Professional Documents
Culture Documents
kongah
UNHCR thawngthanhnak ahcun UNHCR card a tlaih mi vialte hna nih 6P programme ah register a tuah mi vialte hi an ram kir ter `hannak ding caah a si lo. Malaysia cozah nih a tu bantuk in 6P tuah ding ah register kan tuah ter mi hna cu an ram ah kir ter ding caah kan tuah piak mi hna a si lo. Malaysia cozah nih hin UNHCR ah register tuah mi vialte cu International humhimnak bantuk tein an um rih ko lai tiah an ti. Malaysia cozah nih cun refugees pawl cu 6P programme register tuah dingah August 23, 2011 ni thawk in Putrajaya ah tuah hram an thawk. Atu bantuk in 6P register an tuah lio ah immigrant hna nih catlap (document) an pek mi hna chungah an `ial mi ca cu UNHCR nih refugees pawl an catlap (document) an `ial piak mi hna he a khat ko tiah UNHCR zung riantuantu hna nih an chim. Cu catlap (document) chung ahcun Return to my home country (Ka chuahnak ka ram ah ka kir lai) tiin immigrant nih an `ial piak hna. Hi ti bantuk in ca an `ial mi cu refugees hna caah a si lo. A sinain atu bantuk ca an `ial ruangah mi tampi cu an lung a buai. Cu ruangah UNHCR nih Malaysia cozah cu nizan ah an ton `han hna i, refugees an si le si lo hngalh fiannak ca zong ah a si ko. Cu caah Malaysia Cozah nih refugees pawl 6P register a tuah hna ruang ah an ram ah kir ter dih ding a si lo tiah UNHCR leiin thong an thanh. Cu caah a tu bantuk in Malaysia cozah nih refugees pawl 6P register a tuah hna ruang ah zeihmanh lung buai ding a um lo i, refugees an si tak le si tak lo theih hngalh fiannak ca zong ah a si i, Malaysia ram chung an um chung ca zong ah an humhimnak ding caah a biapi ngai mi a si tiah Malaysia cozah nih UNHCR he tonnak an ngei lio an chim. Regards Yante Ismail External Relations Officer United Nations High Commissioner for Refugees Kuala Lumpu
VOLUME 1, ISSUE 42
Cahmai: 2
CHINRAM THAWNG
Ralkap nih kuan an zuar
August 22, 2011: Sagaing ram`hen Kalaymyo ah a um mi ralkap pawl cu min theih lomi hna sinah kuan an zuar ti a si. Ralkap he Palik he zudawr ah an ra ton i, min theih lomi hna sinah kuan an zuar ton tiah zu a zuar mi hna he naihniam pawl nih an chim. Tamu pengah India miphun hriamtlai an um i, ralkap nih zarhkhat voikhat ti awk in kuan an zuarh hna hi a si. Zudawr ah kuan cu puan in an rak tom i, an zuar ton hi a si. Tulio ralkap thlahlawh thlakhat ah 40,000 pek an si i, zuh `uk`ak a tam tikah pawcawmnak caah a har ko tiah ralkap he naihniam pawl nih an ti. India-Kawl ramri um ralkap pawl cu eidin an i zat lo caah mipi sin hal langmang a si ti zong an chim. (Cc: Khonumthung)
VOLUME 1, ISSUE 42
Cahmai: 3
dih hna. Mr. Quintana nih Naypyitaw cozah sin a chiam bia vialte fianternak a tuah hna. Cun NLD cawlcanghnak tete Daw Suh le U Tin Oo nih fianternak an ngei. Cu tonnak ah Mr. Quintana he Thailand le Britain in nuhrin covo lei a thiam mi pahnih an i tel ve. Tonnak a dih in Mr. Quintana le Daw Suh cu
thawngla pawl nih tonnak an ngei hna. Mr. Quintana he kan i ton cu lung a tling tuk tiah Daw Suh nih a ti. Mr. Quintana timi pa hi Kawlram nuhrin covo kongah dawtnak thinlung he aa zuam mi a si a ti rih hna. Hi konglei a thiam, bochan tuk mi a si. Tonnak kan ngeih khawh hi lung a tling tuk tiah Daw Suh nih a ti. (Cc: RFA)
VOLUME 1, ISSUE 42
Cahmai: 4
DKBA nih ramri hngak Ralbawi pawl Motor DKBA (BGF) pa sarih an tlaih hna nih lambawh in an kah hna
