Mga Gamit o Pangangailangan sa Akademikong
Pagsulat
1. Wika - nagsisilbing behikulo upang maisatitik ang mga
kaisipan, kaalaman, damdamin, karanasan,
impormasyon, at iba pang nais ilahad ng isang taong nais
sumulat
- Mahalagang matiyak kung anong uri nito ang
gagamitin upang madaling maiakma sa uri ng
taong babasa ang akda, komposisyon, o
pananaliksik na nais mong ibahagi sa iba.
- Mahalagang magamit ang wika sa malinaw,
masining, tiyak, at payak na paraan.
2. Paksa - nagsisilbing pangkalahatang iikutan ng mga
ideyang dapat mapaloob sa akda
- Ang pagkakaroon ng sapat na kaalaman sa
paksang isusulat ay napakahalaga upang maging
malaman, makabuluhan, at wasto ang mga datos
na ilalagay sa akda o komposisyong susulatin.
3. Layunin - nagsisilbing giya mo sa paghabi ng mga
datos o nilalaman ng isang sulatin
- Kailangang matiyak na matutugunan ng isang
sulating isusulat ang motibo ng iyong pagsusulat
nang sa gayon ay maganap nito ang iyong pakay
sa katauhan ng mga mambabasa.
4. Pamamaraan ng Pagsulat - mayroong limang
pangunahing pamamaraan ng pagsulat upang mailahad
ang kaalaman at kaisipan ng manunulat batay na rin sa
layunin o pakay ng pagsusulat
- Maaaring gumamit ng paraang impormatibo
kung saan ang pangunahing layunin nito ay
magbigay ng impormasyon o kabatiran sa mga
mambabasa.
- Ang paraang ekspresibo kung saan ang
manunulat ay naglalayong magbahagi ng sariling
opinion, paniniwala, ideya, obserbasyon, at
kaalaman hinggil sa isang tiyak na paksa batay sa
kanyang sariling karanasan o pag-aaral.
- Ang pamamaraang naratibo kung saan ang
pangunahing layunin nito ay magkuwento o
magsalaysay ng mga pangyayari batay sa mga
magkakaugnay at tiyak na pagkakasunud-sunod
ng mga pangyayari sa mga ito.
- Ang pamamaraang deskriptibo kung saan ang
pangunahing pakay ng pagsulat ay maglarawan
ng mga katangian, anyo, hugis ng mga bagay o
pangyayari batay sa mga nakita, narinig,
natunghayan, naranasan, at nasaksihan.
- Ang pamamaraang argumentatibo kung saan ang
pagsulat ay naglalayong manghikayat o
mangumbinsi sa mga mambabasa. Madalas, ito
ay naglalahad ng proposisyon at mga isyu ng
argumentong dapat pagtalunan o pag-usapan.
5. Kasanayang Pampag-iisip - dapat taglayin ng
manunulat ang kakayahang mag-analisa o magsuri ng
mga datos na mahalaga o hindi gaanong mahalaga,
maging ng mga impormasyong dapat isama sa akdang
susulatin
- Kailangang maging lohikal din ang kanyang pag-
iisip upang makabuo ng malinaw at mabisang
pagpapaliwanag o pangangatwiran.
6. Kaalaman sa Wastong Pamamaraan ng Pagsulat -
dapat isaalang-alang ang pagkakaroon ng sapat na
kaalaman sa wika at retorika partikular na sa mga
sumusunod:
 wastong paggamit ng malaki at maliit na titik
 wastong pagbabaybay
 paggamit ng bantas
 pagbuo ng makabuluhang pangungusap
 pagbuo ng talata
 masining at obhetibong paghabi ng mga kaisipan

7. Kasanayan sa Paghabi ng Buong Sulatin - kakayahang
mailatag ang mga kaisipan at impormasyon sa isang
maayos, organisado, obhetibo, at masining na
pamamaraan mula sa panimula ng akda o komposisyon
hanggang sa wakas nito
Mga Katangiang Dapat Taglayin ng Akademikong
Pagsulat
1. Obhetibo - Kailangang ang mga datos na isusulat ay
batay sa kinalabasan ng ginawang pag-aaral at
pananaliksik. Iwasan ang pagiging subhetibo o ang
pagbibigay ng personal na opinion o paniniwala hinggil sa
paksang tinatalakay. Iwasan ang paggamit ng mga
pahayag na batay sa aking pananaw o ayon sa aming
haka-haka o opinyon
2. Pormal - Iwasan ang paggamit ng mga salitang
kolokyan o balbal. Sa halip, gumamit ng mga salitang
pormal na madaling mauunawaan ng mambabasa. Ang
tono o himig ng paglalahad ng mga kaisipan o
impormasyon ay dapat na maging pormal din.
