Ang kalikasan ay nilikha ng Diyos para sa sangkatauhan. Sinasaklaw nito ang
mga bagay sa ating paligid, may buhay man o wala. Kabilang sa mga ito ang mga hayop, halaman, yamang lupa at yamang tubig. Mahalaga ang kalikasan sa ating buhay, sapagkat pinagkukunan natin ito ng mga bagay na kailangan natin sa araw- araw. Ang mga halaman ay pinagkukunan natin ng pagkain tulad ng gulay at prutas. Ang mga hayop tulad ng baboy, baka, at manok ay nagbibigay sa atin ng gatas, itlog at karne. Bilang isang mag-aaral makakatulong ako sa pagpapanatili ng kagandahan at kalinisan ng ating kalikasan sa simpleng pamamaraan gaya ng pagtatapon ng basura sa tamang tapunan. Ang pagtitipid sa paggamit ng tubig at kuryente. Ang paggamit ng mga “recyclable materials” tulad ng papel, karton, lata, plastik at iba pa ay makakabawas sa pagdami ng basura sa pamamagitan ng paggawa ng ibang bagay yari sa mga materyales na ito. Kabilang ako sa nakikinabang kay Inang Kalikasan kaya ako ay nangangako na magiging responsable sa pangangalaga ng ating kalikasan. Tunay na dapat nating mahalin at alagaan ang ating kalikasan upang patuloy niya tayong biyayaan sa maraming paraan.