August 22, 2011: Ramri hngak ralbawi bochoh Maung Maung Aung, nichuah thlanglei tainghmu Bohmuchoh Tin Maung Win le Karen ramkulh vuncichoh bohmuchoh Zaw Myint hna Motor cu DKBA pawl nih lamkam bawh in an kah hna. August 20 ah bohmuchoh Saw Chit Thu hruaimi ramri hngak ralkap kumkhat tlinnak puaituahnak in an kir lei ah hitin an kah hna hi a si. Ralbawi lian pawl motor pa sarih cu DKBA nih an kah hna i, ralbawi pawl khen loin humhimnak lei tuanvo latu ralkap pathum tu an hliam hna. Ralbawi lian pawl Moyor a ra lai ti hi kan theih cang caah hitin lambawh in kan kah hna hi a si tiah DKBA lei nih an ti. A hnu thawng a thang `hanmi cu ralkap pathum an thi, pahnih hma an pu tiah DKBA nih an chim. Motor a phak bak in kan kah colh hna, cun a hnu ah kan i thawn `han. Kan hnu in an kan kah nain kan tlik tak hna tiah DKBA pawl nih an ti. (Cc: Monloi)
August 25, 2011: Karen ramkulh kanngenawng khua ah ramri hngak DKBA le hriamtlai DKBA pawl dohnak a um i, a thi mi an um lo nain hriamtlai pawl nih BGF minung 7 cu hriam 8 he an tlaih hna. Kan tlaih mi hna hi ralkap in phuah an duh zong, hriamtlai he fonh an duh zong anmah duh mi an i thim ko lai tiah DKBA lei nih an ti. Zei ruang ah dah Karen kanmah le kanmah kan i tuk, a tu can cu mipi ca kan `uan awk a si cang. DKBA hi ralkap nih ramri hngah a kan fial. Cun kanmah le kanmah an kan doh ter. Ralkap kuttang nan um chung cu kan ral nan si ko tiah DKBA ralbawi pakhat nih a chim. (Cc: DVB)
VOLUME 1, ISSUE 42
Cahmai: 5
khualtlawnnak
dingah ka forh hna a ti. Insein thonginn a kalnak kong, thongla 7 a ton hna nak kong, cu hna chungah U Aung Thein, Mah Khin Khin Nuh, Phio Win Aung, Win Aung, Ni Ni Htun, Khin Thu Shwe te pawl an i tel a ti rih. Cun Thongtla pawl poter phorh ah an kal ter hna ning, Lamhla an kuat hna ruangah chungkhar nih a herh mi si-ai an pek khawh hna lo ning, eidin chanh a har ning, an chek hna lioah an hrem hna ning hna a chimchih. Cun thongtla kong thiam ah an chia`ha ah mei in an duah hna a ti. Ih khawh loin an tuah hna,
Uico bohnak innkhan an `hial hna, siai caah anmah tein phaisa an dih ning hna kong tling tein a chim. Tutan ka khual tlawnnak ah zapi he fiang tein ceih`inak ka ngeih caah voidang ka khualtlawn nak nakin a `ha deuh, theih ka duhmi kongah a ka bawmtu cungah kaa lawm ti zong a chimchih. Tutan ka khawm mi thawngpang vialte hi September UNO meeting pi ah ka chuah pi lai a ti. Cun a ra laimi March, 2012 UNO security council ah ka chuah pi hlan ah voikhat cu ka ra `han lai a ti. (Cc: Mizzima)
an si. Kan hnu nai te zongah Pu Than Shwe a mizumh pahnih bochoh Way Luin le bochoh Khin Zaw Oo an rian in chikhat dinter an si i, an rian ah midang an luh ter hna. Atu a cawngtu minung an dinhter mi hna zong Pu Than Shwe bia a si lai lo tiah thawngpang a leng. (Cc: Internet)
VOLUME 1, ISSUE 42
Cahmai: 6
VAWLEICUNG THAWNG
Khuaruah har Japan minung Tuluk nu ruangah vawlei pi Bawngbi in China palik a tuk pawl an thin a phang cang hna
August 18, 2011 Tsunami thlichia dih hnuah Japan miphun an dik ning, a dikmi dirhmun an um ning pakhat fiangpup in a lang. Thlichia nih a kal pimi chungin thilri an kawl i an hmuhmi phaisa $78 million hrawng cu rian ngeitu sinah an pek `han hna. Thilri an kawl mi hi thlichia a thawh thlanga hnu ah a si. Tilian nih a kalpi mi, mei nih a kang kholo mi ngunkuang 5700 an char i, Palik sinah an chanh hna. Thlichia ruangah a tlaumi zat dengmang an chuah pi `han. Thingkuang chungah an min. address hna aa tial mi hna cu a ngeitu sin an phak ter dih cang. Japan phaisa in 2.3billion cu a ngeitu sin a phan `han cang tiah palik pawl nih an chim. Tutan Japan miphun cawlcanghnak nih Japan miphun an fel ning, an dik ning tampi a langhter tiah University pakhat in pamawkhah Ju Ji nih nih a chim. An ngeih cia thilri thlichia nih a kalpi dih nain rawl loin a chiah