HMEICHHE TIRHKOH (BIBLE WOMEN)

H meichhe Tirhkoh (Bible Women) hi kum 1913-ah din a ni a. Mizorama kristian lo pun zel
laiin zosapte chuan ringtu hmasate chu mawhphurhna hrang hrang an pe a. Chungte chu—
Tirhkoh (Evangelist) te, Kraws sipai te, Zirtirtu te, Kantu leh Hmeichhe Tirhkoh (Bible Women) te an
ni.
Mualvumah khan Hmeichhe Tirhkoh (Bible Women) kan lo nei ve reng a, hriat an hlawh lo hle
leh nghal a. Gospel Centenary kum 1994 khan kan kohhran pawhin Kohhran Chanchin kan ziak a;
chutah pawh chuan kan hre lo va. Kohhran chanchinah chuan thil pawimawh tak zinga lang ngei awm
a ni a. Chanchin lakna (source) a\anga a lan danin heng mite hi Hmeichhe Tirhkoh kan neih te chu an
ni.
1. Darthangluli : Darthangluli hi Pu Saikhenga nupui a ni a. Kum 1860 ah a piang a, kum 92 mi niin
Mualvumah July ni 5, 1950-ah a rawng a bawl \hin a Lalpa hnenah a chawl ta a. Kum 1914-1930,
kum 16 chhung Hmeichhe Tirhkoh a ni a. Mizoram khaw hrang hrangah Pathian thu hrilin
rawngbawlna a nei a. Pathian thu hrilin Kolasib te, Sawleng leh Vervek bial te a fang \hin a. An
chhungkua hi Mualvum thlanmualah an thlanlung pawh lung pakhatah siamin an tuten an din thar a ni
(An tute R. Lal\anpuia, IR leh R. Lalbiaksanga, zaithiam).
2. Aichhungi : Aichhungi hi Darthangluli laichin a ni a. Ani pawh hi kum 1923-25 kum 3 chhung
Hmeichhe Tirhkoh (Bible Women) a ni a. Pu Chuhthanga nen kum 1925-ah an innei a; pasal a neih
hnuin a rawngbawlna chu a chawlhsan ta ni. Pu Chuhthanga hi Pi Lucy Zokhumi pa a ni a (Pi
Zokhumi hi Pi Manglalluaia nupui a ni).
Hetianga rawngbawlna pawimawh tak lo chelh \hin Mualvumah hmeichhe \angkai tak mai kan lo
nei hi tuna Kawnpui Chhimveng kohhran tan tak pawh hian an hlu hle (An thlan lung hi Pu Pathuala
thlan lung kawng chhakah a awm a ni).
3. Diahzingi : Diahzingi hi kum 1901-ah R.L. Kamlala nen kum in\awma piang an ni a, Murlen awm
laia piang an ni. Mualvum kohhran din tirh laiin Pu Hrangkima awmna Darnam vengah an inkhawm
\hin a. Diahzingi hian Mualvum veng a\angin chawlhni apiangin Darnam veng, Biak in dinna hmasa
ber hi a pan \hin a. Ani hi Bible Women hmalakna zarah Shillinga Robert Hospital-ah Nurse training
zo a ni a. Mizorama nurse training hmasa ber chu Tlawmkungi niin Diahzingi hi a dawttu a ni.
Mualvum kohhran dintirh laia kohhran mi nghet leh pawimawh tak a ni. Subedar Kawhtea, Kolasib
Diakkawn nen an innei a. Kawnpui Chhimveng kohhran chanchin ziaktute pawhin thulakna
pawimawh taka an hman a ni.