Kard Katalog- ay isang listahan ng lahat ng nilalaman ng isang aklatan, na nakaayos

gamit ang isang tarheta o kard para sa bawat isang bagay na makikita sa aklatan

Uri ng Kard Katalog

 Kard ng manunulat/may-akada – ito ang batayang kard at tinatawag na

pangunahing tala. Nakaayos ito nang paalpabeto batay sa unang titik ng
apelyido ng manunulat
 Kard ng Pamagat- katulad ng kard ng may-akada subalit makikita mo sa itaas
ang pamagat ng aklat. Ito ay nakaayos nang paalpabeto batay sa unang salita
ng pamagat ng aklat.
 Kard ng Paksa- ito ay inihanda para sa bawat paksang ganap natinalakay sa
aklat. Nakaayos ito nang paalpabeto ayon sa unang titik ng paksa ng aklat.

BAHAGI NG KARD KATALOG

1. May-akda
F
Santos , Angeles S.
398.6 Isang libo at isang bugtong/ Angeles S.
Sa 261 Santos,- ikalawang pagkalimbag.—
1958 Malabon: Epifanmio de los Santos College , 1958
103 p. :ill;26 cm Call Number
62713 1. Riddles, I. Titles

2. Pamagat May Akda

F Paksa
398.6 Isang libo at isang bugtong/
Sa 261 Santos , Angeles S.
Isang libo at isang bugtong/
Santos , Angeles S. - ikalawang pagkalimbag.— Pamagat ng Aklat
Malabon: Epifanmio de los Santos College , 1958
103 p. :ill;26 cm

Naglimbag
3. Paksa
F
398.6 Mga Bugtong
Sa 261 Isang libo at isang bugtong/ Pahina
1958 Angeles S. Santos,- ikalawang pagkalimbag.—
Malabon: Epifanmio de los Santos College , 1958
103 p. :ill;26 cm
Klasipikasyon Ginagamit sa Aklatan

May dalawang uri ng klasipikasyong ginagamit sa mga aklatan ang Sistemang

Dewey Decimal at ang Sistemang Library of Congress.

Sa Sistemang Dewey Decimal, pinapangkat ang mga aklat sa sampung

pangunahing asignatura:

 000 -099 Panlahatang Aklat : ensayklopidya , sangguniang , aklat

100-199 Pilosopiya : sikolohiya, Katauhan,, pag uugali
 200 – 299 Relihiyon : Bibliya , aralin sa relihiyon, metolohiya
 300 -399 Agham Panlipunan; abogasya, edukasyon, pamahalaan, ekonomiya
 400 -499 Pilolohiya ; wika , retorika, talatinigan
 500 -599 Agham; matimatika, elektrisidad , pisika, botani, zoology
 600 -699 Agham (Applied ): hanapbuhay, imbensyon, absasyon, pagsasaka
 700 -799 Sining; Paglilibang, musika, pagpipinta, arkitektura, palakasan,
teatro
 800-899 Literatura: dula, panulaan, sanaysay, talumpati
 900 -999 Kasaysayan: heograpiya, paglalakbay, talambuhay.

Ang sistemang Library of Congress ay kakaiba sa una

A Panlahatang Aklat M Musika

B Pilosopiya, Relihiyon N Sining
C Kasaysayan P Wika at Panitikan
D Kasaysayan ng Ibang Bansa Q Agham
E-F Kasaysayan ng Amerika R Medisina
(Pilipinas) S Pagsasaka
G Heograpiya/ Antropolohiya T Teknolohiya
H Agham Panlipunan U Agham Panghukbo
J Agham Pampulitika V Agham Pandagat
K Abogasya Z Agham Pang-aklatan/
L Adukasyon Bibliograpiya
Pormularyong Pampaaralan- pagpupuno ng mga wastong impormasyong personal o
impormasyon tungkol sa sarili na my wastong baybay
Tayutay- Ang tayutay ay isang sinadyang paglayo sa karaniwang paggamit ng mga
salita upang madaling maunawaan, mabisa at kaakit-akit ang pagpapahayag.
Nakadaragdag ito sa kalinawan, kapamagitan at kagandahan ng isang katha, pasalita
man o pasulat.