3. Maliwanag at Organisado - Ang mga talata ay
kinakailangang kakitaan ng maayos na pagkakasunud-
sunod at pagkakaugnay-ugnay ng mga pangungusap. Ang
talata ay mahalagang magtaglay ng kaisahan.
4. May Paninindigan - Mahalagang mapanindigan ng
sumusulat ang paksang nais niyang bigyang-pansin o
pag-aralan sapagkat hindi maganda ang magpabago-
bago ng paksa. Ang kanyang layunin na maisagawa ito ay
mahalagang mapanindigan niya hanggang sa matapos
niya ang kanyang isusulat. Maging matiyaga sa
pagsasagawa ng pananaliksik at pagsisiyasat ng mga
datos matapos ang pagsulat sa napiling paksa.
5. May Pananagutan - Ang mga ginamit na mga
sanggunian ng mga nakalap na datos o impormasyon ay
dapat na bigyan ng nararapat na pagkilala. Ang maging
mapanagutan ang manunulat sa awtoridad ng mga
ginamit na sanggunian ay isang paraan ng pagpapakita
ng paggalang sa mga taong nakatulong sa iyo bilang
bahagi ng etika ng akademikong pagsulat. Ito rin ay
makatutulong upang higit na mapagtibay ang kahusayan
at katumpakan ng iyong ginawa o sinulat.
Mga Anyo ng Akademikong Pagsulat
1. Malikhaing Pagsulat
(Creative Writing)
Pangunahing layunin:
 maghatid ng aliw
 makapukaw ng damdamin
 makaantig ng imahinasyon at isipan
 Karaniwang ito’y naisusulat bunga ng malikot na
isipan ng sumusulat na maaaring batay sa tunay
na pangyayari o kaya naman ay bunga ng
imahinasyon o kathang-isip lamang.
• maikling kuwento, dula, malikhaing sanaysay,
komiks, iskrip ng teleserye, kalyeserye, musika,
pelikula, atb.
2. Teknikal na Pagsulat
(Technical Writing)
Pangunahing layunin:
 pag-aralan ang isang proyekto o kaya naman ay
bumuo ng isang pag-aaral na kailangan lutasin
ang isang problema o suliranin
 Bagamat naituturing na malawak ang kaisipang
nasasakop nito, ang inaasahang higit na
makakaunawa lamang ay ang mga mambabasa
na may kaugnayan sa tinalakay na proyekto o
suliranin na may kinalaman sa isang tiyak na
disiplina o larangan.
• Feasibility Study on the Construction of Platinum
Towers in Makati
• Project on the Renovation of Royal Theatre in
Caloocan City
• Proyekto sa Pagsasaayos ng Ilog ng Marikina
3. Propesyonal na Pagsulat
(Professional Writing)
 mga sulating may kinalaman sa isang tiyak na
larangang natutuhan sa akademya o paaralan.
Binibigyang pansin nito ang tungkol sa napiling
propesyon o bokasyon ng isang tao
• Mga guro
- lesson plan
- paggawa at pagsusuri ng kurikulum
- pagsulat ng pagsusulit o assessment
• Mga doctor at nars
- medical report
- narrative report tungkol sa physical examination
ng isang pasyente
4. Dyornalistik na Pagsulat
(Journalistic Writing)
 Ito ay may kaugnayan sa pamamahayag. Kasama
rito ang pagsulat ng:
 totoo, obhetibo, at makabuluhang mga balita at
isyung nagaganap sa lipunan sa kasalukuyan na
kanilang isusulat sa mga pahayagan, magasin, o
kaya naman ay iuulat sa radio at telebisyon.
