Ang Diabetes MELLITUS ay isang madalas na panghabambuhay na sakit. SA SIMPLENG PAGKAKASABI, IKAW AY MAY DIABETES KUNG ANG DALOY NG IYONG DUGO AY NAGLALAMAN NG NAPAKARAMING ASUKAL (GLUCOSE: KAYA ANG TERMINO NA GLUCOSE NG DUGO). Ang glucose ay isang mahalaga at kinakailangang mapagkukunan ng enerhiya para sa buong katawan. Napakahalaga ng asukal kaya likas itong nililikha ng ating katawan, kahit na ang karamihan ay nagmula sa mga pagkaing kinakain natin.
Bilang bunga ng Diabetes, ang asukal ay naiipon sa
dugo: ang sitwasyong ito ay maaaring ihambing sa isang ilog na umaapaw ang tubig at mga sustansiya (asukal) ngunit hindi makakarating sa destinasyon nito (pananim, iba pa). Nagaganap ito dahil ang mga daanan ng akses sa taniman ay depektibo; katulad nito, sa Diabetes ang glucose ay hindi wastong makakapasok sa mga selyula dahil sa depektibong aksyon ng insulin.
ANG GLUCOSE NG DUGO AY KINOKONTROL NG
INSULIN, ANG HORMONE NA INILALABAS NG MGA SELYULA NG LAPAY. Tumutulong ang insulin na makapasok ang glucose sa kalamnan, atay at mga selyula ng tissue ng taba. Kapag hindi sapat ang insulin, naiipon ang glucose sa dugo: ang kondisyong ito ay Diabetes. Ang mga gamot, at higit sa lahat ang tamang uri ng pamumuhay, ay nagpapahintulot sa mga taong may Diabetes na makaabot sa normal na dami ng dugo, nagtitiyak sa wastong paggana ng lahat ng metabolismo at sa pagpigil sa pagkasira ng parte ng katawan na pangmatagalan.
Kapag walang sustansiya mula sa ilog, ang buhay
sa pampang nito ay nagdudurusa; kapag may tubig at sustansiya, nabubuhay itong muli. Ito ay katulad sa ating katawan: nagdudurusa ito kapag mataas ang antas ng glucose, ngunit bubuti ang kondisyon ng kalusugan nito kapag may tamang mga paggagamot.
Mga Uri ng Diabetes
Ang TYPE 1 Diabetes ay sanhi ng pagkawala o dipaggana ng mga selyula na lumilikha ng insulin sa lapay (beta cells). Ang uring ito ng Diabetes ay palaging ginagamot ng itinuturok na insulin upang mapanatiling nasa kontrol ang asukal ng dugo. Sa TYPE 2 Diabetes, ang iyong katawan ay lumalaban sa epekto ng insulin kung saan, bukod pa, ay nililikha ng lapay sa hindi sapat na dami. Ang uring ito ng Diabetes ay nagagamot sa pamamagitan ng balanseng diyeta, ehersisyo at pagkawala ng sobrang timbang. Ang paggagamot ay ibinabatay rin sa paggamit ng mga gamot, pati na rin ng insulin kung kailangan.
Ang mga sintoma na kasama ng Diabetes ay
pangunahing naoobserbahan sa type 1 Diabetes, at ang kanilang pagsisimula ay malamang na biglaan. Sa kabaligtaran, sa type 2 Diabetes ang mga palatandaang ito ay wala o napaka-kaunti, at ang sakit ay dahan-dahang lumalala sa paglipas ng mga taon. Sa katunayan, ang type 2 Diabetes ay kadalasang di-sinasadyang natutuklasan.
May ibang mga uri rin ng Diabetes:
GESTATIONAL DIABETES (sa panahon ng pagbubuntis). At ilang mga hindi karaniwang uri: GENETIC DIABETES; DIABETES NA SANHI NG ILANG PRODUKTONG GAMOT (halimbawa mga cortisone); DIABETES NA SANHI NG ILANG MGA SAKIT SA LAPAY.
Mga Palatandaan at Sintoma ng Diabetes
MADALAS NA PANGANGAILANGANG UMIHI PAGOD SUMUSOBRANG PAGKA-UHAW PAGKAWALA NG TIMBANG MGA PROBLEMA SA PANINGIN
Ang mga sintomang ito ay pangunahing
naoobserbahan sa type 1 Diabetes, at ang kanilang pagsisimula ay malamang na biglaan. Sa kabaligtaran, sa type 2 Diabetes ang mga palatandaang ito ay wala o napaka-kaunti, at ang sakit ay dahan-dahang lumalala sa paglipas ng mga taon. Sa katunayan, ang type 2 Diabetes ay kadalasang di-sinasadyang natutuklasan.
Mga Sanhi ng Panganib ng Type 2 Diabetes
PAGIGING SOBRA ANG TIMBANG KAKULANGAN NG EHERSISYO EDAD KASAYSAYAN NG PAMILYA ng type 2 diabete MATAAS NA PRESYON NG DUGO PAGBUBUNTIS pagkakaroon ng Diabetes sa panahon ng pagbubuntis PINAGMULANG ETNIKO Ang mga taong nabibilang sa ilang grupong etniko ay may mas mataas na panganib ng pagkakaroon ng type 2 Diabetes (Asyano, mga katutubo ng Hilagang Amerika, mga populasyon ng Gitna at Timog Amerika, mga katutubo ng Indian peninsula, mga pulo ng Pasipiko, at mga Aprikano-Amerikano)
Kaya, ang type 2 Diabetes ay nagdedepende sa
mga panlabas na sanhi (di-tamang diyeta, kakulangan ng ehersisyo), pati na rin ang mga sanhi na may kaugnayan sa katawan (genetic predisposition). Sa alinmang mga kaso, sa pamamagitan ng pagsasagawa ng hakbang na may kaugnayan sa uri ng pamumuhay, ang type 2 Diabetes ay maaaring maiwasan o maipagpaliban.