URI NG TAYUTAY
1. Pagtutulad (simile)
Ito ay isang payak at lantad na paghahambing at karaniwang ginagamitan ng mga
salita’t pariralang: katulad ng, tulad ng, para ng, anaki’y, kawangis ng, gaya ng,
kasing-, sing-, ga-, atbp.
Halimbawa:
Ang tao ay kawangis ng Diyos.
2. Pagwawangis (Metaphor)
Ito ay isang tuwirang paghahambing na di gumagamit ng mga salitang katulad ng at
iba pa, ngunit nagpapahayag ng hambingan sa pamamagitan ng paglalapat ng pangalan,
tawag, katangian, o gawain ng isang bagay na inihahambing.
Halimbawa:
Matigas na bakal ang kamao ng boksingero.
3. Pagtatao (Personification)
Ito ay tinatawag ding pagbibigay katauhan at personipikasyon. Pahayag ito na ang
mga katangian, gawi at talinong sadyang angkin lamang ng tao ay isinasalin sa mga
karaniwang bagay. Nagagawa ang pagsasalin sa paggamit ng pandiwa o pangngalan.
Halimbawa:
Sumasayaw ang mga dahon sa pag-ihip ng hangin.
4. Pagmamalabis (Eksaherasyon) (Hyperbole)
Ito ay isang pagpapahayag na lampas sa mahinahong larawan ng katotohanan sa
hangaring magbigay-diin sa katotohanang pinagmamalabisan.
Halimbawa:
Umulan ng pera sa pagtama ko sa lotto.
5. Pagpapalit-saklaw (Synecdoche)
Ito ay ang pagbanggit sa bahagi bilang katapay ng kabuuan, o ng
kabuuan bilangkatapat ng bahagi.
Halimbawa:
Ang panahong ito ng Hunyo ay maulan.
6. Panghihimig o Onomatopeya
Ito ang paggamit ng mga salitang kung ano ang tunog ay siyang kahulugan.
Halimbawa:
Himutok na umaalingawngaw sa buong gubat.
7. Panawagan (Apostrophe)
Ginagawa rito ang pakikipag-usap sa karaniwang bagay na para bang nakikipag-usap
sa Isang buhay na tao o isang taong parang naroon at kaharap gayong wala naman.
Halimbawa:
Diyos Ama, ituro nyo po sa amin ang tamang daan.
8. Pag-uyam (irony)
Mga pananalitang nangungutya sa tao o bagay sa pamamagitan ng mga salitang kapag
kukunin sa tiyakan ay tila kapuri-puring mga pananalita ngunit sa tunay na kahulugan
ay may bahid na pang-uyam.
Halimbawa:
Ubod siya ng gara kung lumalabas! Napaka dumi naman ng bahay.
9. Paglilipat-wika o Transferred Epithet
Tulad ng pagbibigay-katauhan na pinasasabagay ang mga katangiang pantao, na
ginagamit ang pang-uri.
Halimbawa:
Patay tayo diyan.
10. Pagpapalit-tawag (Metonymy)
Isang pansamantalang pagpapalit ng mga pangalan ng mga bagay na
magkakaugnay.
Halimbawa:
Ang anghel sa kanilang tahanan ay isang malusog na sanggol.
11. Pagsalungat (Epigram)
Ang mga salitang pinag-uugnay nito ay pinagsasalungatan sa kahulugan
Halimbawa: kung sinong gumawa ng batas, siya ang unang lumalabag
12. Pagtanggi
Ginagamit ang salitang hindi upang maipahiwatig ang lalong makahulugang pag-
sang-ayon sa sinasabi ng salitang sumusunod
Halimbawa: Ang puso ko ay hindi bato
Tono- ang taas-baba na iniuukol sa pagbigkas ng pantig ng isang salita upag higit na
maging mabisa ang ating pakikipag-usap.

