“Pamilya”

By: Yna Chrislyn Alegria

Pamilya ay ang mga taong nagmamahal sayo ng buong puso, Sila ay andiyan lagi para sayo,
pakinggan ang iyong mga problema at alalahanin ka. Sila ay tulad ng mga bituin sa madilim na
madilim na gabi at sindihan ang magandang landas na nasa harap mo. Maaari silang maging
nakakainis ngunit sa tuwing iniisip mong muli, magkakaroon ng isang init mula sa iyong puso
dahil mararamdaman mo na minamahal ka nila ng buong buo, maiiyak ka na lang sa saya at sa
pagsasalamat sa may kapal dahil sila ang binigay ng diyos para sa iyo . isang magandang
pamilya na inaalagaan ka , minamahal at higit sa lahat tatanggapin ka nila ng buong buo kung
sino ka man.
Kaibigan? Kasintahan? Hindi permanente yan pero ang pamilya ay mga taong iintindihin ka at
higit sa lahat uunawain ka. Sa 17 taon ng aking buhay ngayon ko lang napatanto na ang lahat ay
magbabago maliban sa iyong pamilya. Ang pamilya ay laging sumusuporta sa iyong mga
tagumpay at tutulungan ka sa kabiguan sa iyong buhay. Sila ang laging nandyan para mahalin at
suportahan ka kahit ano ang mangyari. Napagtanto ko na ang lahat ng tao ay magbabago lalo na
ang iyong mga kaibigan. Ang iyong mga kaibigan na iyong sinabihan ng iyong mga lihim , mga
kaibigan na pinagkakatiwalaan mo ng sobra. Sila ay magiging isang batik ng alikabok sa iyong
kamay na ununti na mawawala. Nagkaroon ako ng panahon na ako ay pinagtaksilan ng aking
mga kaibigan at dahil dun kinausap ko ang aking ina tungkol sa aking mga problema at
pagkatapos ay nauunawaan niya ako, sinusuportahan at tinulungan . Nauunawaan niya ako dahil
mas kilala nya ako ng lubusan. Sinabi niya na kahit na ano ang mangyayari ay patuloy at lagi
niya ako mauunawaan at susuportahan niya ako kahit sa anong bagay. Pagkatapos ay napagtanto
ko ang sana ang mga oras na ginugol ko sa aking mga kaibigan ay sana ginugol ko ang mga oras
sa aking pamilya dahil sila ang laging nandiyan para sa iyo.
Napatanto ko na kahit ang pamilya ang pinakamaliit na yunit ng pamayanan ngunit para sa akin
ito ang pinakamalaki at pinakamahalagang parte ng aking buhay. Ang aking pamilya ang
naghubog sa aking pagkatao kaya't ako ngayon ay isang kapaki-pakinabang na nilalang. May
apat na myembro ang aking pamilya, ang aking mga magulang ay naghihirap humanap ng pera
upang may sapat kaming makakain sa araw-araw at upang matutugunan ang aming mga
pangangailangan.

Ang aking ina ay matuturing kong dakila. Una sa lahat, siya ang nagluwal sa aming dalawa na
magkakapatid at walang sawang nag-aruga sa amin. Ang aking ama ay ang aking 'Super hero'
dahil sa kanya ko nakita ang tunay na ibig sabihin ng mga salitang sipag at tiyaga. Siya ay
kumakayod araw-araw upang maitayo ang aming pamilya at sa tulong din ng aking kapatid ay
natutunan ko ang pakikibagay at pakikipagkaibigan. Kaya't ang aking pamilya ang
pinakamahalagang parte ng aking buhay at dapat mahalin natin sila ng buong puso dahil sila ay
palaging nandiyan para sayo.