MGA SIMULAIN SA PAGHAHANDA AT PAGTATANGHAL NG ISANG DULANG

PAMPRODUSKYON

1.1 ISKRIP- Tiyaking nakapili na ng isang iskrip nia gagamitin sa pagtatanghal. Simple
o payak lamang ang banghay subalit naghaharap ng maaksyon at mapaghamong
mga tagpo na sukat aantig sa mga manonood.
1.2 KONSEPTO AT DETALYE- Kailangang mapag-usapan nilang lahat ang mga
konsepto,detalye at mga kaisipang dapat palutangin sa kabuuan ng dula.
1.3 PRODUCTION STAFF- Ang bawat isa ay maglalahad ng kani-kanilang mga plano
ayon sa kung ano ang itinakdang particular na Gawain nila. Ang Production
Designer ang maglalahad ng pangkahalatang bihis. Magiging katuwang niya ang
Props Men at Hair & Make-up Artist. Gayundin ang mga bumubo sa Technical
Staff na kinapapalooban ng Lighting Director, Sound, Musical at Composer.
1.4 AUDITON- Kailangang magsagawa ng audition upang mapili kung sino ang mga
gaganap sa bawat karakter o tauhan.
1.5 STORY CONFERENCING & THROWING OF LINES- Kialangang magkaroon ng
Story Conferencing upang higit pa nilang makilala ang malalim na karakter na
gagampanan. Huwag din kalimutan na sa Throwing of Lines kinakailangang
bigkasin ng wasto, malakas at malinaw ng bawat artista ang kaniyang diyalogo.
1.6 DROP SCRIPT REHEARSAL – Kinakailangang nasasaulo na nila unti-unti ang
kanilang mga linya na hindi naghahawak ng script.
1.7 RAISING UP TO PERFORMANCE LEVEL- Kinakailangang tumaas ang antas at
kalidad ng performance ng bawat artista.
1.8 TECHNICAL DRESS- Hindi dapat kalimutan ito upang masanay na ang bawat
tauhan sa kasuotang kanyang gagamitin sa oras ng pagtatanghal.
1.9 GENERAL REHEARSAL- Hindi na dapat magkaroon ng last minute changes dahil
maaring magdulot lamang ito ng kalituhan sa panig ng mga artista.

2. MGA BAGAY NA DAPAT ISAALANG-ALANG NG MGA ARTISTA/AKTOR

2.1 Tandaan na ang dalawang pinaka mahalagang kasangkapan ng isang artista
ay kanyang Tinig at Katawan. Kailangang pangalagaan ito sapagkat ito ang
puhunan sa pagganap sa mga pagtatanghal.
2.2 Huwag kalimutan ang kahalagahan ng Voice Projector. Alalahain na hindi
pinapayagan ang paggamit ng mikropono sa isang aktwal na pagtatanghal.
2.3 Mabisang gamiting teknik ang Memory of Emotion. Magiging isang motibasyon
ang nakaraang alaala sa buhay upang maiugnay sa gumaganap na karakter sa
isang eksena.
2.4 Malaki ang naitutulong ng mga palitan sa teatro o acting workshop.
2.5 Mahalaga ang ginagampanan ng Imagination, Concentration, at Creativity.

3. MASINING NA PAGTATANGHAL ANG DULA BILANG LUNSARAN

 Ang pagtuturo ng Filipino ay isang Sining sapagkat inaasahan ang pagiging
malikhain at masining ng isang guro upang maging kawili-wili ang mga Gawain sa
pagkatuto sa pang-araw araw na talakayan. Halimbawa nito ang: Sabayang Pagbigkas,
Talumpati at Madulang Pagbasa.
Maraming estratehiya o pamamaraan ang maaring gamitin ng isang guro sa
Filipino para sa isang Masining na Pagtatanghal. May tatlong ketegorya para
maisakatuparan ang isang mabisa at masining na pagtatanghal. Ang mga ito ay ang,
Paglikha, Pagsulat at Pagbasa o Pagbigkas.
3.1 PAGLIKA- Tumutukoy sa pagbuo ng obra mula sa mayaman na imahinasyon at
guni-guni. Sa kategoryang Paglikha pumapasok ang mga Likhang sayaw o
Interpretative dance, SIning Biswal (Visual Art), paglika ng mga awit at tunog, at
maging mga likhang kamay o handicrafts.
3.2 PAGSULAT- Ang pagsuat ng mga tula, sanaysay, iskrip at kwento ay karaniwang
tinatawag din nating pagbuo ng pyesa sa isang masining na pagtatanghal.
3.3 PAGBASA- Ito ay isang proseso ng pagkuha ng ideya, impormasyon o kaluguan
sa mga simbulong nakalimbag.