Halimbawa:
Nagbago na ako.
Nagbago na ako?
Nagbago na ako!

Diin- tumutukoy sa lakas ng bigkas sa pantig ng salita.

Halimbawa:

ba.tà (tao)- Ito ay binibigkas ng may diin sa ikalawang pantig. Malumi ang bigkas

batá (paghihirap) - Ito ay binibigkas nang tuloy-tuloy,Walang antala at diin sa

huling pantig. Mabilis ang bigkas

ba.ta (roba) - Ito ay binibigkas nang may diin sa ikalawang pantig mula sa huli,
banayad at walang antala ang bigkas sa huling pantig. Malumay ang bigkas

Antala - saglit na pagtigil sa ating pagsasalita upang higit na maging malinaw ang
mensaheng ibig ipahatid sa kausap.

Halimbawa:

Hindi siya mahirap.

Hindi, siya ang mahirap
Hindi siya, ang mahirap

Pangungusap- lipon ng mga salita na nagpapahayag ng buong diwa.

Dalawang bahagi ng Pangungusap

Simuno (subject) ay ang paksa o ang pinag-usapan sa pangungusap. May mga

panandang si, sina kung tao ang simuno at ang o ang mga kung bagay, lunan o
pangayayari.

Panaguri (predicate) ito ay ang bahagi ng pangungusap na nagsasabi ng kung ano

tungkol sa simuno.
Ayos ng Pangungusap

Karaniwang Ayos ng pangungusap- kung ang nauuna ay ang panaguri kaysa sa

simuno/paksa.

Halimbawa

Bumili ng tinapay ang bata.

(panaguri) (simuno)

Ang Di-karaniwang Ayos ng pangungusap- kung nauuna ay ang simuno kaysa

panaguri at ginagamitan ng panandang "ay".

Halimbawa

Ang bata ay bumili ng tinapay.

(simuno) (panaguri)

Mga Uri ng Pangungusap

Paturol o Pasalaysay – ang pangungusap kung naglalahad ito ng isang katotohanang

bagay. Nagtatapos ito sa tuldok (.).

Halimbawa: Tumakbo ng mabilis ang aso.

Pautos – ang pangungusap kung nag-uutos at nagtatapos din ito sa tuldok (.).

Halimbawa: Kunin mo ang aking damit sa lalagyan.

Patanong – ang pangungusap kung nagtatanong at nagtatapos ito sa tandang

pananong (?).

Halimbawa: Bakit ka umiiyak?

Padamdam – ang pangungusap kung nagsasaad ng matinding damdamin at nagtatapos

ito sa tandang padamdam (!). Hala! Aba! Ha! Hoy! Gising! Naku!

Halimbawa: Naku, nalulunod ang bata!

Kayarian ng Pangungusap

Ang payak na pangungusap ay nagpapahayag ng iisang kaisipan. Maaaring

nagtataglay ng payak o tambalang simuno at panaguri. May apat itong kayarian:
payak na simuno at payak na panaguri; payak na simuno at tambalang panaguri;
tambalang simuno at payak na panaguri; at tambalang simuno at tambalang panaguri.
Mga halimbawa:

 Ang aming pangkat ay naglinis ng mga kalye at nagpinta ng mga pader sa

paaralan.
 Ang mga guro at mag-aaral ay aawit at sasayaw para sa pagdiriwang
ng Buwan ng Wika.
Ang tambalang pangungusap ay binubuo ng dalawa o higit pang sugnay na makapag-
iisa:
Halimbawa:

