PAUNANG SALITA

Napakahalagang papel ang ginagampanan ng mga kagamitang pampagtuturo sa

ikatatamo ng mas mataas na antas na karunungan lalo na sa larang ng edukasyon. Magsisilbing
kasangkapan ang instumentong ito sa pagkatuto sa buhay ng bawat mag-aaral at guro ng
panitikan upang mas lalong makaagapay sila sa mabilis na pag-indayog at pagbulusok ng
pagbabago sa modernong panahon sa makabagong milenyo at upang lalong umunlad ang
sibilisasyong kinabibilangan ng bawat indibidwal tungo sa tugatog ng tagumpay.

Layon ng kagamitan na ito na makaisa sa pagtatamo ng isang bansang may

pagpapahalaga sa sining, kultura, pilosopiya, tradisyon, paniikan, agham at higit sa lahat, ang
pananampalataya sa Diyos na may lalang sa sansinukuban.

Ang modyul na ito at binubuo ng labintdalawang kabanata: 1-Panimulang Pag-aaral ng

Panitikan ; 2- Ang Mga Akdang Tuuyan at Patula; 3- Panahon Bago Dumating Ang Mga Kastila;
5-Panahon ng Kastila; 5- Panahon ng Pagbabagong Isip; 6-Panahon ng Amerikano; 7-Panahon ng
Hapones; 8-Panahon ng Isinauling Kalayaan; 9-Panahon ng Aktibismo; 10-Panahon ng Bagong
Lipunan; 11-Panahon ng Ikatlong Republika; at 12- Panitikan sa Kasalukuyang Panahon. Ang
pagtalakay ay bawat panahon upang mas lalong maintindihan ng mga mag-aaral ang ating
iniingatang panitikan ng bansa. Bawat kabanata ay ipinaliwanag nang maayos upang malinaw na
maintindihan ng mga mag-aaral ng nasabing asignatura. Pagkatapos ng bawat kabanata ay may
Pinaunlad na Gawain na sasagutin ng mga mag-aaral upang masubok ang natamo nilang
kaalaman sa mga paksang tinalakay.

Naniniwala ang may-akda na bawat indibidwal ay may taglay na kakayahan upang

maipahayag ang kanyang nararamdaman, adhikain, naisin at iniisip sa masining na pamamaraan.
Ang mga kaalamang ito ang siyang magdadala sa mga mag-aaral sa rurok ng tagumpay lalot
lalapatan nila ito ng makabagong gawaing pagtuturo at pagsasaliksik sa lipunang ginagalawan.

Walang bahagi ng modyul na ito ang maaaring sipiin sa anumang anyo at pamamaraan
nang walang nakasulat na pahintulot mula sa may may-akda. Naglaan ng maraming oras ang
manunulat sa paghahanap ng mga impormasyon upang mabuo ang kagamitang panturo na ito.
Kung may ilang makikitang nagawang pagkakamali sa ilang bahagi ng modyul ay hindi sinasadya
at ito ay agad na iwawasto sa susunod na paglilimbag.

Ang May-Akda