Noong unang panahon may pamayanan sa Timog Katagalugan na pinamumunuan ng
isang haring mayaman at makapangyarihan, iginagalang ngunit kinatatakutan. Siya’y si Datu Batumbakal, tinagurian gayon dahil siya’y may pusong bakal. Namumuno siya sa balayan, isang pamayanang sagana sa mga yamang kalikasan. Kasama ng Datu ang kanilang anak na si Mutya Marin, isang dilag na pinapinyuho dahil sa aking kagandahan. Maraming manliligaw ang dalaga na nagmula sa iba’t-ibang kaharian. Ito ay sina Datu Bagal ng Mindoro, Datu Saguil ng Laguna at Datu Kawili ng Camarines. Sa kanilang pagluhog, hindi naantig ang puso ni Prinsesa Marin. Isang araw, naakit ang dalaga ng mga awit ng Garduke, isang makata na humabi ng mga awit at tulain sa kagandahan at kariktan ng kalikasan. Siya ay dukhang mangingisda mula sa taal, nagbibigay araw sa kaharian ni Datu Batumbakal. Naakit si Marin sa kakisigan ng makata na nagtapat ng pagibig sa dalaga. Natulasan ito ng Datu, nagalit siya. Iniutos niya na patayin si Garduke kung igigiit niya ang pagibig sa Prinsesa Marin. Nalungkot ang Prinsesa, ngunit isang araw namamasyal sa dalampasigan ng Bombon, nasalubong niya si Garduke. Ipinahayag ng dalaga ang walang kamatayan niyang pagibig sa binata. Nalaman ng Datu ang lihim na pagtatago ng dalawa kaya iniutos niya na pugutan ng ulo si Garduke. Nagpasya silang tumakas sakay ng bangka tungo sa Dayabas Bay. Nang inaakala ng dalawa na maaabutan sila ng mga sundalo, iniutos ng dalawa sa kasamang utusan na magkasamang gapusin silang dalawa at ihulog sa gitna ng karagatan. Sa pagdaraan ng panahon, may umusbong na hugis pusong pulo sa pook na pinaglugakan nina Marin at Garduke. Ang pulo ay pinangalanang Marinduke, ang pinakamatahimik at mapayapang pulo sa timog katagalugan. Mga kasabihan Ang nagsasabi ng tapat, ay nagsasama ng maluwag Walang umaani ng tuwa, na hindi sa hirap nagmula Ang buhay parang gulong, minsan nasa ibabaw, minsan nasa ilalim. Kung ayaw mong maghirap, ikaw ay magsikap. Ang batang malinis ang katawan, ay malayo sa karamdaman. Ang kalawisan ay tanda ng kasipagan. Ang malinis at maayos, malapit sa Diyos. Ang kalinisan ng kapaligiran, ay magandang pagmasdan. Ang masamang ugali ay isusuka ng lipunan. Ang mabuting ugali ay patunay, ang maraming kaibigan. Mga bugtong Bulaklak muna ang iyong gawin, bago mo ito kainin Sagot: SAGING Kay lapit-lapit na sa mata, hindi parin makita Sagot: TENGA Naka-kapa ay di naman pari, nakakorona ay di naman hari Sagot: TANDANG Instrumentong pangharana hugis nito ay katawan ng dalaga Sagot: GITARA Malambot na parang ulap, kasama ko sa pangarap. Sagot: UNAN Dala mo dal aka dal aka pa rin ng iyong dala Sagot: SAPATOS Isa ang pinasukan, tatlo ang kinalabasan Sagot: DAMIT Sinakal ko muna bago ko nilagari Sagot: VIOLIN Binili ko ng di kinagugustuhan, ginagamit ko ng di nalalaman Sagot: COFFIN Buto’t balat lumilipad Sagot: SARANGGOLA