Pito ay mimistala san mang-oosdong sina bobon ed Cagubatan.
Boyboyaen da san epat ay Kaman gomot san kadadakkel da ay dalit. Bumala san kadgodwan di awak da sinan tekaw da. Idi lomaos si Bilagan ay am-ama, inayagan di mimistala ta pabalaen na san deyda dalit. Inbagan di am-ama en naligat ay mapabala dadi. Ngem wada san kaneg pangadingan ay dalit ay nalaka ay mapabala. Wada sinan ayosan di bobon sinan nanapsong ay mabat-bato. Inmey nangawa nan am-ama si gaki et egalot na sinan pao. Mentaytayon san gaki sinan pao. Idokadok na pay sinan silok di bato yaket kanabala san dakkel ay dalit et dokdokmoten na san gaki. Ipaliwliwes Bilagan san papan sinan danum et apapayawen did alit. Idi insakman did alit san gaki, insiwat Bilagan san papan et pati san dalit ay mentatayon. Tinolsi na san tengan did alit ngem nenpaliliwetwet et lomobsot. Idi ipisok na kasin san papan bumala kasin dalit et depdepapen na. Men susublat da et san mimistala ay mang-ipaliwliwes sinan papan ay dadamasan gasing da tay kedeng di si inala da ay matatago ay dalit sinan osto ay baey na. Omey kayo kod ade padasen. Wada san ma-ila yo tay masoksokatan san dalit side et wada ay kanayon. (excerpt from: Old Tales of Tadian)