9. Nakita mo ba ang katangian ni Ibarra ng Noli Me Tangere sa
katauhan ni Basilio? Magbigay ng mga patunay.
- Oo nakikita namin ang katangian ni Ibarra ng Noli Me Tangere sa
katauhan ni Basilio. Matalino at magalang si Ibarra. Mataas ang katayuan sa lipunan dahil na rin sa kaniyang angkan at sa ugnayan niya sa mga kastilang nasa posisyon. Si Basilio ay mayaman at magalang din gaya ni Ibarra. Nakapag-aral sa Europa si Ibarra at nangarap na makapagtayo ng paaralan sa San Diego upang matiyak ang magandang kinabukasan ng mga kabataan dito. Si Basilio ay isang matalinong mag-aaral ng medisina. Siya ay nagsisikap na mag-aral at makamit ang mga pangarap. Makikita natin ang pagpapahalaga ng edukasyon nina Ibarra at Basilio at ang pagsisikap na makamit ang kagustuhan at pangarap nila. Nagiging sensitibo si Ibarra kung ang pag-uusapan ay tungkol sa kanyang ama. Si Basilio naman ay mayroong masalimuot na nakaraan sa pagkamatay ng kanyang ina at kapatid. Siya ay may busilak na puso at matatag na paninindigan. Masasalamin natin na ang dalawa ay naiisip ang paghihiganti, tulad ni Ibarra na nagiging palaban siya kung ito ay hinahamak at nililibak. Subalit, sa Kabuoan, mas pinili ni Crisostomo Ibarra ang mapayapang pakikipaglaban kaysa ang marahas na paraan. Si Basilio naman ay nakatuon ang kanyang pansin sa pagiging maunlad sa pamamagitan ng pagsuporta sa grupo ng kabataan na nagnanais na aralin ang wikang Kastila at maging lalawigan ng Espanya ang pilipinas. At dahil dito, nakikita niya ang sagot sa pag-unlad ng bansa. Masasalamin natin ang pagkatulad nila sa ibang bagay ngunit magkaiba ang kanilang layunin sa isa’t isa.