INDUSTRIYA NG PAGMIMINA SA MARINDUQUE

Isa ang pagmimina sa pinakamalaking sektor ng industriya sa Pilipinas. Ang pagmimina ay isang
proseso ng paghuhukay at pagkuha ng mga bagay sa lupa tulad ng mineral. Ayon kay Cana
Laguador sa kanyang artikulong nai-publish sa website ng Academia, ang pagmimina ay
pumapangalawa sa pinagsusumikapang trabaho ng mga Pilipino at nangunguna naman ang
agrikultura.

Ang isla ng Marinduque na itinuturing na puso ng Pilipinas ay isa sa may pinakamalaking

Mining Corporation sa bansa. Ang Marcopper Mining Corporation ay pagmamay-ari ng isang
Canadian Corporation na opisyal na nagsimula ng kanilang operasyon sa Mt. Tapian noong
1969. Matapos na bumigay ang Mt. Tapian pit site, inilipat ang operasyon sa Brgy. San Antonio
na tatlong kilometro lamang ang layo sa dating site. Ang Calancan Bay ang ginawang tapunan ng
tailings o mga kemikal na ginamit sa minahan. Mula 1975-1991 naging dumping site ang noong
malinis na dagat.

Ang residente ng munisipalidad ng Santa Cruz ay ang mga unang benepisyaryo ng mining
corporation. Sagana ang isla ng Marinduque sa ibat-ibang yaman katulad ng yamang tubig,
yamang lupa at higit sa lahat ay ang yamang mineral. Ito ay isa sa dahilan kung bakit pinapasok
at gustong pasukin ng mga dayuhan hanggang sa kasalukuyan ang isla at magsimula ng isang
ekspedisyon sa pagmimina.

Isa ang pagmimina sa pinakamalaking pinagkakakitaan ng mga Marinduqueno bago pa man ito
ipinasara. Halos lahat ng residente ng munisipalidad ng Santa Cruz ay nakaasa sa mga
benepisyong naibigay ng korporasyon kasama na dito ang libreng serbisyong medical,
scholarship at pabahay.

AMBAG SA LIPUNAN NG MARCOPPER MINING CORPORATION

Ang Marcopper Mining Corporation ay pagmamay-ari ng isang Canadian Corporation na

Placer Dome. Nagbigay ito ng daan-daang trabaho sa mamamayan ng Marinduque at maraming
benepisyo. Ayon sa dokumentaryo ng Ted Failon noong March 2019, nakapanayam nila ang
Congressman ng Marinduque na si Rep. Lord Alan Velasco. Ayon sa kanya, maganda ang
naidulot ng Marcopper Mining Corporation dahil sa mga benepisyong hindi nararanasan ng mga
Marinduqueno ngayon. Ayon sa ilang dating empleyado ng minahan, ang mga benepisyo na
kanilang natanggap ay buwanang sako ng bigas, medical benefits, scholarship, housing projects,
free medical assistance in case of work related accident, bonuses at retirement benefits.

Isa ang isla ng Marinduque sa may malagong industriya ng pagmimina noon sa buong Pilipinas.
Ang minahang ito ay may malaking epekto sa paglago ng ekonomiya ng isla. Maraming mga
dayuhan ang pumapasok sa isla upang mag-bakasyon at magtayo ng kanilang negosyo.
EPEKTO SA EKONOMIYA

Taong 1996 ay umusbong ang balita na nagkaroon ng trahedya sa site ng minahan. Ang isa sa
mga daluyan ng mga kemikal at dumi sa minahan ng Tapian Pit ay nagkaroon ng sira o leak.
Ayon kay Rolan De Jesus sa kanyang pahayag sa dokumentaryo ng programang Ted Failon, nasa
humigit kumulang 1.6 milyong cubic meters ng tailings ang dumaloy sa buong parte ng Boac
River.

