdawiina a awm hnuin Aizawl lama enkawl turin an rawn
haw a. Aizawl-ah hian in check-up rengin damdawi hmanga enkawl
chhunzawm zel a ni.
25th November khan BSNL Office-ah kalin a rawn haw lam chu
a chau hle a. 26th November 2009 khan a luak a, thawhah a neih
bawk avangin a buai hle. A tuk, 27th November khan New Life
Hospital-ah admit a ni a. Doctor ten theihtawpin an enkawl a.
30th November leh 1st December zanah te kha chuan a taksa a chau
zual hle. Tichuan 2nd December zingkarah Civil Hospital Intensive
Care Unit (ICU)-ah sawn phei a ni a. Theihtawpa enkawl a nih hnuin
2nd December, 2009 chawhnu dar 1:00 khan chatuan ram min pansan
ta a ni.
KHB 455 - TUNAH A THAR HMANGAIHNA ENG NUAMAH

1. Tunah a thar hmangaihna eng nuamah,

Kan Lalpa hmun ropui;
Lawmna pangpar rimtui a vul tah chuan,
A chul leh tawh lo vang.
Lawmin nakinah kan inkhawm ang,
Van angel var rual zawng zawngte nen;
Lungngaihna rama rumna zawng hi,
Kan Lalpa hmaa lawmna hla tur.
2. Ka dam lai ni hi a tlak hma zawngin,
Ka tan chhum a zing \hin;
Nakinah chu ram ka thlen ve hun chuan,
Ka ngai lo ng khawvel hi.
3. Tin, chu ram khawpui lam chu pan zelin,
Lei hi ka hlat zel a;
Tunah a par rimtui ka tem ve ta,
Aw, a va nuam dawn em!
4. Ka Chhandamtu hmel duhawm hliam hnu khan,
A lal\hutthleng chungah,
Ro a rel dawn tlan sate an lawm nan;
Halleluia, Amen!
-----------------------

THLALAK DAN TUR

1. Vuitu nen 2. Chhungkuain

3. A Unaute 4. A Nu leh pa
5. A pa Unaute 6. A Nu unaute
7. A Unaute zawng zawngnen 8. Chhungte zawng zawng nen
9. BSNL 10. MZP Gen Hqr. Elected OB
11.MZP Gen Hqr Executive Com 12. Youthim
13.A \hiante