Professional Documents
Culture Documents
Galinada
8 - Curie
Ano nga ba ang Balagtasan?
Ang balagtasan ay uri ng pagtatalo ng dalawang magkaibang panig ukol sa isang paksa.
Hinango mula sa pangalan ni Francisco Balagtas, inilalahad ang sining na ito ang isang uri ng
panitikan na kung saan ipinapahayag ang mga saloobin o pangangatwiran sa pamamagitan ng
pananalitang may mga tugma sa huli.
Dahil sa matagumpay na pagtanggap ng publiko kina De Jesus at Collantes, naghanda ang nagorganisa ng mga ilang pang mga balagtasan na kinakasangkutan ng dalawa. Dahil sa talino ng
dalawa naghanda sila ng balagtasan na walang iskrip noong Oktubre 18, 1925 sa Olimpikong
Istadyum sa Maynila upang lalo pa silang masubok. Ang naging paksa nila ay "Ang Dalagang
Filipina: Noon at Ngayon." Kinuha ni De Jesus ang panig ng kababaihan noon samantalang pinili
ni Collantes naman ang kababaihan ngayon. Sa katapusan ng balagtasan, nanalo si De Jesus at
tinanghal na Unang Hari ng Balagtasan.
Pagkatapos ng pagtatanghal nila De Jesus at Collantes noong 1925 hanggang lumipas
ang Ikalawang Digmaang Pandaigdig, naging sikat ang balagtasan sa Pilipinas at ninanais ng
mga manunula ang titulong Hari ng Balagtasan. Dahil sa kasikatan ng ganitong anyo ng
panitikan, nagkaroon ng ibang kahintulad na patulang pagtatalo sa ibang wika mula sa
Pilipinas katulad ng Ilokano at Kampampangan maging wikang Ingles o Kastila. Naimbento ng
mga Ilokano ang bukanegan bilang pagkilala kay Pedro Bukaneg, isang Ilokanong makata.
Samantalan, nagkaroon naman ng crisotan ang mga Pampango na hinango nila mula sa
manunula at dramatistang si Juan Crisostomo Soto.
Dapat nating pahalagahan at palaganapin ang balagtasan sa ating bansa dahil ito ay binigay sa
atin ng ng isang kilalang manunulat at obra maestro na si Francisco Baltazar o mas kilala bilang
Francisco Balagtas. Dito natin maipapakita kung gaano natin kamahal ang panitikang ito na
sinimulan noon at sanay mapaunlad ngayon. Kapag pinahalagahan at pinalaganap natin ito,
nagpapakita tayo ng pagmamalaki sa panitikang Pilipino. Hindi lamang uunlad an gating bansa
kapag nakilala ang Balagtasan ngunit maraming manunulat rin ang sisikat at makikilala. Dito
natin maipapakitang marunong tayong magpahalaga sa mga bagay na naiwan noon at hndi
naingatan.