lotu Japan cozah a ngeimi Japan miphun cu eidin an bawmh thai hna lo nain eidin a chuahpi tu rian biatak in an kawl piak hna. (Cc: Online News) August 21, 2011: Germany ram chaklei ah Engineering pakhat cu Tuluk nu a `hit ruangah ningcang loin a rian in an phuah tiah biaceih zung pakhat nih a ti. Tuluk ram ah chungkhar thar a ngei cang lai caah humhimnak lei tuaktan in kan phuah mi a si tiah rianngeitu nih a ti. A `uannak company hi German ralkap thilri a petu a si caah hriamnam lei kong hlathlaitu a si sual lai ti kan phang an ti. Riangngeitu pa nih mah le duhmi `hit khawhnak upadi an hrawh tiah biaceih zung nihcun an ti. An phuahmi pa cu a thlahlawh thla 7 he aa tlukmi fahnak man an pek `han. (Online news) August 25, 2011: Tuluk ram ah nu pakhat cu a bawngbi aa phoih i, a bawngbi in Palik pa a tuk caah thla 8 thongdan an pek. Bawngbi aa phoih lioah a dang palik pawl nih cun kan zoh ngam lo, palik pakhat a hmaiah a tuk i a tlu tiah a dang palik pawl nih an chim. Hi nu hi kethum ngei a cycle in pakhat pa a pah sual i, a pah mi pa cu fahman ah $ 1 a pek ti a si. Cu pa nih a lung a tlin lo caah palik sin report a tuah i, palik nih an auh nak ah hitin a tuk hi a si. Cho tilawng in a min aa bunh mi nu nihcun ka bawngbi kaa phoih lioah ka tang lei cu taklawng a si caah ka pawng um mi pawl nih an ka zoh ngam lo ti ka theih ko, palik nih fak tuk in dan an ka tat sual lai ka ti caah hitin ka tuk hi a si a ti. (Cc: Online news)
Gadhafi a 1,670,000
tlai
khomi
August 24, 2011: Lybia hruaitu Moammar Gadhafi a tlai kho mi c u $ 1,670,000 pek nan si lai tiah dotu tupung lei nih an chim. Cu biachahnak an tuah mi cu ramchung chawlet pawl nih an dirkamh tiah tupung hruaitu Mustafa Abdel Jalil nih a ti. Gadhafi ralkap le tupung pawl cu kan hnu nithum ni tiang fakpi in an i do rih ko. 90% cu tupung kut a phan cang nain Gadgafi umnak hmun theih a si rih lo. American rian ngeitu pawl nih cun Lybia ram chungah aa thup ko tiah an zumh. Tupung hruaitu pakhat nih cun Gadhafi cu ramkip biaceih zung The Hague khua phakpi nakin Lybia ram chung biaceih zung ah dantat a duh deuhnak kong a chim. Lybia ram harnak tong pawl bawmh dingah Lybia ram phaisa an lak piak mi $1500 million cu pek `han dingin UNO biachahnak a um khawhnak dingin US nih aa zuam cuahmah. (Cc: VOA)
hla kalnak Motor lam hna ah an tlaih thluahmah hna. Gaddafi zong a rauh hlan ah kan tlaih kho lai an ti. Gaddafi fa le pahnih Saif al-Islam le Saadi hna zong Tripoli khuachung ah an tlaih cang hna. Karibia tikulh ah nuamhnak a kal i, nikhat ah $ 2million a hmangmi Gaddafi fapa saif-Al-Islam nih tupung kut ka phan cang tiah a tah bu in a chim. Anau pa belte cu tupung sinah hriam a chiah. Lybia tupung pawl nih ramchung minthang Green Aquare cu Martyr Square tiah min an thlen. Tupung pawl lakmi Bangary ahcun mipi nih zan khuadei teinak an lawmh ti a si. (News)
VOLUME 1, ISSUE 42
Cahmai: 7
VAWLEICUNG THAWNG
Malaysia nuhrin covo cawl- Tar lei a panhtertu zawtnak pak- Ngunkhuai (levy) man RM canghtu pa caah duhlonak an hat 50 a kai cang lai A Shianty langhter nunlam hi ngaihchiat Malaysia ram chung ramdang rian`uantu
August 18, 2011: Malaysia ah nuhrin covo kong cawlcanghtu sihni pakhat cu Japan company nih minchiat ter ti ruangah taza an cuaimi ngawl `han dingah Thailand ram Japan tanzung ah nuhrin covo cawlcanghtu Thai le Kawl bu hna nih halnak an tuah. Malaysia ram nuhrin covo cawlcanghtu sihni Mr. Charles Hector Fenandez nih Malaysia um Japan company Asahi Kosei nih Kawlmi riantuantu 31 hna cu canhlei rian`uan man a pe hna lo tiah a mah pumpak blog ah 2011, February 8 ah a rak tial. Cu ruangah kan min na chiat ter tiah Japan company nih &3.3million liam dingin biaceih zungah taza an cuai. A ra laimi August 24 ah biaceih zungnih a bia a voikhatnak an ceih lai. Cu ruangah minung 20 hrawng nih Thailand um Japan tanzung ah duhlonak an langhter hi a si. Sihni pa sinah US$ tamtuk an halmi hrawh `han dingah an hal hna hi a si. (Cc:thanluin) awk tlak taktak a si. Kum 8 lawng a si rihmi nu a si nain kum 80 a si cang mi bantuk in a tar. Cu tin a tar tuantertu cu a sunghar mi zawtnak Hutchinson-Gilford Progeria Syndrome (HGP) ruangah a si. A mui zoh ahcun a upa tuk mi a lo nain primary siangngakchia pakhat thinlung a ngei i a hawi le he nuam ngai in a tlawng. A chuah tlawmpal ah hi zawtnak nih a tlunh hi a si. Zangfak awk ngai a si mi ngakchia nu cu tlawmpal lam a kal ah ka ke a fak a ti ton tiah The Sun thanhca nih a langhter. (Cc: The sun)
vialte cu Spet 1 thawk in (levy) ngun khuai RM 50 ka kaih deuh cang hna lai tiah ramchung humhimnak lei lutlai Mahmood nih a chim. Sept 1 hnu cun dum ah lothlo mi le sinum hna caah RM 410, thlaici cinnak ah rian a `uanmi hna caah RM 590,sehzung le construction ah RM 1,250,cozah rian a tuanmi hna caah RM 1,850 a si cang lai tiah Mahmooh nih a ti. Sabah,Sarawak le Labuan ah rian a `uanmi hna caah cun man tlawm deuh a si lai i, construction le sehzung ah rian a `uanmi caah RM 1,010, cozah rian a ` u a n m i c a a h R M 1,490 a si lai. Ramdang phunglam loin a ummi minung 1,242,813 hna cu anmah tein Malaysia Lahwahkah zungah 6p an ni tuah cang tiah Mahmooh nih a ti. (Cc: Striat times)
Dawtnak thinlung
Dawtnak biahram a domhtu Dawtnak thinlung a ka thangtu Kei thinlung chungah a cam Hmape bang dam kho te hnga maw? Dawtnak chungril a lettu Dawtnak mitthli a lemtu Caankar lak ah pardang tlanh ding cun Kan siang rihlo Kei ka bihzun Par siangpahrang Ngunkung bawisin na liam ni cu Innkhar thleih in `ah len ka ser Dawtnak ruangah nun a thlengtu Ka tuarpi uh sermi vialte. vanliantu
Eto cu Russia football club Anzji Makhatsjkala nih an cawk i Anzji FC caah certual chung i a chuih caan paoh i a hmuhmi phaisa hi Second pakhat ah Kroner 1,000 a si lai, i US Dollar in cun 150 tluk a si lai. Kum khat chung a thlahlawh hi Kroner 160 million a si lai, british pound incun 15.3 million a si lai. Kumthum chung hi 15.3 million peng an pek lai. Zarhkhat ah kroner 3,1 million, a hlawh lai i pound in cun 167,825 a si. Mah cu nih cun vawlei cung pumpalulh chuih vialte lakah nihlawh tthabik a siter. Cristiano Ronaldo, hi cu hlan ah top bak a si, i kumkhat ah Kroner 93 million (10.5million) a hlawh. Pahnihnak ah Lionel Messi a si i 82 millioner kroner a hlawh ve. Anzji Makhatsjkala FC ah cun, Roberto Carlos le hlan i Chelsea ah a rka chuihmi Jurij Zjirkov hna an chuih ve. Club ngeitu hi Suleyman Kerimov timi a si ivawlei cung rumbik 136nk a si. Anzji hi Russia ah a `habik le `hawngbik club siseh ti a duh tuk. Vawlei cung pumpalulh chuih nihlawh `habik hna Kroner in kan hun `ial 1. Samuel Eto'o, Anzji 161 mill* 2. Cristiano Ronaldo, Real Madrid - 93 mill. 3. Lionel Messi, Barcelona - 82 mill. 4. Fernando Torres, Chelsea - 78 mill. 4. Yaya Tour, Manchester City - 78 mill. 6. Wayne Rooney, Manchester United - 74 mill. 7. Kak, Real Madrid - 70 mill. 7. Zlatan Ibrahimovic, AC Milan - 70 mill. 9. Emmanuel Adebayor, Manchester City - 66. mill. 10. Carlos Tevez, Manchester City - 63 mill. (Global
VOLUME 1, ISSUE 42
Cahmai: 8
TONNAK
Indonisia ah kum 15 a um cangmi Pu Sui Er he tonnak
OSJ: Na khua, na,min, nanu le napa theih kan duh ko. OSJ: A dangdang leiin bawmhnak na hmuh mi a um maw?
sianghngakchia le saya te zong nih minthatnak an ka pek lengmang. SE: Germany lei in vawleicung khuai zuatnak a ngan bik MR. Gilles Ratia Apimondia, France in Congress president hna zong nih ka thong an theih i an rak zoh. Laksawng tampi an ka pek i cu laksawng cun inn nganpi 2009 ah inn ka sak.
SE: ka khua Zephai, ka min Sui Er, kanu le kapa Thang Khen le Hnong Tial an si.
OSJ: Indonesia ramchung TV ah khuai na zuatnak kong an langhter lengmang ti mi a hman maw?
OSJ: Khuai na zuatnak ah fidi filaw hna Video an i thlak pah tawn ti mi a hman maw?
SE: Asi an i thlak lengmang ko. SE: A si Tinghnih in tingnga tiang an ka pek tawn.
OSJ:Zei kum ah dah Malaysia na phak, zei tin dah Indonesia ah khua na sak ning a si?
SE:1995 ah ka phan. Malaysia ah kumkhat ka um hnu Oparasi nih an ka tlaih i, kei cu Kawlram mi ka si ka ti zong ah an ka zumh lo ka hawi le Indonesia lawngte an si caah Jehobaru camb ah thlahnih an ka chiah i, Indonesia ah an ka kuat.
OSJ: Cu tin TV, Video an I thlak mi cu laksawng an in pe bal maw? OSJ: Khuai na zuat mi in thlakhat ah zeizah hrawng dah na hmuh khawh? OSJ: Khuai na zuatnak nih Indonesia ca zeidah a thath nem bik?
SE: Thlakhat ah Rupiah tingzathum (RM 11538) hrawng lengmang cu ka hmuh khawh. SE: Khuai kong theih duh ah a ra mi ka chim hna. Hngawng, keng, khup, thahri fak mi hna an ra i man lo tein ka khuai ka henh ter hna. Khuaiti tlawmpal te ka din ter hna. An dam ngai ngai. Phaisa ngei lo mi nih an i lawm i kei zong ka lawm tuk ve.
OSJ: Na khuai zuat mi cu nan nupa lawng in maw nan tuah ko?
SE: A si lo .Nikhat ah kuli 15-20 kar lengmang tiang in kan `uan tawn.
SE: Indonesia ka phak hnu ah Palik nih an ka tlaih `han i thong ah an ka chiah `han. SE: Kumhnih ka um.
OSJ: Kum zeizat dah thonginn ahcun na um rih? OSJ: Zeitindah na chuah khawh ning a si `han?
SE: Malaysia puaisa Saya/ Thang Din sin ah phaisa ka cah i Thantlang kan inn an ka zuar piak. Cu phaisa cu Palik ka pek hna hnu ah an ka thlah `han.
SE: Atam deuh cu a lo ko. Tahchunnak ah inn ka sak i khuapi te in nikhat an ka bawmh dih. Fanu ka ngei i khuapi tein cini, puan, phaisa, ar, chaphiat tibantuk in an rak ka zoh piak. OSJ: Indonesia le Malaysia phaisa zeitluk in dah a dan? SE: Malaysia 1RM ah Indonesia 2600 Rupiah a si.
SE: Thong ka chuah hnu in ka hnipuan a `ek dih cang. Anmah phaisa tinghnih an ka pek i ka phaisa a tlawm tuk caah nihnih ah voikhat lawng rawl ka ei. Mihrut bang in ka phaknak hmun pauh ah ka it. Zarhkhat hnu ah construction ah rian ka tuan ve.
SE: Indonesia ahcun fa pakhat ngeih ah phaisa tingkul a dih. Kei zong fanu ka rak ngeih lioah innkip do ka cawi hna i an ka cawih duh lo. Ka nupi a pa nih cawpi a kan zuar piak i mah cu ka pek hna.
OSJ: Kum hleinga chung ah Malaysia khuami le khua lei na chung khar pehtlaihnak na ngei kho bal maw?
SE: Kasi a fak tuk i pehtlaihnak phaisa ka ngei lo.
SE: Ka riantuannak inn i dawr ah a `uan mi Wati he kan i hmuh thla nga hnu ah thit kan duh ka ti i tilawng in nihnih kan kal hnu ah an khua kan phan. ~hitumhnak kan tuah.
