Republic of the Philippines

Polytechnic University of the Philippines

College of Business Administration

Department of Entrepreneurship

Tula Mula Sa Panahon Ng Hapon

Ipinasa Kay:
G. Jhonley Cubacub

Ipinasa Nina:
Lomtong, Hannah Marie
Bisa, Erol
Benito, Johanna
Estores, Angelou
Villanueva, Kyle

BS in Entrepreneurship 2-1
PALAY
 Ni: Ildefonso Santos

Palay siyang matino

Nang humangi’y yumuko
Ngunit muling tumayo
Nagkabunga ng ginto

Paliwanag:
Ang tanagang ito ay nangangahulugan ang isang bagay tulad ng palay ay matino at
nakatayo ngunit, kapag may dumating na unos o problema, ito ay talagang matutumba at
madadapa. Sa kabilang dako, pipilitin niyang tumayo muli at sa pagtayo nito, ito at magbubunga
ng kaaya – aya at ito na ay mas matagumpay at maganda kumpara sa nakaraan nito.

PAGSUSURI:
Uri ng Tula:
Tanaga
 ay isang maliit na katutubong tula na naglalaman ng pang – aral agimas at payak na
pilosopiyang ginagamit ng mga matatanda sa pagpapagunita sa mga kabataan.
 May estrakturang itong apat na taludtud at pitong pantig sa bawat taludtud katumbas
nito ang haiku ng mga hapones.
 Ang tanaga ay ginagamit pang aliw o pang lipas oras ditto masusukat kong gaano ka
talas ang isip sa pagbuo ng tamang linya ng bawat tanaga.
 Ang tanaga ay ginagamit ng mga matatanda panghikayat ng mga kabataan na mag isip
ng tanaga.
 Ang tanaga mas maganda pakinggan pag magkatulad ang tunog ng mga salita.

Mga Halimbawa ng Tanaga

“TAG-INIT”
Alipatong lumapag
Sa lupa nagkabitak,
Sa kahoy nalugayak,
Sa puso — naglagablab!

“Kurakot”
Inumit na salapi
Walang maka pagsabi
Kahit na piping saksi naitago na kasi

“Sipag”
Magsikhay ng mabuti
Sa araw man o gabi
Hindi mamumulubi
Mabuhay na parang hari.

Tatlong Uri ng Tula na Lumaganap sa Panahon ng mga Hapon

Haiku
● Isang tulang may malayang taludturan na kinagiliwan ng mga Hapones. ito ay binubuo ng
labimpitong pantig na nahahati sa tatlong taludtod. ito ay maikli lamang ngunit hindi ito
nagtataglay ng masaklaw at matalinhagang kahulugan.
Tanaga
● Ito ay maikli lamang ngunit may sukat at tugma. Ang bawat taludtod nito ay may pitong
pantig. Nagtataglay din ng mga matalinhagang kahulugan.
Senryu
● Tungkol naman sa “kalikasan ng tao” ang senryū ay madalas na pumapaksa sa mga
kahinaan ng tao kaya’t may himig na mapang-uyam.

Teksto at Konteksto
Sino ang sumulat?
➢ Ang may akda ay si Ildefsonso Santos.
➢ Si Idelfonso Santos ay isinilang sa bayan ng Malabon sa nayon ng Baritan noong ika-23
ng Enero, 1897. Kaisa- isang anak nina Andres Santos at Atancia Santiago.
➢ Nahilig si Ildefonso sa pagsusulat ng mga tula dahil sa kanyang pinsang si Leonardo
Dianzon na isang makata na naglalathala sa babasahing Ang Mithi. Si Dianzon ang
nakatuklas kay Ildefonso nang mabasa niya ang tula ng pag-ibig na sinulat ni Ildefonso.
Si Iñigo Ed Regalado ay humanga rin kay Ildefonso. Doon na nagsimula ang kanyang
pagsulat ng mga tula. Ginamit niyang sagisag-panulat ang Ilaw Silangan.
➢ Natapos si Ildefonso Santos ng kursong edukasyon. Nang simulang ipaturo ang
Pambansang Wika, siya ang kauna-unahang nagturo ng Pilipino sa National Teacher's
College. Nagturo rin siya sa Baguio Vocational Normal School. Hindi lamang siya guro,
siya ay mahusay na tagapagsaling-wika at makata.
➢ Si Ildefonso Santos ay isa sa mga kinikilalang manunulat sa Tagalog noong panahon ng
Amerikano. Kahanga-hanga ang kariktan ng kanyang mga tula dahil sa pananalitang
ginamit niya. Isa raw siya sa mahusay at maingat magsulat ng mga tula avon sa mga
kritiko. Ang kanyang mga tula ay simple at karaniwan, ngunit puna ng diwa at
damdamin. Ang ilan sa kanyang mga tula na mababanggit ay Tatlong Inakay, Gabi, Ang
Guryon, Sa Tabi ng Dagat, Ulap at Mangingisda. May mga tanaga rin siyang naisulat
tulad ng Palay, Kabibi at Tag-init.
➢ Siya ay ama ni Ildefonso P. Santos, Jr. na Pambansang Alagad ng Sining ng Pilipinas
para sa Arkitektura noong taong 2000.

Kailan ito inilathala?

 Inilathala ito noong ika – 10 ng Abril taong 1943.

Bakit ito isinulat?

 Isinulat ni Ildefonso Santos ang isang tanaga na kalimitang ginagamit pang – aliw
o pampalipas oras. Sinasabi din na ang tanaga ay nagtataglay ng matatalinhagang
kahulugan katulad ng isa niyang obra na tanaga pinamagatang Palay. Marahil ang
tanagang ito ay sumisimbolo sa ekonomiya ng Pilipinas noong panahon ng
Hapon, na nakaranas ng labis na paghihirap ang mga Pilipino, bumagsak ang
ekonomiya dahil sa Ikalawang Digmaang Pandaigdig noong 1941-1945. Nasira
ang mga pananim, ang mga malawak na lupain na pinagkukuhaan ng kabuhayan
ng mga Pilipino, humina at tuluyang tumigil ang produksyon sa mga pabrika at
 nagkaron ng kakapusan sa mga pangunahing pangangailangan ng tao tulad ng
damit, pagkain at tirahan. Matapos ang Pangalawang Digmaang Pandaigdig,
humingi ng tulong ang dating Pangulo Manuel Roxas, sa Estados Unidos upang
masimulan ang malawakang pagbabago sa ekonomiya ng bansa.
Para kanino ang tula?
 Ang tanagang Palay ni Ildefonso Santos ay para mga Pilipino. Sinasabing kahit
anong unos at bagyo ang dumating sa ating bansang Pilipinas tayo ay tatayo at
magiging matagumpay.

Interpretasyon sa Bawat Saknong

● Palay siyang matino
 Ang palay ay inihahalintulad sa kalagayan ng Pilipinas lalo na sa larangan
ng ekonomiya. Ito ay matino at matatag.
 Nang humangi'y yumuko
 May dumating na problema; nadapa dahil sa problema. Natinag ng unos at
kaguluhan. Nanghina sa lahat ng dagok ng problema.
 Ngunit muling tumayo
 Bumangon muli sa pagkakadapa. Sarili ay muling binuo. Nagsikap na
gamitin ang pagkakadapa sa mas matayog na pag tayo.
 Nagkabunga ng ginto
 Nakabangon siyang tuluyan tapos naging matagumpay siya. Ang dating
matayog ay naging mas matayog, mas gumanda, mas yumaman, mas
naging malaya.