 Nagtatag ng isang pangako si Arnel at umisip siya ng magandang proyekto para

sa mga kabataan sa kanyang pook.
 Maraming balak silang gawin sa Linggo: magpapamigay sila ng pagkain sa mga
batang lansangan, magpapadala sila nga mga damit sa mga batang ulila saka
maghahandog sila ng palatuntunan para sa mga maysakit sa gabi.
Ang hugnayang pangungusap ay binubuo ng isang sugnay na makapag-iisa at isa o
dalawang sugnay na di-makapag-iisa.
Halimbawa:

 Gaganda ang iyong buhay kung susunod ka sa mga pangaral ng inyong magulang.
 Ang batang putol ang mga kamay ay mahusay gumuhit.
Ang langkapang pangungusap ay binubuo ng dalawa o mahigit pang sugnay na
makapag-iisa at dalawa o mahigit pang sugnay na di-makapag-iisa.
Halimbawa:

 Ang buhay sa mundo ay pansamantala lamang kaya't dapat na tayo ay

magpakabuti upang makamit ang kaligayahan sa kabilang buhay.
 Nahuli na ang mga masasamang-loob kaya't payapa na kaming nakatutulog sa
gabi, kasi sila lamang ang gumugulo sa amin.
Parirala- lipon ng mga salitang walang simuno at panaguri. Wala itong buong diwa.

Halimbawa: sa ibang bansa, doon sa malayong lugar

Sugnay- lipon ng mga salitang may simuno at panaguri ngunit bahagi lamang ng
pangungusap.

May dalawang uri ng sugnay:

 Ang sugnay na makapag-iisa- ay bahagi ng pangnungusap na may buong diwa

kahit ihiwalay sa pangungusap.

 Ang sugnay na di-makapag-iisa - naman ay hindi nagbibigay ng

pinangungunahan ngpangatnig gaya ng ngunit, samantalang, kung, para,
habang.

Pangatnig- ay ang mga salita o lipon ng mga salita at kataga na ginagamit sa pag-
uugnay ng isang salita sa kapwa salita, ng isang parirala sa kapwa parirala, o ng isang
pangungusap sa kapwa pangungusap.

Mga Uri ng Pangatnig

1. Paninsay. Ito ay ginagamit sa pangungusap na ang dalawang isipan ay

nagkakasalungatan.

Halimbawa: Namatay si Mang Isko ngunit ang kanyang prinsipyo ay mananatiling

buhay.

2. Pananhi. Ito ay ginagamit upang makatugon sa mga tanong na bakit o upang

maipakilala ang mga kadahilanan ng isang pangyayari at ng anumang iniisip o niloloob.

Halimbawa: Ang kanyang prinsipyo ay mananatiling buhay sapagkat nariyan si Dong

na magpapatuloy ng kanyang naudlot na gawain.

3. Pamukod. Ito ay ginagamit upang ihiwalay, itangi, o itakwil ang isa sa ilang bagay o
isipan.

Halimbawa: Maging ang mga kasamahan niya’y nagpupuyos ang kalooban.

4. Panlinaw. Ito ay ginagamit upang dagdagan o susugan ang kalinawan ng mga nasabi
na.
Halimbawa: Sumisigaw ang kanyang puso at humihingi ng katarungan.

Pangatnig na panimbang din ang tawag sa at, ngunit, datapwat sapagkat nag-uugnay
ng mga salitang magkakapantay; ng mga parirala, ng mga sugnay na pantulong, at ng
mga sugnay na nakapag-iisa. Panlinaw rin ang mga pangatnig na samakatuwid, kung
gayon, kaya.

5. Panubali. Nagsasaad ito ng pagkukurong di-ganap at nangangailangan ng ibang

diwa o pangungusap upang mabuo ang kahulugan.

Halimbawa: Sakaling hindi ibigay, magpapatuloy ang welga.

6. Panapos. Nagsasaad ito ng wakas ng pagsasalita.

Halimbawa: At sa wakas naibigay rin ang kanilang sahod.

7. Panulad. Nagpapahayag ito ng paghahambing ng mga gawa o pangyayari.

Halimbawa: Kung ano ang utang, siya ring kabayaran.