Professional Documents
Culture Documents
4. Panahon ng Hapon
Ang katangian ng panitikan sa panahon ng Hapon ay tinaguriang Gintong Panahon
ng Panitikang Filipino dahil higit na malaya ang mga Pilipino kaysa noong sa
Amerikano sa pagsulat ng panitikan at pagsanib ng kultura, kaugalian at
paniniwalang Pilipino sa mga ito.Sumibol nang lubos ang panitikan ng bansa sa
panahong ito dahil ipinagbawal ng namumunong Hapon ang paggamit ng wikang Ingles at
itinaguyod ang pagpapayaman sa panitikan gamit ang mga katutubong wika sa bansa.
Sinunog din ang mga aklat na nasusulat sa Ingles upang masigurong hindi mababahiran
ng kanluraning ideya ang panitikang nililikha.
Sa panahon ding ito kinilala ang mga manunulat na babaeng Pilipino sa
pangalan nina Liwayway A. Arceo at Genoveva Edroza-Matute dahil sa mga makintal na
maka-feministang maikling-kwento.Dinala din ng mga hapon ang haiku (maikling tulang
may tatlong taludtod at may bilang na pantig na 5-7-5 sa taludtod)at nagkaroon ang
mga Pilipino ng tanaga(maikling tulang may apat na taludtod at ang bilang ng pantig
ay 7-7-7-7).
5. Kasalukuyang Panahon
Sa kasalukuyang panahon ay higit na sumigla ang kalayaang pampanitikan ng
bansa sapagkat tuluyan ng nakamit ang kalayaan mula sa kamay ng mga hapon at iba
pang mananakop. Bilang patunay ng kasiglahan ng panitikang Filipino, ang mga
sumusunod ay ang iba’t ibang uri ng katipunan ng mga aklat. Mga Piling Katha at Mga
Piling Sanaysay ni Alejandro Abadilla, Maiikling Kwentong Tagalog ni Teodoro
Agoncillo, Ako’y Isang Tinig ni Genoveva Edroza-Matute at marami pang iba. Kinilala
rin buhat sa panahong ito ang mga panitikang panlalawigan dahil sa mga inilunsad na
mga pambansang pananaliksik at pagsasaling-wika ng panitikan ng Pilipinas.