Maayo pa ang uyab gipalangga pero ang wika

ginapasagdan na.

Wikang Filipino, wika ng bawat Pilipino. Ikaw, ako, tayo..

iisa. Sa mundong pilit kang binabago.

Ang aking maluwalhating pagbati sa pangulo ng paaralang ito

REV. FR. REX D. BACERO, DCC,PH.D, mahuhusay at
mapagmahal na mga guro, butihing at maunawaing prinsipal DR.
ANTONIO C. LLANURA, mga mag –aaral isang magandang
umaga sa lahat.

Malaya na tayong mga Pilipino sa pang-aalipin ng ibang

bansa. Masasabi na nating ganap na ang ating pagkabansang
Pilipino. May sarili na tayong watawat, mayroon na ring
pambansang awit at mayroon pang pambansang wika… ang
Wikang Filipino.

Wikang Filipino? Ginagamit ba ito?

Ang wika ay isang mahalagang aspeto ng bawat kultura. Ito

ang basehan na ginagamit ng lahat ng antas ng tao sa lipunang
kinagagalawan.

At Hindi na lingid sa ating kaalaman na halos wikang Ingles

na ang nagmamanipula nitong ating bansa. Hindi ba’t natatawag
na malaya ang isang bansa kapag ginagamit ang sariling wika?
Nawawalan ng kabuluhan ang wikang pambansa kapag hindi
naman ginagamit sa lipunan, sa paaralan at maging sa
pamahalaan. Sa kalagayan ngayon ng mga bagay- bagay sa ating
bansa at sa sistema ng ating edukasyon, lumilitaw na tila wala pa
tayong wikang sarili sapagkat nagpapamanipula tayo sa mga
wikang banyaga.

Sinasabing wika ang sagisag ng pagkalahi… tatak ng isang

bansang malaya. Ang mga bansang malaya ay yaong mga
gumagamit sa sariliing wika. Sa wikang Filipino naipakikilala ang
lahing pagka- Pilipino. Larawan ito ng pagiging matapang, matatag
at makatarungan ng mga Pilipino. Ating ibalik sa panahon ng ating
mga bayani, kanilang ipinaglaban ang ating bansa sa mga
pananakop ng mga mapang- aping mga dayuhan. Ibinuwis nila ang
kanilang mga buhay , para lamang makahulagpos tayo sa mga
manlolokong dayuhan. At ang Filipino ay ginamit bilang simbolo na
isa na tayong malayang bansa.
 Sinasabing, kapag walang wika, walang kultura. At kapag
walang kultura, walang wika.

Kultura ang kabuuan ng mga paniniwala at lahat ng kaugalian

ng mga tao. Kung kaya’t kultura ang pinanggagalingan ng wika.
Wika ang nagiging midyum para maipahayag ang kultura ng isang
pangkat ng mga tao. Ito ang paraan para mapayabong o
mapaunlad ang kultura.

Kaya, Inaanyayahan ang buong bansa na ipagparangalan

ang wikang Filipino at mga katutubong wika ng Filipinas sa
pagdiriwang ng Buwan ng Wika 2019 na may temang Wikang
Katutubo: Tungo sa Isang Bansang Filipino.

Pinagtibay ng KWF o komisyon ng wikang Filipino ang

Kapasiyahan 19-03, hangad ng tema sa taóng ito na maikintal sa
pambansang kamalayan ang halaga at gampanin ng wikang
Filipino at mga katutubong wika sa pagbuo ng isang bansang
nagkakaunawaan.

Mangunguna ang natatanging ahensiyang pangwika ng

pamahalaan sa pagtataguyod ng mga proyekto at programang
nakatuon sa pagpapaunlad, preserbasyon, at pagpapalaganap ng
wikang Filipino at mga katutubong wika ng Filipinas.

Kabilang ang wika sa pamanang pangkultura o intangible

heritage ng isang lahi. Sa wika matatagpuan ang mga kayamanang
pangkultura tulad ng identidad, gunita, oral na tradisyon, at
panitikang nakasulat.

Ayon sa Ethnologue: Languages of the World, may 186 wika

sa Pilipinas, ngunit 182 na lang rito ang buhay. Ang karamihan ng
mga lengguwahe ay dala ng mayaman na kasaysayan at isla-
islang heograpiya ng bansa.

