Noong unang panahon ang Barangay Bagong Sikat ay nasasakop sa dalawang
Barangay, hilagang bahagi ay kabilang sa Barangay Bancao Bancao at ang kanlurang bahagi naman ay kabilang sa Barangay Cuyito, Noong 1970 ang barangay Bagong Sikat ay kinilalang Liberty dahil sa Liberty Mining Corporation. At noong Marso 23, 1981 ang Liberty ay pinalitan ng sariling pangalan at ito ay naging kilalang Barangay Bagong Sikat, isa ito sa mga Coastal Barangay sa Lungsod ng Puerto Princesa. Taong 1980 ay mabibilang lamang dito ang mga nanirahan at halos iilan lang ang kabahayan sa tabing dagat, wala pang kuryente sa tabing dagat at napakahirap ang daanan, ang lahat ng kalsada ng Barangay Bagong Sikat ay pawang mga lubak-lubak na halos di madaanan ng sasakyan at hirap sa pagpasok ang ano mang uri ng sasakyan, Sa panahong iyon ang mga baybayin naman ng Barangay Bagong Sikat ay napakaganda at malinis, presko ang hangin at malilim dahil malalaking puno ng Bakawan. Dinadayo ito ng mga taga Centro ng siyudad upang doon maligo at magpahangin dahil sa panahong iyon ay wala pang mga kabahayan na nakatayo sa tabing dagat, halos wala ring duming nakikita. Dumarami ang mga tao sa Lungsod ng Puerto Princesa, mula sa ibat-ibang lugar at sa kawalan ng lupang matitirikan ay doon na lamang nag tayo ng kanilang tahanan sa baybayin at maging sa karagatan . Ang dating malinis ay unti-unting nadudumihan at sa tuluyang pagdami ng tao ay napuno ang baybayin ng kabahayan ang Barangay Bagong Sikat.
Mga Pista/Selebrasyon at Petsa
:Foundation Day :sa tuwing ika- 23 ng Marso : Barangay Fiesta :sa tuwingika-13 ng Mayo Pisikal na Anyo Lokasyong Pangheyograpiya (Geographical Location) Ang Barangay Bagong Sikat ay napalilibutan ng mga sumusunod na barangay: