Madalas sa buhay natin ang mga ganap na di maganda, mga ganap na di kaaya-aya, at mga ganap na di kanais-nais. Mga unos na nagbabadya mayat maya. Mga problemang personal o pampamilya na hindi malaman-laman kung paano aayusin. Mga tanong sa sarili na siyang nagtatalo sa iyong mapaglarong isipan kung paano ba, paano ba ang dapat mong gawin sa mga oras na ito. Mga pangyayaring karimarimarim na sadyang hindi maiiwasan sa isang buong araw na lilipas ngunit heto tayo, malamang sa malamang ay nakikinig sa akda kong ito. Akdang pumapatungkol sa atin, sa mga hinagpis, at sa kung paano natin ito bibigyang lunas na siyang resulta ng ibat ibang kulay ng buhay. Na siyang magdudulot ng mga pagbabago. Pagbabagong hindi natin mawari kung maganda ba o pangit, mga pagbabagong hindi natin alam kung pumabor ba sa atin ang oras at panahon. Sa araw-araw na tayo namumuhay, babangon sa ating mga kama, magliligpit at mag-aayos ng mga gamit, maghahanda para sa mga nakatakdang gawain sa isang partikular na araw, puhunan natin ang ating mga sarili. Ang ating mga sarili na kakayod sa araw na ito, papasok sa eskwela o trabaho, sasabak sa mga ibat ibang aktibidades ng buhay na siyang parte na nito. Sa ating pag-alis ay tatahakin natin ang parehong daan na ating paroroonan sa loob ng kalkuladong oras at panahon. Oras at panahon na hindi dapat sayangin. Oras at panahon na siyang ginto sa ating pag-alis ay itoy mananatili na parang buhay na dapat pahalagahan sa bawat oras, minuto, segundo. Sa buhay, pagbabago lamang ang hindi nagbabago. Pagbabago lamang ang laging bago. Sa buhay, maraming mga pagbabago. Maaariy sa susunod,
makalawa, tayoy babangon sa ating mga kama, maglilipit at mag-aayos ng mga
gamit, maghahanda para sa mga nakatakdang gawain sa isang partikular na araw, pero ang ating mga sarili ay nagbago na. Pagbabagong pisikal o ano pa mang aspeto ng buhay na di mo mawari kung ano. Pagbabagong mahirap ipaliwanag kung ano pero heto tayo. Heto tayo ngayon. Kung anong nakikita mo, nakikita nila, nakikita ng lahat ng nakapalibot sa atin. Heto tayo ngayon, tuwid na tumitindig. Pilit na kinakaya ang mga pagsubok ng buhay. Buhay na puno ng pagbabago. Heto tayo ngayon. Bawat pangyayari sa ating buhay, may magulo, may masaya, at may katamtaman ang timpla, ay importantet mahalaga dahil ito ang tulay natin sa ating hinaharap. Ang mga pangyayaring ito ang huhubog sa pagkatao natin, ang magpapalabas ng tunay na tayo, ang magpapatunay sa ating mga sarili kung ano ba talaga tayo. Ganyan ang mga pagbabago sa buhay maging sa paligid na ginagalawan mo, ko, nila, natin, tayo. Ang paligid na nakikita mo sa tuwing ikaw ay papasok ng eskwela, trabaho, opisina. Mga tanawing nakikita mo sa tuwing ikay tutungo ng pook-pasyalan, plaza, at mall. Pagbabago na siyang laging bago na panigurado maya-mayay mayroon nito. Hindi maipagkakaila ang kahirapang tinatamasa ng ating mga kabayan sa panahong kasalukuyan. Wala nimong ligtas na lugar ang iyong patutunguhan dahil maging umagay mga kawatan ay nagmamanman, mga kaganapan ay laging nariyan, mga pagsubok ay hindi ka titigilan, at ang panahoy hindi mo kailanman mapagkakatiwalaan. May mga oras na darating na akala mo lahat ng bagay kasangga mo ngunit tipong siya pala ang kikitil sa buhay mo. Na lingid sa iyong kaalaman ay siya pala ang magdadala ng hamak sayo. May mga oras na darating na ang lahat ng bagay ay nakatalikod sayo. Hindi mo kayang panghawakan ang lahat ng mga bagay-bagay. Hindi lahat ng bagay, pantay-pantay. Sakit ng ating lipunang ginagalawan ay palala nang palala ngunit tayo pa rin ay pinagtitibay ng ating mga paniniwala, ng ating mga prinsipyo, ng ating mga
paninindigan sa buhay na tayoy magiging matagumpay sa isang ganap na araw sa
ating buhay. Na lahat ng pagsubok na kahaharapin natin ay ating malalagpasan, makararaos, mawawaksan lahat ng pagdurusang tinamo sa loob ng isang partikular na haba ng panahon. Tayoy may pinanghahawakang mga salita na siyang nagpapalakas sa atin ng loob sa kabila ng mga kabiguan. Tunay nga namang may mga bagay na walang imposible sa isang tao na positibot may sapat na bisig upang ipagtanggol ang kanyang sarili sa realidad na siya kang tila sasampal-sampalin sa bawat pangyayari. Mga pagsubok na tatantsa ng iyong mga kakayahang maipaglaban ang sarili kontra sa mga pang-araw-araw na antagonista ng librong ating sinusulat, ang ating buhay. Ang ating buhay na siyang hiram lamang na dapat nating isauli sa takdang panahon. Ang ating buhay na siya namang ating sinusulit sa mga bawat sandali na tayoy pumaroot parito, nagsasaya, gumagawa ng magagandang ala-ala. Ala-alang dadalhin natin sa pagputi ng ating mga buhok na nagsisilbing inspirasyon sa pagpapatuloy ng agos ng buhay na hindi nagwawakas pagkat ang buhay ay isang buhay na ala-ala tulad ng isang buhay na ilog sa patuloy na umaagos. Sa kabila ng dilim ay muling sisikat ang araw na hudyat ng pagtatapos ng signo ng buhay. Hudyat ng wakas ng lahat ng uri ng problemang iyong matapang na hinarap. Ito ngayoy matagumpay nating nalagpasan, nairaos, nawaksan. Kay sarap isipin na kahit anong problema, bastat may paninindihan ay nalalampasan. Tulad ng isang bayani na siya nating tinitingala, nirerespeto, ginugunita, kinikilalat bibinigyang papuri. Ngunit para sa akin, hindi na natin kailangan pang sumugal pa para lamang hirangin na tulad ng mga magigiting, maginoot makikisig na huwarang mga ito dahil tayo, tayo mismoy mga bayani ng ating makabagong heneresyon, mga bayaning may paninindigan.