Magaganda ang ibon. Higit silang maganda kaysa sa ibang uri
ng mga hayop na lumilipad. Ang pagmamasid sa kanila ay nakalilibang at nakapapawi ng mga suliranin. Maraming uri ang mga ibon. Sari-sari ang kanilang anyo, kulay at laki. May mga ibong maliit. Mayroon ding malaki. Ang lawin ang pinakamalaki sa mga pangkaraniwang ibong nakikita natin sa paligid.
Higit na malaki ang lawin kaysa sa pipit. Ang lawin ay lalong
kilala bilang hari ng mga ibon. Mahilig siyang mandagit ng mga sisiw. Isang araw, habang naglalaro ang mga inakay ng isang inahing manok, isa sa kanila ang napahiwalay sa kanyang mga kasamahan. Malakas ang siyap ng sisiw sa paghanap sa kanyang mga kapatid. Higit na malakas ang siyap ng inahin sa pagtawag sa anak. Ngunit sa kasamaang palad, lalong napalayo ang naligaw na sisiw sa kanyang mga kasamahan. Sa kanyang pag-iyak, narinig siya ng lawin. Nabighani ito sa kanyang huni at nang mapansin nitong nag-iisa lamang ang sisiw, dali-dali niya itong tinugis. Nakita naman agad ng sisiw ang lawin kaya matulin itong nagtago sa isang butas na tinitirhan ng isang maliit na uwang. Kahit maliit ang uwang, siya ay kasintapang din ng lawin. Nang makita niya ang balak gawin ng lawin, agad niyang pinakiusapan ito na huwag sanang saktan ang kaawa- awang sisiw. “Huwag mo sanang saktan ang sisiw. Higit na mahina siya kaysa sa iyo,” sabi ng uwang. Ngunit nagalit pa sa kanya ang lawin. Ang sabi nito, “Magagawa kong lahat ang gusto ko sapagkat ako ang hari ng mga ibon. Ako ang pinakamakapangyarihan sa lahat.” “Ikaw nga. Ngunit hindi mo ba alam na maaaring magkaroon ka rin ng katapat sa iyong mga kasamaan?” sagot ng uwang. “May higit na malakas, matapang, at makapangyarihan kaysa sa iyo.” Nagalit ang lawin sa sinabi ng uwang. Bigla niya itong tinabig kasabay ng pagdukot sa takut na takot na sisiw na nasa taguan. Ginamit ng lawin ang matutulis niyang kuko sa pagsaklot sa sisiw. Kanya itong inilipad sa kanyang pugad. Sa ginawang ito ng lawin, nagalit din ang uwang. Sinundan ng uwang ang lawin upang alamin kung saan ito tumitigil. Nakita naman ng uwang ang pugad ng lawin at sinagip ang takut na takot na sisiw. Sagutin:
1. Paano pinaghambing ang lawin at ang uwang?
2. Paano naman pinaghambing ang lawin at ang sisiw? 3. Paano naman inihambing ng lawin ang kanyang sarili sa iba? 4. Paano inihambing ang ibon sa ibang uri ng hayop na lumilipad? 5. Kung ikaw ang pagpipiliin, alin ang gusto mong maging katulad, ang lawin o ang uwang? Ipaliwanag.
Narito ang mga pangungusap na hango sa pabulang iyong
binasa. Pag-aralan mo.
A. Malakas ang siyap ng sisiw sa paghanap sa kanyang mga
kapatid.
B. 1. Higit na malakas ang siyap ng inahin sa pagtawag sa anak.
2. Ang uwang ay kasintapang din ng lawin.
C. Ang lawin ang pinakamalaki sa mga pangkaraniwang
ibong makikita natin sa paligid.
- Ano ang tawag sa mga salitang may salungguhit?
- pang-uri
- Ano ang pang-uri?
- Ang pang-uri ay mga salitang naglalarawan sa pangngalan o panghalip? - Ang pang-uri ay may tatlong kaantasan.