Ang Boac River ay noong kauna-unahang pinagkukunan ng kabuhayan ng residente ng Boac

dahil sagana ito sa yamang dagat. Naitala na ang kemikal na dumaloy sa ilog ay may content ng
copper, cadmium, lead at iba pang heavy metals na nakaapekto sa buhay ng ilog. Ang Boac
River ay isa sa pinagkukuhaan ng irigasyon para sa mga palayan ng bayan ng Boac ngunit dahil
sa nangyaring trahedya halos patay na kung ituring ang ilang parte ng ilog.

Tatlong taon bago pa man nangyari ang trahedya sa minahan, ayon kay Niko Dizon ng ABS-
CBN News, ang siltation dam ng Maguila-guila station ay nasira din at binaha ang bayan ng
Mogpog kung saan dalawang bata ang nalunod sa tubig ng tailings. Idineklara na ang tailings ng
Maguila-Guila ay higit ang lebel ng toxicity dahilan kung bakit ang noong pinagkukunan ng
yamang dagat at tubig irigasyon ay patay na.

Matapos ang nangyaring trahedya sa Tapian Pit, ang Canadian Corporation na Placer Dome ay
walang nagawa. Sinalo ng isa pang korporasyon ang minahan at ipinagpatuloy ang operasyon sa
Barangay San Antonio na halos tatlong kilometro lamang ang layo sa Tapian Pit. Ang Calancan
Bay ang ginawang dumping site ng minahan at sumira sa 8,000 hectares na fishing ground.
Matapos ang huling operasyon ng minahan noong 1984 dahil sa pagbaba ng presyo ng copper,
malaki ang epekto ng sirang dulot ng minahan sa lipunan, kalusugan, ekonomiya at residente ng
Marinduque. Naitala na may total na 200 million tons ng toxic tailings ang naitapon sa Calancan
Bay.

Isa ang kalusugan sa may pinakamalaking naapektuhan ng trahedya ng minahan. Ilan sa mga
residente ng bayan ng Mogpog, Boac at Santa Cruz ang may mataas na lebel ng heavy metals.
Ang mga kemikal na Lead, Arsenic, Mercury, cadmium at copper ay natagpuang nagko-
kontaminate sa lugar at mas malala ay nai-ingest ng tao.

Ayon kay Dr. Teodoro Rejano, dating Municipal Health Worker, ang long term effect ng
basurang mina sa Calancan Bay ay ang ibat-ibang sakit na dulot ng tailings. Ilan sa mga pasyente
ayon sa kanya ay nagrereklamo patungkol sa pagiging anemic, may skin rashes at ang malala ay
namamatay dahil sa exposure at intake ng heavy metals.

Ilang residente ng Mogpog at Boac ang ngayo’y nakakaramdam ng ilang skin disease dahil sa
mga kinakain na contaminated ng tailings. Isa sa mga epekto nito ay pagkalason at pagkakaroon
ng skin diseases na maaring maging cancer.
Taong 2017 ng isinulong ni Rowena Garcia, DOH Chief ng Marinduque ang “telemedicine”
system kung saan ang mga residente ng Marinduque ay pwedeng komunsulta sa mga doktor sa
Batangas Medical Center sa pamamagitan ng Camera at TV.

BIBLIOGRAPIYA

Dizon, N. (2019). The Marcopper disaster: A tragedy that continues in people's veins. ABS-
CBN News.

Failon, T. (2019, March 24). Tagas ng Mina: Pagbalik Tanaw.[Documentary].

Herbst, S. (2011). Mining in the Caraga Region, Philippines.

News, A.-C. (Director). (2013). TV Patrol: Abandonandong minahanan sa Marinduque,

inireklamo [News].

Tamang, B. (2016). Mining in the Philippines is the light of the catholic social teaching. 196.

Unknown. (2006). Mining in the Philippines Concerns and Conflicts .

Unknown. (2017). Marcopper Placer Dome Mining. Retrieved from ejatlas.org.

Unknown. (n.d.). BANTAY KITA. Retrieved from Position Paper on SHort term economic impact
of closed mines .