I.

PAMAGAT: LALAKI PATAY HABANG INILILIGTAS ANG MGA KAANAK MULA SA NASUSUNOG
NA BAHAY
II. TAGA-ULAT: YEN MANGOMPIT, ABS-CBN NEWS
III. TAGPUAN: NORALA, SOUTH COTABATO
IV. SANGKOT SA BALITA:

V. BUOD:

NORALA, South Cotabato—Patay ang isang lalaki habang inililigtas ang 5 kamag-anak na naiwan sa
nasusunog nilang bahay sa Barangay Poblacion sa bayang ito Martes ng umaga.

Ayon sa Bureau of Fire Protection, nakalabas na sa bahay si Angel Fano, 43, pero muling bumalik sa loob.

Hindi na ito muling nakalabas at sa banyo na nakita ang kaniyang bangkay.

"Although the intention ay gusto sana niyang sagipin ang kaniyang pamangkin at kaniyang anak but
unfortunately hindi na po siya nakalabas," ani Inspector Richard Madayag ng BFP-Norala.

Nasagip ng mga bombero ang 5 nakulong sa loob ng nasusunod na bahay na sina Amador Fano, 82;
Cherry Ann Masuay, 35; Jone Rae Masuay, 39; Johanni Marieh Masuay, 6; at Jochen Masuay, 4.

Nagtamo ang mga ito ng bahagyang paso at sugat sa katawan.

Luma na ang bahay ng pamilya Fano at gawa sa light materials kaya mabilis na kumalat ang apoy.

Base sa imbestigasyon ng BFP, lumang electrical wiring ang sanhi ng sunog.

Bukod sa bahay, nasunog din ang isang harvester truck, ELF truck at sasakyan ng mag-anak na
nakaparada sa labas ng bahay. Nasunog rin ang tarpaulin printer ng pamilya.

Mahigit kumulang P8 milyong ang kabuuang halaga ng ari-ariang nasira sa sunog.

VI. TEORYANG NAKAPALOOB

EKSISTENSYALISMO
Ang layunin ng panitikan ay ipakita na may kalayaan ang tao na pumili o magdesisyon para sa kanyang
sarili na siyang pinakasentro ng kanyang pananatili sa mundo (human existence).

Ayon sa Bureau of Fire Protection, nakalabas na sa bahay si Angel Fano, 43, pero
muling bumalik sa loob.

Hindi na ito muling nakalabas at sa banyo na nakita ang kaniyang bangkay.

Nagawa parin ng lalaki na bumalik na natutupok na bahay dahil gusto niyang masagip ang pamangkin at
anak kayda manatili sa ligtas na lugar ay pinili niya parin iyon kahit ang maging kapalit ay ang kaniyang
buhay.
VII. PAKSANG DIWA
Ang pagmamahal sa pamilya, na kahit buhay mo ay kaya mong ilaan para sakanila.

VIII. ISTILO AT PAGKAMASINING

Ang pagkakasulat ng balita ay makabagbag damdamin, hindi lang dahil sa kuwento nito kundi sa istilo ng
pagkakalahad ng tagapag-ulat.

IX. PAGPAPAHALAGA AYON SA NILALAMAN

a. KAHALAGAHANG SOSYAL AT PANGKABUHAYAN

b. KULTURANG FILIPINO
SAKRIPISYO
- Sa ating mga Pilipino, likas na ang pagsasakripisyo para sa pamilya sapagkat walang magulang
ang hihilinging mapasama o mapahamak ang anak, katulad na lamang ng ginawa ng tatay sa
balita.
c. SIMBOLISMONG FILIPINO
APOY
- Alab ng pagmamahal ng magulang sa kanilang pamilya, na nagawang isakripisyo ang kaniyang
sariling buhay para lamang mailigtas ito.

d. KAHALAGAHANG PANGKATAUHAN
Ang pagiging huwarang bayani, hindi lamang sa pamilya kundi sa lahat ng tao. Hindi man katulad
ng ginawa ng ama ang sakripisyong iyong ibibigay kahit sa simpleng bagay lamang ay makakatulong
ka.

X. PARAAN NG PAGKAKASULAT
Ang pagkakalikha sa balita ay mahusay at nagamitan ng mga angkop na salita. Simple lamang na
maiintindihan agad ng mga mambabasa/manunuod.

XI. PANGKALAHATANG PUNA AT MUNGKAHI

Maganda ang naging paksa ng balita sapagkat ito’y nagpakita ng pagkabayani at maaaring maging
inspirasyon sa ibang tao na ang pagmamahal sa pamilya ay hindi masusukat sapagkat lahat ay ibibgay mo
para sakanila.