PANANAW AT KAALAMAN NG NAKARARAMING PILIPINO SA SIKOLOHIYANG

PILIPINO BILANG ISANG PAMAMARAAN NG PAGKAKAKILANLAN

PANIMULA

Sa ating bansa, marahil kapag naririnig ang salitang Sikolohiya, ang unang-unang

pumapasok sa isipan ng ibang tao patungkol dito ay isang propesyon na mayroon kakayahang

makabasa ng pag-iisip ng isang tao, marunong makabasa ng kapalaran o ang kinabukasan, at

maging may kakayahan makabasa ng pag-uugali ng isang tao sa pamamagitan lamang ng

pagtingin sa mga palad, mata at kung anu-ano pang parte ng ating katawan o kilos ng tao.

Ngunit, lingid sa kaalaman ng mga taong walang malalim na pag-aaral at kaalaman nito, ito ay

isang siyensya na may kinalaman sa makaagham na pag-aaral ng mga kaugalian, kilos at proseso

ng pag-iisip ng tao. Katulad ng ibang siyensya na nakatuon sa ibang bagay, ang Sikolohiya ay

dumadaan sa proseso at may mga batayan na sinusunod sa pag-aaral na naaayon sa ating sariling

kultura. Sapagkat, alam naman natin na sa bawat bansa ay may mga kanya-kanyang kultura, uri

ng pamumuhay, at iba't ibang nakagawiang gawin na nakapagbibigay ng pagkakakilanlan at

identidad. Sa Pilipinas, mayroon tayong tinatawag na Sikolohiyang Pilipino. Ito ay nagmula at

nagsimula sa ama ng Sikolohiyang Pilipino na si "Virgilio Enriquez" na may layunin na

magkaroon pa ng mas malalim na kaalaman sa ating mga Pilipino.

Ang Sikolohiyang Pilipino ay isang pag-aaral na tumutukoy sa karanasan, ideya,

kaugalian at kung anu-ano pang tumutukoy na mga pagkakakilanlan natin bilang isang Pilipino.

Ito ay may sarili at kaukulang mga teorya, metodo at iba pang ginagamit katulad ng ibang aralin.

Bagkus, kulang pa at papasimula pa lamang ang pag-usbong ng mga pag-aaral nito sa ating
bansa, masasabing ito ay nakakatulong na din sa pagbuo ng ating identidad bilang isang Pilipino.

Mula pa lamang sa pagmulat natin sa ating kapaligiran, ang Sikolohiyang Pilipino ay may malaki

ng naiambag sa ating kultura. Sa araw-araw nating pamumuhay at ginagawa, sa kung paano tayo

nakikihalubilo sa ating mga kapwa at sa kung paano nating kaharapin ang mga pagsubok na

dumadating satin bilang isang mamamayan ng Pilipinas, siguro ang Sikolohiyang Pilipino ay

may malaki ng impluwensya dito. Ito ay may mahalaga ng parteng ginagampanan sa ating

pamumuhay, lipunan at iba pang aspeto na nakakatulong na din sa kung paano tayo kinikilala ng

ibang dayuhan sa ibang dako ng mundo. Ngunit, dahil ito ay papasimula pa lamang umunlad,

mahihinuha na may mga bagay na kailangan pa din pagtuunan ng pansin at bigyan ng mas

malalim pa na pag-aaral nito.

Sa pag-usbong ng mga makabagong teknolohiya at pagtuntong natin sa modernong

panahon, maging ang paglaganap ng makabagong siyensa kasama na ang Sikolohiya, gaano na

nga ba kalalim ang pagkakaalam ng mga Pilipino sa sarili nilang kultura? Sa paanong paraan

kaya nila nailalawaran ang Sikolohiyang Pilipino? Para sa kanila, ano nga ba ang silbi ng

Sikolohiyang Pilipino? Upang magkaroon ng mas malalim na kaalaman at mas lubos namin

maunawaan ang kamalayang pang-Sikolohiyang Pilipino, kami ay nangalap at nakipanayam ng

sampung tao kabilang ang mga estudyante sa loob at labas ng unibersidad, maging ang ibang tao

na nagtratrabaho na sa kanilang propesyon.