Sa pangungusap sa A, ano ang pang-uri? Ano at ilan ang
inilalarawan nito? - Ang pang-uri ay malakas at ang inilalarawan nito ay ang pagsiyap ng sisiw. Isa lang ang inilalarawan nito. - Ang pang-uri ay nasa antas lantay kung iisang tao, bagay, hayop o pook ang inilalarawan.
Sa pangungusap sa B. 1., ano ang pang-uri? Ano ang
pinaghahambing nito? - Ang pang-uri ay higit na malakas at ang pinaghahambing nito ay ang pagsiyap ng sisiw at pagsiyap ng ina kahit hindi na lantarang binanggit sa pangungusap ang pagsiyap ng anak. Ilan ang pinaghambing? - Dalawa ang pinaghahambing. Ang pang-uri ay nasa antas pahambing kung dalawa ang pinaghahambing.
Magkatulad ba ang katangiang inihahambing?
- Hindi magkatulad ang katangiang inihahambing kaya ginagamitan ng salitang higit. Maaari ring gamitin ang mas. - halimbawa: mas maganda
Sa pangungusap sa B-2, ano ang pang-uri? Ano ang
pinaghahambing nito?
Ang pang-uri ay kasintapang at ang pinaghahambing ay ang
uwang at lawin.
Ilan ang pinaghahambing?
- dalawa ang pinaghahambing
Magkatulad ba ang katangiang pinaghahambing?
- Magkatulad ang katangiang pinaghahambing kaya ginagamitan ng panlaping kasing. Maaari ring gamitin ang magkasin. - Halimbawa: magkasintayog
Sa pangungusap sa C, ano ang pang-uri? Ano ang
pinaghahambing?
- Ang pang-uri ay pinakamalaki at ang pinaghahambing ay
ang lawin at mga ibon.
Ilan ang pinaghahambing?
- Higit sa dalawa ang pinaghahambing. Nasa antas
pasukdol ang pang-uri kung higit sa dalawang tao, bagay, hayop o pook ang pinaghahambing at ang isa ay nagtataglay ng pinakamataas na katangian sa lahat. - Nilalapian ng pinaka, napaka o sinasamahan ng ubod, sukdulan, nuno, lubha, masyado, totoo, talaga, tunay ang pasukdol.
170 Gawin Natin
Gawain 1
Punan ang patlang ng wastong anyo ng pang-uri na angkop sa
pangungusap. Isulat ang sagot sa sagutang papel.
1. Sina Edward at Ramon ay _ (taas).
2. _ _ (bilis) ang usa kung tumakbo. (likot) sa mga 3. Ang aking bunsong kapatid ang __ _ batang lalaki.
4. _ _ (hinahon) siya sa lahat ng oras at pagkakataon.
5. Ang hilaw na mangga ay __ (asim) kaysa sa sampalok.
Tapos na? Ihambing ang iyong sagot sa Gabay sa Pagwawasto.
Ilan ang nakuha mo? Kung 4 o 5 ang nakuha mo, magaling ka! Magpatuloy ka na sa Mga Dagdag na Gawain.
Kung 3 o pababa naman ang nakuha mo, sagutin mo muna ang
Gawain 1 A.
Gawain 1 A
Piliin ang pang-uri na angkop sa pangungusap. Isulat ang sagot
sa sagutang papel.
1. (Matayog, Mas matayog, Kasintayog) ng pangarap ng
kanyang ama ang pangarap ni Mauro.
2. Ang Pilipinas ang (unang, higit na unang, pinakaunang)
Republika sa buong Asya.
3. (Malayo, Magsinglayo, Pinakamalayo) ang Maynila sa Herusalem.
4. (Magiting, Paris na magiting, Pinakamagiting) sina Dr. Rizal at Andres Bonifacio.
5. Si Mando ay (mahusay, mas mahusay, hari ng husay) na aktor.
Ihambing ang iyong sagot sa Gabay sa Pagwawasto.
Ilan ang nakuha mo? Ngayon, magpatuloy ka na sa Mga Dagdag na Gawain.