Florence. Dahil sa negosyo nila na banking, ang pamilya ay yumaman at nakilala sa Europa bilang mga duke. Sa pamilyang ito nagmula ang apat na papa na sina Leo V, Clement VII, Pius IV at Leo XI, at ang dalawang reyna na sina Catherine at Marie. Nang namuno si Cosimo, anak ni Giovanni, sa Florence naging patron siya ng mga makataong sining (humanities), sinuportahan niya ang mga alagad ng sining, ilan sa mga ito ay sina Ghiberti, Brunelleschi, Donatello, at Fra Angelico. Mula sa panahon na namuno si Cosimo hanggang sa kanyang apong lalaki, na si Lorenzo the Magnificent, yumabong ang kultura ng Renaissance at naging sentro ng kultura ng Europa ang Florence. Mahalaga ang naging papel ng Pamilyang Medici sa pagpapalaganap ng Renaissance sa pamamagitan ng pagtatayo ng pampublikong aklatan, pagsuporta sa mga pintor at eskultor.