SE: Khuai ka zuatnak in Ph te ka cawk i Sagain ka pu ph number byheart in ka zah mi a um, cucu ka hmet lengmang . 2011 June thla cio ah ka rak hmet khawh, cuticun pehtlaihnak ka tuah khawh hna.
SE:Ka nupi pa sin kumhnih kan um hnu ah an kan thawl ka nupi nih nangmah sin ah ka um ko lai a ka ti. Innfa te mau inn vawlei inn ah kan um. Kumhnih tlanglo ka tuah. Kumhnih fungvui lo ka tuah. Kumthumchung mei hawl ka rwah. Vawileicung ah a sifak bik a dongchia bik ka si ko.
SE: Hikong ka ruat ah ka lung re a thei. Nupi fa le kal tak ahcun thluahchuah ka hmu lai lo. Umthai ah le chungkhar he kan i `hen thai lai ti ka ruat ah ka celh tawn lo.
OSJ: Na biaknak ta, anmah maw na zulh hna Khrihfa in dah na um?
OSJ: Khuai a zuat tiin kan theih. Na thawk ningcang theih kan duh ko?
SE:Meihawl rawh ding thing ka hau i a chungah khuai lian a rak um. Aw kan hngakchiat lio (Pia acong) khuai kong ka rak cawn mi ka lung ah a rak chuak i inn ah a thingkua in ka zuat. Cun a kuang ka tuahpiak hna i ka zuat hna. Duhsah tein khuaidang zong ka tlaih hna i ka zuat chih. Khuai phunthum ka zuat hna i Appis indica khuaiva 2. Apis trigona 3. Apis mellifera (Australia khua hna) an si. Thingkuang zahnih leng ka zuat cang. kumkhat ah kuangkhat ah cuai sawmsarih hrawng ka lak.
SE: Muslim biaknak a si nain, an puai, thlacamnak ah ka kal bal lo i ka tuah thiam lo, thiam ka timh lo, a thli tein Pathian sinah thla kacam tawn. Ka innkhan pakhat khrihfa film zohnak le thlacamnak ah ka tuah. Ka nupi le kafa cu anmah Muslim ah an fel ngai. SE: Kan umnak hmun poh ah dinfel tein um, Kan tuan mi rian ah thiam duhnak lungthin ngeih a herh. Kan umnak pauh ah Pathian he `hen lo. Atu kei ka rian cu khuaizuat asi bantuk in khuai kong hal nan ka duh ahcun phone in chawnkhawh kasi. Email..Asnawi_t@yahoo.com, Ph.. 623418141888, 00281252750390 ah pehtlaih khawh a si.
SE: Keimah santlai lo zong biahalnak can`ha na ka pek ve caah ka lawm tuk ve.
VOLUME 1, ISSUE 42
Cahmai: 9
Ka hmuhmi kip le ka tonmi kip hi ka caah nun ser siamtu dingah hman thiam dih dingin kaa zuam.(Van Lal Sai Lo)
VOLUME 1, ISSUE 42
Cahmai: 10
American hlasak thiam Miley Cyrus nih US ramchung nu dok pa dok covo cawlcanghnak ka dirkamh tiah a chim. Dawtnak taktak cu thleidannak a ngei lo. Bible ca chungah midang ca biaceih kong aa tial lo. Pathian lawng biaceih bawi a si. Pathian cu dawtnak a si tiah a facebook ah a tial. (Cc: 7 days)
1 husband 2 wives
Nu va `hen lo ding
Tulio asia kal ning tampi aa thleng `han. Asia ah nuva `hen timi a um tuk lo. Aruang cu `hitumhnak an tuah lo caah a si. Innthong chung luh an `ih. Asia `hitumh a tlawmnak a ruang pakhat rih cu a ni, a can le a kum an ri an tuk mi atu le tu thawn an hmang. Upat hnu fa ngeih a duh mi an karh. Nitlak lei ram nakin nupi/pasal ngeih an tlai deuh. Ram rum kan timi hna Japan, Taiwan, S. Korea le Hongkong ahcun nu nih kum 29 -30 hrawng ah va ngeih an duh. Pa nih 32 hrawng ah an duh. Nupi/ vangeih tlai lawng hlah, va ngeih lo le nupi `hit lo a duh mi an karh. Japan nu kum 30 minung cheuthum cheukhat va an ngei rih lo ti a si. Taiwan kum 30 nu cheunga cheukhat an tang rih ko. Tam deuh nih vangeih an i tim lo. Bangkok ah kum 40 in 44 nu 20% va an ngei lo. Ja-
VOLUME 1, ISSUE 42
Cahmai: 11
NEKNAWI
Phaisa a um ahcun zei poh tuah khawh a si a timi pawl:
1.Phaisa pek in eidin thawthaw (Food) cawk khawh a si nain kaa thawtnak (Appetite) cu cawk khawh a si lo. 2.Phaisa pek in capo hna (Fun) cawkhawh a si nain nuamhnak cu cawk khawh a si lo. 3.Phaisa pek in nu tampi cawk khawh a si nain dawtnak (Love) cu cawk khawh a si lo. 4. Phaisa pek in si (Medicine) phuntling cawkkhawh a si n ain damnak (Health) cawk khawh a si lo. 5.Phaisa in cauk `ha`ha cawkkhawh a si nain fimnak (knowledge) cu cawk khawh a si lo. 6. Phaisa in puan `ha`ha cawkkhawh a si nain ihngilh khawhnak cawk khawh a si lo.