5. Reperensyal na Pagsulat
(Referential Writing)
Layunin:
 bigyang pagkilala ang pnagkunang kaalaman o
impormasyon sa paggawa ng:
 irekomenda sa iba ang mga sangguniang
maaaring pagkalapan ng mayamang kaalaman
hinggil sa isang tiyak na paksa
 Karaniwang makikita ito sa huling bahagi ng
isinasagawang pananaliksik o kaya’y sa
kabanatang naglalaman ng Review of Related
Literature
Review of Related Literature
(Kaugnay na mga Literatura)
 mga teoryang pinaghanguan ng mga prinsipyo at
batayan upang makapagbalangkas ng mga
konsepto sa pagbuo ng isinasagawang
pananaliksik
Layunin ng Akademikong Pagsulat
Ayon kay Royo (2001) sa aklat ni
Dr. Eriberto Astorga, Jr. na
“Pagbasa, Pagsulat at Pananaliksik”
 malaki ang naitutulong ng pagsulat sa paghubog
sa damdamin at isipan ng tao. Sa pamamagitan
nito, naipahahayag niya ang kanyang damdamin,
mithiin, agam-agam,bungang-isip at mga
pagdaramdam
Ang pangunahing layunin ng pagsulat:
 mapabatid sa mga tao o lipunan ang paniniwala,
kaalaman, at mga karanasan ng taong sumusulat
 magtaglay ng katangiang mapaghikayat upang
mapaniwala at makuha ang atensiyon ng mga
mambabasa
 Mahalagang isaalang-alang ang layuning ito
sapagkat masasayang ang mga isinulat kung
hindi ito magdudulot ng kabatiran at pagbabago
sa pananaw, pag-iisip, at damdamin ng
makababasa nito.
Ayon kay Mabilin (2012) ng kaalaman para sa akademikong
“Transpormatibong Komunikasyon sa Akademikong pagsusulat
Filipino”
 Ang layunin sa pagsasagawa ng akademikong
pagsulat ay maaaring mahati sa dalawang
bahagi:
 Personal o ekspresibo
 Panlipunan o sosyal
Personal o Ekspresibo
Layunin:
nakabatay sa pansariling panananaw, karanasan, naiisip
o nadarama ng manunulat
 maaaring magdulot sa bumasa ng kasiyahan,
kalungkutan, pagkatakot o pagkainis depende sa
layunin ng taong sumusulat
 maikling kuwento, tula, dula, awit, atbp akdang
pampanitikan
Panlipunan o Sosyal
Layunin:
makipag-ugnayan sa ibang tao o sa lipunang ginagalawan
(transaksyunal)
 Maaaring magkasabay na maisagawa ang
layuning personal at panlipunan partikular sa
mga akdang pampanitikang nasulat bunga ng
sariling pananaw ng may-akda na maaaring
magkaroon ng tiyak na kaugnayan sa lipunan.
 Liham, balita, korespondensya, pananaliksik,
sulating panteknikal, tesis, disertasyon, atbp.

Kahalagahan ng Akademikong Pagsulat

1. masasanay ang kakayahang mag-organisa ng
mga kaisipan at maisulat ito sa pamamagitan ng
obhetibong paraan
2. malilinang ang kasanayan sa pagsusuri ng mga
datos na kakailanganin sa isinasagawang
imbestigasyon o pananaliksik
3. mahuhubog ang kasisipan ng mga mag-aaral
sa mapanuring pagbasa sa pamamagitan ng pagiging
obhetibo sa paglalatag ng mga kaisipang isusulat
batay sa mga nakalap na impormasyon
4. mahihikayat at mapapaunlad ang kakayahan sa
matalinong paggamit ng aklat sa paghahanap ng
materyales at mahahalagang datos na
kakailanganin sa pagsulat
5. magdudulot ito ng kasiyahan sa pagtuklas ng
mga bagong kaalaman at pagkakaroon ng
pagkakataong makapag-ambag ng kaalaman sa
lipunan
6. mahuhubog ang pagpapahalaga sa paggalang at
pagkilala sa mga gawa at akda ng kanilang pag-
aaral at akademikong pagsisikap
7. malilinang ang kasanayan sa pangangalap ng
mga impormasyon mula sa iba’t ibang batis