4. MGA HAKBANG PARA SA PAGSASAGAWA NG ISANG MASINING NA

PAGTATANGHAL.
Ang piyesang pipillin ay nararapat lamang na maging angkop sa okasyon o
pagdiriwang. Kailangan ding maisalang-alang ang uri ng manonood sa pagpili ng
piyesa.
Ayon naman kay Buys (1989), sa pagpili ng piyesa kinakailangang nagtataglay ng mga
katangian gaya ng sumusunod:
4.1 Naantig nito ang emosyon ng mga manonood.
4.2 Nagtataglay ng katangian ng isang mahusay na akdang pampanitikan
4.3 May makatawag-pansing mga karakter na may kanikaniyang kakaiba, natatangi at
nakakatawang karakterisasyon.
4.4 Mayaman sa talinghaga, imahinasyon,alitersayon, tayutay at simbolismo.
4.5 Nagtatampok ng tunggalian at naghahain ng makahulugang mga kilos at galaw

Narito ang mga talaan ng ilan pa sa mga malikhain gawaing maaring gamitin para
sa isang mabisa at masining na pagtatanghal bilang lunsaran sa pagtuturo ng
panitikan:

 Likhang Sayaw  Talumpati

 Jingle  Komiks
 Skit  Balagtasan
 Radio Drama  Art Exhibit
 Poster-Slogan  Monologo
5. NARITO ANG ILANG ESTRATEHIYA SA PAGTUTURO NG PANITIKAN GAMIT ANG
DULA BILANG LUNSARAN
5.1 TEASER TRAILER- Pumili ng linya sa akda na nagbibigay sa inyo ng kakintalan
at tumatak sa isipan. Pumili ng tatlo hanggang apat na linya sa pangkat.
Halimbawa:
Nora: “ Walang himala ang himala ay nasa puso mo, ninyo at nating lahat. “
Liza: “Am I not enough? Pangit ba ako? Kapalit-palit ba ako?.”
Fernando Poe: “Isang bala ka lang!”
5.2 INFORMANCE NA PAGTATANGHAL-Informance-Impormasyon at Performance.
Ito ay ibabahagi ninyo sa pamamagitan ng presentasyon. Sa epikong Biag ni Lam-
Ang may dalawang nagpapaliwanag kung ano ang nagagnap sa larawan.
5.3 SOCIO DRAMA ( CREATIVE DRAMATICS )- Pagpapaabot sa highlight ng mga
karanasan sa pagkatuto a pamamagitan ng pantomime iskit o maikling drama.
Nauukol sa sitwasyon tungo sa paghahanap ng solusyon sa suliranin. May mga
gabay para sa Sociodrama:
 Ilahad ang suliranin sa klase.
 Ihanda ang pangkat na kalahok sa sociodrama
 Piliin ang mga mag-aaral na gaganap sa papel sa drama.
 Sabihan sa bawat mapipiling kalahok ang papel na kanyang gagampanan.
 Ihanda ang klase sa magaling na pakikinig at magaling na pag-aanalisa sa
mga sitwasyon sa sociodrama.
 Isadula na muli ang sitwasyon.
 Ipagpatuloy ang pagsusuri sa sitwasyon sa muling talakayan.
 Isagawa ang pagtataya sa aralin.
5.4 FRAME IT- Pipili ang pangkat ng isang bahagi ng banghay ng kuwento at ito ang
kanilang isasabuhay. Mayroong isa sa pangkat na magbibigay ng kanyang
pagpapaliwanag kung ano ang nagaganap sa eksena.
5.5 PICTURE POWER- Mula sa larawan bubuo ang klase ng kwento. Ibabatay ang
usapan, tagpuan at katangian ng mga tauhan na nakikita sa larawan.

5.6 DANCE IN A POEM- Sa pamamagitan ng pagsayaw ng buod ng akda. Maari ring

may isang bibigkas ng tula ng buod na ito.
5.7 SING IT- Lumikha ng isang kanta na magiging simbolo o paglalagom ng akda na
nais talakayin.
5.8 MOCKUMENTARY- (Gayahin mo, Idula mo) Panggagaya ng mahahalagang
banghay ng isang tauhan sa akda. Halimbawa ang paboritong guro sa paaralan at
iba pa.(Sa paraang nakakatuwa)
5.9 PARADE OF CHARACTERS- Pagrampa ng mga karakter ng isang akdaa nang
naka-costume at in-karakter maging sa pagpapakilala.

5..10 CHARACTERS CAME ALIVE- Mala-wax museum na ang mga tauhan ay

biglang nabuhay at gumalaw.
Sanggunian:

Cedre, R.K. (2014). Teatro Pelikula at Televisyon, Tinajeros Malabon City.