Maituturing na yaman ng Filipinas ang pagkakaroon ng

maraming katutubong wika. Batay sa KWF Atlas ng mga Wika ng
Filipinas, may isang daan at tatlumpong (130) katutubong wika sa
bansa.

Ayon kay Almario, ang bawat wika ay may sariling buhay, at

nakapaloob sa buhay nito ang tradisyon ng maraming henerasyon
ng mga Pilipino.
 Kung hindi natin ito aalagaan, manganganib ito; at kung
pababayaan, maaari pang maglaho nang tuluyan. Kapag
naglalaho ang isang wika, tila may isang tahanan o kamalig ng
ating alaala at tradisyon ang mawawala at di na mababawi
kailanman,

Dahil dito, ang pagpapahalaga ng wikang katutubo ay

katumbas na rin ng pagpapahalaga sa mga kapwa Pilipinong
nagmula sa ibang tradisyon.

Kayâ, ang ating mga katutubong wika – mula Ivatan

hanggang Mandaya ay niyayakap natin, niyayakap ng wikang
pambansa upang matupad ang ating hangarin na makabuo ng
isang wikang pambansa na tunay na ingklusibo,”

Ayon naman sa talá ng UNESCO, 2,680 wika ng daigdig ang

nanganganib maglaho sa hinaharap kung hindi magkakaroon ng
kongkretong pagpaplano at aksiyon sa pagsagip dito.

Kaya, Hinihikayat ng KWF ang mga mamamayang Filipino,

hindi lámang sa buwan ng Agosto, na makiisa at manguna sa mga
proyektong nakatuon sa pagpapasigla ng paggamit at pagtangkilik
sa mga katutubong wika ng Filipinas.

Sinasabi rin na ang wika ang siyang matibay na tanikala sa

pagkakaisa ng isang bansa.

Sa pamamagitan ng ating wika, nagkakaintindihan tayo. Dito

tayo nagkakaisa at nagtutulungan. Kapag nagkakaunawaan,
magkakaroon ng kaunlaran itong ating bansa.

Aanhin natin ang wikang dayuhan kung iilan lamang sa atin

ang nakaiintindi? Hindi ba’t ang pagiging makabuluhan ng isang
wika ay yaong naiintindihan, nagagamit at napapakinabangan ng
lahat? Oo nga’t Ingles ang wikang ginagamit sa pandaigdigang
kalakaran at ito’y hindi natin maiwawalang- bahala lang. Hindi rin
naman masama ang panghihiram dahil nakatutulong ito na
mapanatiling buhay ang isang wika. Nagiging midyum ito sa
pakikipagkomunikasyon sa ibang bansa.

Wikang Filipino ang sentro ng Pilipinas na pinanggagalingan

ng lakas para mapatatag ang ating bansa. Ito ang bumibigkis sa
mga Pilipino upang magkaisa para sa ikauunlad nitong bansa.
 Kahit Lumipas man ang iba’t-ibang uri ng henerasyon, at
kahit mawala pa ang ibang wika sa ating sirkulasyon, walang
detalye ang makakaligtaan at habang buhay na magiging parte
ng ating historya gamit ang wika. Sa panulat man o sa pananalita
parehong mahalaga ang wika. Kung hindi man maisulat ng lapis
sa papel ay maaari namang mabigkas ng bibig.

Mula sa kamusmusan, pagkamulat ng ating kaisipan at hanggang

sa ating pagtanda habang buhay nating magiging instrumento,
gabay, kalasag at sandata ang ating wika. Lilipas man ang mga
makalupang panahon at iba pang salik lahi, ang wika ay
mananatili pa rin.

Sa pagdating sana ng mga modernong kaalaman at kagamitan,

isabay din natin ang pagtaas ng ating kalinangan at kaisipan sa
pag-aaral sa ating sarilng wika. Tumulong tayo sa pagpanatili nito
at huwag nating hayaan ang unti-unti nitong pagkawala o
pagkaluma sa sirkulasyon ng iba pang mga wika.

Kaya mga mag –aaral kayo’y aking hinihikayat bigyan ng

pagpapahalaga at respeto ang ating wika . Gamitin natin ito ng
may buong puso at pagmamalaki. Dahil saang dako ka man ng
mundo mapadpad, ito ang iyong magiging tatak at sagisag bilang
isang tunay na Pilipino.

Sa muli maraming salamat at magandang hapon.