Capo pohnih
1. Nu va pahnih an i sik hnu ah an pa cu chizawh he lente aa celh. A nupi nih a hmuh tikah ziah vok he cun lente naa celh tiah a au hnawh. Sik a tongmi an pa nih hih! Na hmu maw Chizawh a si hi a ti. A nupi nih nangmah kan ti loh, Chizawh kha ka ti mi a si a ti. 2. Nuva pahnih an i sik hnu ah i then dingin sihni sin an kal. An pa nih kan ngeih mi vialte aa tluk tein kan i lak lai a ti. An nu nih keimah pumpak ka chuahpi mi phaisa 1000 zong kan i `hen lai maw tiah sihni pa cu a hal i sihni pa nih a lu a suk piak. Nu nih a si ahcun kan fa le pathum hi zeitin dah kan i then lai a ti. Sihni pa nih saupi a ruah hnuah va kir chung ko uh, fa pali nan ngeih tikah ra `han uhlaw biachahnak ka tuah te lai a ti hna.
NA LUNG FIM"
Kan thiam thiamlo, ti hngal lo Kan tlak tlak lo, ti ruat lo Kan cawn len mu, ramdang nun Kan dawi len ve, chan tiluan Kan thiam chin, lengmang cang hih Hngalh an har cang, Lai nungak I chuah sualnak , a fawi ning Ka lunghmui bak, ka uar bak Zei rak hngal lo, Laimi nih Kan hluan cang hna, ramdang leng Ka hei ti cuh, Lainu nih. In cah hna lang, ka maw le Zalawnnak ram, ah kan um Ti lawng kha maw, ruat lai cih Chan tiluan, na dawinak ah Lai nunphung maw, thlau lai cih Khrihfa nunzia, zong pilhhlah Pumh na kal lai, na thil hruk Ruat bu tein, I tim law Pathian biakinn, chung ah lut. Peh law koning, lungchung bia Pei nawn tein, Kawl holh in Kawlpa pawng i, naa thui ah Zoh na dawh lo, na hngal lo Eve hleng tu, rulpi bang Aan thlum dangnaal, rullungthin keng Kawl lubo pa nih, an hlen lai khah Na lung fim. Pupa phungthluk, bia kan ngei Rul lampalh lukheng deng Naa chuah sual lai, ti ka phang In forh than ning, na maw nih Chimrel thiam lo, hmurchum ka aa Pumrua muisam, hawi tluk lo Laipa te si hmanhseh, I thim hlei ko Zungzal ca, miphun hmel chunh Vapual nun , a ngei dakaw Laipa nih. TC. Zing Zing
A caan
1. Kumkhat timi a man theih na duh ahcun camipuai a sung mi siangngakchia va hal hna. 2. Thlakhat timi a man theih na duh ahcun thlatling loin fa a hringtu nu va hal hna. 3.Zarhkhat timi a man theihn a duh ahcun zarhchiar cazual a chuahtu Editor va hal hna. 4.Nikhat timi a man theih na duh ahcun fa paruk a cawmtu nipek rian`uantu va hal hna. 5.Suimilam pakhat timi a man theih na duh ahcun tonnak ding a hngak liomi aa duhmi kop va hal hna. 6 Minute pakhat a man theih na duh ahcun tlanglawng nih a kaltak mi va hal hna. 7. Second pakhat a man theihna duh ahcun motor accident a tong mi va hal hna.
Anti tithum
Zei huaha si tung loah a mit a sang ngaimi pawl cu zangfak nan va si dah Chizawh tum bang tappi hram ah can hman a hau ko lai an ti. Zalam tlangah zohchia in a ri mi pawl hi hman kan thlak hna lai i, zalam tlangah kan tar cang lai tiah CDAC le CDT pawl nih an ti tiah an ti. An ti timi hi an ti taktak mi a si tiah an ti timi a rel lengmang mi nih an ti.
