“Talindaw”: A Filipino Boat/ Rowing Song

by/ ni Jm Benavidez Estoque

Nang ako’y namangka sa dalampasigan…

na batis ng luha’t ng abang pangarap;

Mag-isa’t kay lumbay sa lilim ng ulap…

Puso’y yaring agnas nitong kalungkutan!

Mata’y nangapako sa dakong pampang

na nangangakubli sa kanyang pagtangis!

Ligaya’y balaraw at tungkos ng hapis…

labis nagdaramdam pusong namighati!

Hayo’t gaod dito sa’king salamisim–

sa diwa’y naglakbay sa agos ng tubig…

sa punyal ng pusong nagdurugo’t kay tinik…

ng tulaing damdaming wari’y nagdidilim!

Hayo’t gaod dito sa’king pag-iisa…

sa lilim ng b’wan na walang ‘sing gimbal!

– Nanlulumong labis sa ‘lirang pagsinta…

Na sa pagkaragka’y tila nawala na!