San Naamo ay Dalit

(Translation: The Tame Eel of Kagubatan)

(Related to Rogelio Yapes)

Pito ay mimistala san mang-oosdong sina bobon ed Cagubatan.

Boyboyaen da san epat ay Kaman gomot san kadadakkel da ay
dalit. Bumala san kadgodwan di awak da sinan tekaw da.
Idi lomaos si Bilagan ay am-ama, inayagan di mimistala ta
pabalaen na san deyda dalit. Inbagan di am-ama en naligat ay
mapabala dadi. Ngem wada san kaneg pangadingan ay dalit ay
nalaka ay mapabala. Wada sinan ayosan di bobon sinan
nanapsong ay mabat-bato.
Inmey nangawa nan am-ama si gaki et egalot na sinan pao.
Mentaytayon san gaki sinan pao. Idokadok na pay sinan silok di
bato yaket kanabala san dakkel ay dalit et dokdokmoten na san
gaki. Ipaliwliwes Bilagan san papan sinan danum et apapayawen did alit.
Idi insakman did alit san gaki, insiwat Bilagan san papan et pati
san dalit ay mentatayon. Tinolsi na san tengan did alit ngem
nenpaliliwetwet et lomobsot. Idi ipisok na kasin san papan
bumala kasin dalit et depdepapen na. Men susublat da et san
mimistala ay mang-ipaliwliwes sinan papan ay dadamasan
gasing da tay kedeng di si inala da ay matatago ay dalit sinan
osto ay baey na. Omey kayo kod ade padasen. Wada san ma-ila
yo tay masoksokatan san dalit side et wada ay kanayon.
(excerpt from: Old Tales of Tadian)