Aruang cu ai ruahning le Pathian thil tining kha ai dan tuk ruangah a si. Pathian nih nan ruah ning le ka ruah ning cu van le vawlei bantuk in ai dang tiah a timi kha a si taktak. Sihamnhsehlaw hngakchia nute nih ai thawh`han i, kapa Profet nih khan thil lianngan tuah in fial sehlaw tuah loin maw na um ko hnga? Vaa kholh law va thiang an ti ahcun zeitluk in dah tuah chinchin awk asi! tiah ruahnak le thazaang a pek `han. A bawipa caah thil`ha a hei duh piak khawh tuk ning ngakchia nute ruahnak pekmi cu Ralbawingan nih a cohlan tikah cun damnak a hmu taktak i, lawmhnak in an khat. Ralbawipa lawng ai lawm loh hih, an chungkhar in an i lawm. Hi lawmhnak hi a man tuak khawh lomi lawmhnak taktak a si. Ral tampi a tei mi nakin ai lawm deuh. Nihin ramchung ramleng um kan CHIN nusal hna zong, hngakchia ka si ti hlah, san ka tlai loh ti hlah, kan miphun pi damnak ca ding ah na `hathnemnak le na santlaihnak na tikhawhnak zawn te le na hngalhtheih mi te a um ko lai khah. Na ruahnak , na lungput le nan nunziadawhnak langhter ve cang. Miphundang sinah ralzaam le saltaangsihmanhninglaw Iangngei hlinglak een, Lai nusal `ha ka si ve ko e rak ti ngam ve cang tuah. Kan ram le kan miphun nih nangmah thengte dawh an herh lio caan a si cuh!!!!
I RUAH TI LO-IN lungthli ka tum lamdang na pial I ruah ti loin kei caah Reh riangmang an ti tlang chawkhlei parbang I ruah ti loin kei caah Hmailei lampanh na liam hnu cun I ruah ti loin kei caah Tiva bang na luang, Kir ti loin I ruah tiloin kei caah Roling seh, Ngatai nu phung bangin I ruah ti loin kei caah U.D Bawi. L.Ler
Evan,William Za HumThang
VOLUME 1 , ISSUE 42
Cahmai: 12
CAWNGIA PAWL
MI DAM LO, MIZAW HNA CAAH THEIHTERNAK
Malaysia um kan Laimi a dam lomi, a zaw fakmi, thazaang a ngei lomi,Malay siikhaan kal aa harh deuhmi hna caah man fawi deuh le mah le holh tein zohkhenh a duhmi hna caah a tanglei address ah hin nifatin i piah khawh a si (1) Si phunphun cawkkhawh a si (2) Drip, thaumnak chunhkhawh a si (3) Hepatitis B vaccine ( thinphin chuahtertu B rungrul khamhsii ) chun khawh a si (4) Thla 3 khan nauhlatnak sii chunhkhawh a si (5) In chung khar nau ngeih a duh rih lo mi ( Family planning service ) (6) Thithlum, Zunthlum, Thi`um, Thikai tahkhawh a si (7) A dangdang zawtnak a phunphun ca ah MAN FAWI TE IN SI CHUNH,SI CAWK KHAWH A SI. NO 31-A , 1ST FLOOR JALAN BRUNEI BARAT( ACR ZUNG A HNU LEI, PU DU PLAZA PAWNG ) Sayama Mang Tial @ Tially Contact Ph. No 014 2660 597 Phone. No. 012 2532 704
Computer cawnnak
1.Computer Basic Course 2.Website tuahning cang 3.Photoshop Cawn khawh asi.Na computer pakhatkhat asi sual ah siseh Window athar in rawn naduh ahcun kan bawmh lai. Contact: Ngun Hlei Iang Pudu Ph.0129752507 EMANUEL HOME PHOTO & VIDEO EDITING
Na duh ning te le na lung tling tein tuahpiak kan i zuam lai. *Khuai copy *Hmanthlak `awl khawh a si. *Collection ( ) Video Edit le Video thlak Man tlawm tein kan in tuah piak hna lai. Add: 14, 6th floor, Pudu Plaza Ph: 016-6060572 Ph:017-3260339
PHAISA KUATNAK
Acan hman te le fel tein phaisa kuat piak khawh a si. Kuat khawhnak hmun hna cu: Rangon, Mandalay, Kalay Myoh, Falam, Hakha, Thantlang, Matupi, Mizo ramchung hna a si. Address: .Zophei Center, Pudu Palaza pawng Ph: 0176914641 Ph: 0129742594
Capo pohme
Phone: 012-9792719 012-2687166 Ramdang in a kir mi Pa Sa nih kan nu ramdang mi ka lo maw tiah a hal ti si. An nu nih na lo loh, ziah a ti tikah ramdang sianginn ka kainak ah nu pakhat nih pei ramdang mi na lo a ka ti cu a ti.