BUOD

Mula sa kasagutan ng aming nakapanayam na mga estudyante, propesyunal at iba pang

tao tungkol sa kanilang pananaw sa Sikolohiyang Pilipino, mapapansin na karamihan sa kanila

ay tinitignan ito bilang isang aspeto na kumikilala sa kultura, pinagmulan at kasaysayan ng

Pilipino. Maaaring kasama na ang kaugalian, pag-iisip at paraan ng pamumuhay. Subalit

mayroon naman mangilan-ngilan na hindi pamilyar, walang kaalaman tungkol dito at tila unang

beses pa lamang narinig ang salitang Sikolohiyang Pilipino. Sa kabilang banda, nang aming

tanungin kung saan naman nanggagaling ang kanilang impormasyon at kaalaman tungkol sa

Sikolohiyang Pilipino, ang sagot karamihan ng mga estudyanteng aming nakapanayam ay sa

paaralan, sa mga kaibigan na nag-aaral ng kursong Sikolohiya at naririnig sa ating kapaligiran.

Ang iba naman ay nagmula sa pahapyaw na impormasyon nang magkaroon ng subject na

General Psychology, at nanggaling sa ibat ibang teksto mula sa internet, artikulo at librong

kanilang nabasa.

Pagdating naman sa aspeto ng kakayahan, at maaaring gawin ng isang Sikolohista na may

malalim na kaalaman sa Sikolohiyang Pilipino, karamihan sa mga kasagutan na aming nalikom

ay may kanya-kanya at ibat ibang pananaw. Ayon sa nakararami, ang isang Sikolohiyang

Pilipino ay mainam na maging isang guro at propesor sa mga unibersidad. Sapagkat, sila ay

lubos na may kaalaman sa kulturang mayroon tayo, at mayroon mas malalim na pagkakakilanlan

kung ano ang meron sa ating bansa. Sa pamamagitan ng pagtuturo, kanilang mas madaling

maibabahagi ang kanilang kaalaman sa Sikolohiyang Pilipino. Mula naman sa ibat ibang

pananaw ng aming nakapanayam, ang isang Sikolohista na may malalim na kaalaman sa

Sikolohiyang Pilipino ay maaari din daw maging counselor, doctor at researcher. Ito ay sa

kanilang kadahilanan na alam ng mga Sikolohiyang Pilipino kung paano makihalubilo sa ibat

ibang tao. Ito man ay dayuhan or kapwa nilang Pilipino.

Sa kabilang banda, masasabi na malaki na nga ang naibigay na kontribusyon at ambag ng

Sikolohiyang Pilipino sa lipunan ng ating bansa. Sapagkat ng aming tanungin ang sampung katao

na aming nakapanayam base sa kanilang mga karanasan at naobserbahan tungkol sa araling ito,
ang Sikolohiyang Pilipino ay may mga kulturang pinagpasa-pasahan na nakatutulong upang tayo

ay mas lubos na magkaunawaan at magkaintindihan. Ito ay may mahalagang ambag at malaking

impluwensya sa bawat isa sa atin upang mas lalong mamulat ang ating kamalayan sa nangyayari

sa ating kapaligiran. Mula sa kanilang mga kasagutan at opinyon, para sa kanila ang

Sikolohiyang Pilipino ay nakatulong din upang maipreserba ang mga kasaysayang pinagmulan

natin. Bagkus, ito ay nakapagbibigay kaalaman din upang maiangat ang ating sariling bayan sa

sariling paraan na makakabuti sa mga Pilipino at sa Pilipinas.

KRITISISMO

Mula sa ibat ibang pananaw at kasagutan ng aming mga nakausap, masasabing

pagdating sa ating Sikolohiyang Pilipino, hindi pa ganun kalalim ang kaalaman ng nakararaming

