“Saysay ng paglalarawan at pagsasalaysay bilang hulwaran sa

Akademikong Larangan”
Ano ang Paglalarawan?
 Isang anyo ng pagpapahayag na naglalayong bumuo ng isang malinaw na larawan sa isip
ng mga mambabasa o nakikinig.
 Napapagalaw din ng paglalarawan ang ating mga guni-guni, imahinasyon at nakatatawag
ng paningin at pansin ng mga mambabasa.
 Malinaw na naipapakita ang katangian ng tao, bagay, lugar o pangyayari na tiyak na
nakikita,naririnig o nadarama.
 ay isang paraan ng pang araw-araw na pagpapahayag na dapat nating matutunan. Ang
paglalarawan ay nauuri ayon sa pakay o layunin ng pagpapahayag na inihahatid naman
ng instrumentong ginamit natin sa paglalarawan. May mga pagkakataon na maaaring
hindi natin namalayang nakapaglalarawan na pala tayo. May tatlong paraan ng
paglalarawan:
 batay sa pandama - nakita, naamoy, nalasahan, nahawakan, at narinig.

 batay sa nararamdaman - bugso ng damdamin.

 batay sa obserbasyon - batay sa obserbasyon ng mga nangyayari.

URI NG PAGLALARAWAN
1. Karaniwan o Konkretong Paglalarawan
2. Masining o Abstraktong Paglalarawan
3. Teknikal na Paglalarawan
Karaniwan o Konretong Paglalarawan
-layunin nito ang magbigay ng kaalaman hinggil sa isang bagay ayon sa pangkalahatang
pangmalas ng manunulat. Sa pamamagitan ng tiyak na salitang naglalarawan, naipapakita ang
pisikal o konkretong katangian. Higit na binibigyang-diin sa paglalarawang ito kung ano ang
nakikita at hindi ang nilalaman ng damdamin o kuru-kuro ng manunulat
Masining o Abstraktong Paglalarawan
-naglalayong pukawin ang guni-guni at damdamin ng mambabasa. Higit na nabibigyang diin
dito hindi ang tiyak na larawang nakikita kundi ang makulay na larawang nililikha ng
imahinasyon. Gumagamit ito ng mga salitang nagpapaganda rito gaya ng mga tayutay at iba
pang mga salitang patalinhaga.
Layunin:
-makaantig ng kalooban ng tagapakinig o mambabasa para mahikayat silang makiisa sa
naguguni-guni o sadyang naranasan nitong damdamin sa inilalarawan
TAYUTAY
Isang sinadyang paglayo sa karaniwang paggamit ng mga salita upang maging mabisa,
matalinghaga, makulay at kaakit-akit ang pagpapahayag.
PAGTUTULAD (SIMILE)
- Paghahambing sa dalawang magkaibang tao, bagay, pangyayari atbp. Ginagamitan ng mga
salitang tulad ng, katulad ng, parang, kawangis ng, animo, tila, kagaya ng atbp.
Halimbawa:
 Siya ay katulad ng kandilang unti- unting nauupos.

 Ang halaman ay gaya ng taong nararapat alagaan.

PAGWAWANGIS (metaphor)
 Isang tuwirang paghahambing na hindi ginagamitan ng mga salitang tulad ng, para ng,
kawangis ng, animo atbp.
Halimbawa:
 Ang ina ni Joshua ay bituing tanglaw niya sa landas ng buhay.

 Si Eugene ay isang ibong humanap ng kalayaan.

PAGTATAO/PERSONIPIKASYON
 (personification)

 - Nagsasalin ng talino, gawi at katangian ng tao sa bagay na walang talino. Pandiwa ang
ginagamit dito.
Halimbawa:
 Lumuluha ang liham na natanggap ni Carlo.

 Ang buwan ay nahiya at nagtago sa ulap.

EKSAHERASYON(Hyperbole)
 - Lubhang pinalalabis ang katunayan at kalagayan ng tao, bagay, pangyayari atbp.

Halimbawa:
 Nabiyak ang kanyanng dibdib sa tindi ng dalamhati.

 Nabutas ang bamban ng tainga ni Popot dahil sa ingay.

PAG-UYAM (sarcasm)
 - Ito ay mga pananalitang nangungutya sa tao o bagay, tila kapuri- puring pangungusap
ngunit sa tunay na kahulugan ay may bahid na pag- uyam.
Halimbawa:
 Talaga palang masipag ka, wala kang ginawa kundi matulog maghapon.

PAGTAWAG (apostrophe)
 - Ito ay pakikipag- usap sa karaniwang bagay na para bang nakikipag- usap sa isang
buhay na tao.
Halimbawa:
 Pag-asa, halika rito at ako’y nalilito na sa mga problema.

Teknikal na Paglalarawan
 -pangunahing layunin ng siyensiya ang mailarawan nang akma ang anumang dapat at
kailangang malaman tungkol sa mundo at kalawakan.
 -kalimitang gumagamit ang manunulat ng mga ilustrasyong teknikal na sulatin upang
makita ng mambabasa ang larawan o hitsura ng inilalarawan.

Ano ang Pagsasalaysay?

 Pagpapahayag na may layuning magkuwento ng mga pangyayari.

 Ang karanasan at nakikita sa kapaligiran ay maaaring pagmulan ng pagsasalaysay ng

isang tao.
Isa sa mahalagang katangiang dapat taglayin ng isang magandang salaysay ay ang
pagkakaroon ng magandang pamagat. Ito ang unang bagay na nakapupukaw sa interes ng
mga mambabasa. May mga katangian dapat taglayin ang isang kaakit-akit at mabuting
salaysay. Ito ay ang mga sumusunod:
a. Pangunahing tauhan sa salaysay
b. Pinakamahalagang bagay sa salaysay
c. Pook na may malaking kinalaman sa mga pangyayari
d. Isipan o damdaming namamayani sa salaysay
e. Isang mahalagang pangyayari sa kuwento
f. Katotohanang pinatunayan sa kuwento.