PAMAGAT NG KURSO: PANITIKAN NG PILIPINAS

PANGALAN: HADASSA B. CAMAYA

PROPESOR: CECILIA D. DEL ROSARIO, MA ED.

1. Bumuo ng akrostik sa salitang "Panitikan ng Pilipinas"

P-ilipinas, isa sa mga bansang kinahuhumalingan

A-ng bansang ito'y hitik sa makabuluhang kultura't kasaysayan
N-ananatiling mayaman sa kaalaman dahil sa taglay nitong
Panitikan
I-niibig ng karamihan Pilipino o Dayuhan man
T-apat, magalakin, may pakikisama gayundin pagiging makabayan,
I-yan ang katangian mayroon ang lahi sa Pilipinas na ‘di
mapapantayan
K-inagigiliwan ninumang banyaga kung kaya't hirap silang ito'y
talikdan
A-ntigo o moderno, mga gamit ditoy may istoryang pinagmulan
N-oon at ngayon, tinatangkilik dahil sa pagkasabik kasaysaya'y
malaman.

N-ababatid ng ibang bansa kung ano ang mayroon sa Pilipinas

G-anyan ang impluwensya na ‘di mapasusubaliang ito ay bansang
malakas.

P-ilipino ang lahing mayroon dito sa naturang bansa

I-sa ako sa kanila na taas noo at pinagmamalaki kami ay may
pagkakaisa
L-enggwahe at dayalekto rito ay sari-sari ngunit ang
pagkakaintindiha'y 'di maikukubli
I-sip, puso at kaluluwa, Pilipino lahing hindi itatanggi
P-inagkakaisa hindi man sa mga dayalektong sinasalita bagkus sa
paninindigang kadugo at sa anumang laban ay kasangga
I-sa-isahin man ang kulturang taglay, nahaluaan man ng kaunting
pagiging dayuhan
N-ananatiling makikita ang kakaibang taglay ng mga Pilipino na
mahirap ikumpara
A-lipin man noong unang panahon, nabago at umunlad sa bagong
henerasyon
S-abik kong banggitin, Kami'y Pilipino nagkakaisa taga-lungsod
man o nayon!
 2. Hanguin ang mahahalagang kaisipan sa panahon ng:
a. Panahon ng Bagong Lipunan
Pinakamasiglang bahagi ng panitikan ng panahong ito ang dula na
nagkaroon ng pangunahing tagapagtaguyod sa katauhan ng noon ay
Unang Ginang ng bansa na si Imelda Marcos. Bukod sa pagpapatayo
at pagsasaayos ng mga gusaling Kultural, masugid din niyang
pinamahalaan ang pagtatanghal ng mga sinaunang dula at palabas.
Kasabay ng pagwawakas ng batas military ang pagsilang ng Bagong
Republika ng bansa. Sa ideolohiya, ang panahong ito ay
pagpapatuloy lamag ng mga nasimulan sa ilalim ng pamamahala sa
batas military. Naging sentro ng mga Gawain ang paglinang ng pag-
unawa ng mga Pilipino sa kanilang relasyon sa lipunang
ginagalawan. Nilinang sa isipan ng mga mamamayan ang konsepto ng
pakikibahagi sa ikapagtatamo ng pambansang adhikain-Isang bansa,
Isang diwa. Ang kaisipang ito ay mababanaag sa iba’t ibang uri ng
panitikan noong panahong yaon. Sa panahon ng Bagong Republika,
nagging paksang nilalaman ng mga akda ang mga gawaing nauugnay sa
diin ng pamahalaan sa sinasagisag ng akronim na PLEDGES na ang
kahulugan ay: Peace and Order (Kapayapaan), Land Reform (Reporma
sa Lupa) , Economic Reform (Repormang Pangkabuhayan), Development
of Moral Values (Paglinang ng kahalagahang Pantao), Government
Reforms (Repormang Pamahalaan), Educational Reform (Repormang
Pampaaralan) at Social Reform (Repormang Panlipunan)

b. Panahon ng Propaganda
Ang mahalagang kaisipan sa Panahon ng Propaganda ay ang mga
layunin nito. Ito ay ang magkaroon ng pantay-pantay na pagtingin
sa mga Pilipino at Kastila sa ilalim ng batas. Gawing lalawigan
ng Espanya ang Pilipinas. Panumbalikin ang pagkakaroon ng
kinatawang Pilipino sa Kortes ng Epanya. Gawing mga Pilipino ang
mga kura-paroko at Ibigay ang kalayaan ng mga Pilipino sa
pamamahayag pananalitapagtitipon o pagpupulong at pagpapahayag ng
kanilang mgakaraingan

3. Talakayin ang pagkakaugnay ng panitikan sa kasaysayan.

Malaki ang kontribusyon ng Panitikan sa Kasaysayan dahil dito
natin makikita kung ano ang buhay ng mga tao noon. Sa pamamagitan
ng mga tula, Nobela, Kantahin, o talumpati natin nalalaman kung
ano ang obserbasyon ng mga may-akda sa kanilang paligid at sa
kanilang mga buhay. Ang panitikan din ay nagsisilbing patunay sa
mga pangyayari sa nakaraan. Tulad ng mga sulatin ni Rizal na
nagpapatunay sa kalupitan na sinapit ng mga Pilipino noong
panahon ng kastila.
 4. Talakayin ang kahalagahan ng mga karunungang-bayan, bugtong,
salawikain at kasabihan sa pag-aaral ng kulturang Pilipino.
Ang kahalagahan ng Karunungang bayan sa pag-aaral ng kulturang
Pilipino, Ang karunungang bayan ay isang sangay ng panitikan kung
saan nagiging daan upang maipahayag ang mga kaisipan na
napapabilang sa bawat kultura ng isang tribo, dito malalaman mo
ang damdamin at saloobin ng isang kultura, mauunawaan natin ang
kanilang sariling paraan na kung saan nakakakuha tayo ng higit na
kaalaman sa isang bagay o konsepto . Bugtong, ang mga ito ay
nagtataglay ng butil ng karunungang hinabi sa maikli at patugmang
pahayag upang ipasagot sa iba, mahalaga rin ito sa pag-aaral ng
kulturang Pilipino dahil dito makikita kung gaano kalikhain ang
isipan ng mga Pilipino kahit mga payak na bagay sa ating paligid
ay nagagawan nila ng patugmang pahayag na hinahanapan kasagutan.
ang mga salawikain, matalinghagang mga salita na nagpapahayag ng
mga aral na magiging batayan sa magandang pag-uugali. Nakaugalian
na itong sabihin at nagsisilbing tagapagpaalala ng mga tuntunin
ng kagandahang- asal, ang salawikain ay isa rin sa mahalaga na
may kaugnayan sa pag-aaral ng Kulturang Pilipino, dito makikita
ang kanais-nais na ugali ng mga Pilipino, malalaman ng isang tao
sa pamamagitan ng salawakain kung anong paraan ng mga katandaan o
matatanda ang paghubog sa kagandahang-asal ng mga kabataan noon.
At ang kasabihan din ay may kaugnayan sa pag-aaral ng kulturang
Pilipino, ang ito pahayag na nagbibibigay ng payo o nagsasaad ng
katotohanan kung saan ang mga salitang ginagamit ay payak at
madaling maintindihan . Malalaman din natin na may iba pang
paraan sa kulturang Pilipino sa pagbibigay payo, ang kasabihan ay
mas madaling maunawaan ang nais iparating ng tao.