Pilipino tungkol sa kung anong siyensya ang meron sa sarili nating bansa. May mga pagkakataon

na habang aming isinasambit ang mga katanungan upang kanilang sagutin, ito ay kailangan pang

ulit-ulitin at paikot-ikutin upang kanila itong maunawaan ng mabuti. Ang iba sa kanila ay

sadyang napapaisip pa at nagpakatotoong sumubok lamang na sumagot sa aming tinatanong na

paksa. Nakakalungkot man isipin, ngunit sa ating panahon ngayon, sa pagsibol ng mga

makabagong teknolohiya, hindi pa din pala sapat ito upang magkaroon pa ng maraming

pananaliksik at ipakalat pa ang mas madaming impormasyon tungkol dito. Mapapansin na dahil

lamang sa paaralan kung saan nagkakaroon sa kurikulum ng subject na General Psychology,

doon lamang nagkakaroon ng ideya at impormasyon na maituturing pang napakababaw at

pahapyaw lamang ang mga estudyante. Sa kung paanong nakakakuha ng impormasyon ang

ibang tao tungkol sa Sikolohiyang Pilipino na nagmula sa internet at iba pa ay masasabing hindi

pa ito pormal.
 Sa kabilang banda, sa pangkalahatan na aming pakikisalamuha at pananaliksik upang mas

lalong maunawaan ang aralin tungkol sa Sikolohiya, hindi sila ganun kamulat na ito ay may ibat

ibang klase. Bukod pa dito, mula sa kanilang mga opinyon at palagay sa Sikolohiyang Pilipino,

ating makikita na ito ay nangangailangan pa talaga ng maraming pag-aaral upang mas

mapalawak pa ang kaalaman tungkol sa ibat ibang patungkol sa pagiging Pilipino.

KONKLUSYON

Sa aming pananaliksik na isinagawa, makikita na ang pundasyon ng Sikolohiyang

Pilipino ay nangangailangan pa ng maraming pag-aaral upang mas lalong makilala at mas

makatuklas pa ng mga bagay na maipagmamalaki ang ating bansa. Sa karanasang ito, bilang

isang mag-aaral ng kurso ng Sikolohiya, sa aming nakikita, masasabi namin na ang ating

sinisimulan ay malayo pa sa kung ano ang nakikita nating Sikolohiya ng ibang bansa. Sa

makatotohanang pahayag base sa aming karanasan, napagtanto namin na hindi biro ang

gampanin ng isang Sikolohista upang maipalaganap ang mga mas mahahalaga at importanteng

impormasyon na tungkol dito. Sa aming opinyon, ang pagiging aktibo sa pagsasagawa ng mga

pag-aaral na patungkol sa Sikolohiyang Pilipino na may bahagi ng pakikipag-usap at

pakikipanayam katulad ng aming isinagawa ay maaaring magkaroon sila ng ideya na magsaliksik

tungkol dito. Sa paraang ito, sila ay mas mamumulat hindi lamang sa aralin ng Sikolohiyang

Pilipino ngunit pati na din sa ibang bagay. Bukod pa dito, mas mauunawaan nila ang ibat ibang

bagay at matutuklasan nila kung ano ang dahilan sa kilos, gawi at pag-iisip ng mga kapwa nila

Pilipino.

Ang pagkakaroon ng malalim na kaalaman at pagbibigay ng importansya sa Sikolohiyang

Pilipino ay sadyang may magagandang naidudulot sa bawat isa sa atin. Sapagkat, unang-una,
kung tayong lahat ay mulat ang kamalayan at maraming kaalaman tungkol sa bagay na ito mas

madali natin matutulungan ang ating mga sarili. Ito man ay sa sosyal, emosyonal, kaisipan at

ibat iba pang aspeto. Ang Sikolohiyang Pilipino ay nakakatulong kung paano natin

maiintindihan ang ating mga sarili. Pangalawa, ito ay ang aralin na makapagbibigay daan upang

mas lalo natin mapag-aralan ang ating nasa kapaligiran. Katulad na nga lang tuwing tayo ay

nakikihalubilo at nakikipagkapwa sa ibang tao, nakakatulong ito upang mas maintindihan natin

ang bawat isa. Hindi man sa palagiang paraang verbal lamang ngunit sa kung paano natin

kinikilos ang mga bagay-bagay at kung paano tayo nagpapapakiramdaman. Pangatlo, sa unti-unti

pa lamang na pag-unlad ng Sikolohiyang Pilipino, masasabing ito ay nakakatulong na kung

paano tayo makikilala bilang iba sa ibang dayuhan na nasa ibat ibang parte ng mundo. Bukod sa

pagkakakilanlan bilang isang Pilipino, nakakaambag na din ito sa mga bagay na maaari nating

maipagmalaki na patungkol sa ating identidad.