Bible Study:Sunday Special

VANRAM HI BEIH VAKA PAWNG LAK CHI A NI EM?

Matthaia 11:12

Chanchin |ha Matthaia 11:12 ah hian Isuan thu mak deuh mai sawi a nei a, chu chu:
“Baptistu Johana awm achin tun thlengin, van ram chuan beih vakna a tawk \hin a,
a bei vakte chuan an pâwng lak \hin.” tih a ni. He thu hi Isuan Baptistu Johana
chungchang a sawi chhunzawmna a lo lang a ni a. A hmalam thu leh a hnu lam thu te
nena han en kual pawhin helai thu bik te hi a danglam riauin a hriat a. Rinna leh
khawngaihna kaltlanga chhandamna changte van rama lut tura kan inzirtir laia Isua meuh
in vanram chu tharum hmanga bei vak te pawhin an pâwng lak thei anga a sawi ta mai hi
eng nge a awmzia ni ang tiin zawhna a siam nghal a. He thu hrefiah tur hian a chhehvel
boruak leh a hunlaia an thil tawn te ngaihtuah tel a ngai a.

Matthaia hian a chanchin \ha bu ah hian ‘Pathian ram’ (Kingdom of God) tih \awngkam
hmang lo vin ‘Van ram’ (Kingdom of Heaven) tih hi a hmang a. A sawi tum leh kawh
tum chu a inang deuh tho awm e. He ‘Pathian ram/Van ram’ theology hi Matthaia hian
a chanchin \ha bu ah hian a sawi uar leh a theology innghahna bul a ni a tih theih awm e.
Chu Van ram chu neih tum leh chutah chuan luh tumin mi tam takin an bei a, \henkhat
phei chuan tharum nen an bei a ni awm e. Chutiang khawpa Van ram neih duha tuihala
tharum nen hiala bei te chuan van ram chu an chang nge nge \hin a tihna niawm tak a ni.
Hemi phenah hian thil inphum awm ta chu Chanchin |ha Matthaia lehkhabu lo chhiartu,
Juda Kristiante leh Kristian la ni chiah lo Judate pawh an hnam chanchin kal tawh a\anga
thil hmuh theih leh hriat theih chu an hnam dinchhuah lehna leh Pathian hova rorelna
‘Messianic Kingdom’ beiseitu an nihna hi a ni. Chu Messiah ho va vânram nun chen
châk chuan an tuihal takmeuh va. Chutiang boruak hnuaiah chuan he vanram theology
Chanchin |ha hi Matthaia hian a ziak ve bawk a ni tih hre tel ta ila. Matthaia ziah tlukp[ui
deuh chiah hi Luka 16:16 ah kan hmu bawk a: “Dan leh zawlneite thu chu Johana lo
awm thleng khan a awm a; chu mi achinah chuan Pathian ram Chanchin Tha hi an hril
a, mi tin an lut lui \heuh va” tiin.

Le, a thu awmzia lamah han luhchilh dawn ila. Helai chang hi Greek \awngin heti hian a
dah a: ἀπὸ δὲ τῶν ἡμερῶν Ἰωάννου τοῦ βαπτιστοῦ ἕως ἄρτι ἡ βασιλεία τῶν οὐρανῶν
βιάζεται καὶ βιασταὶ ἁρπάζουσιν αὐτήν.(apó dé tón imerón Ioánnou toú vaptistoú éos árti
i vasileía tón ouranón viázetai kaí viastaí arpázousin aftín) (Mat 11:12 BGT) -From the
days of John the Baptist until now, the kingdom of heaven has been forcefully advancing,
and forceful men lay hold of it. (Mat 11:12 NIV). Helaiah hian ‘tharum hmanga la’ tih
sawi nan Greek \awng 'Biazetai' (βιάζεται) tih a hmang a, Biazetai hi Greek grammar
lama a dinhmun chu Verb- Present Indicative Middle/Passive 3rd Person Singular a ni a,
he \awngkam hi Thuthlung Thar-ah hmun 2 ah chiah: Matthaia 11:12 leh Luka 16:16 ah a
hmang a, a awmzia pawh thuhmun a ni. A \awngkam bul (root word) lo chhuahna chu
Biazomai (βιάζo αι) a ni a, chu chu ‘force, violent’ (tharum, tia lehlin a ni) helaiah hian
a chhe lam hawi (negative) ni lovin a \ha lam hawi (positive) zawnga he \awngkam hi
hman a ni.

Helaia Isua \awngkam hi a awmze bulfuk tak hriat a har a. Kawh zau tak a nei thei a,
kawh bik a nei thei bawk a. Matthaia hian Luka ai chuan a ziak na hret em aw tihtur a ni
a, vanram chu tharum hmanga beih/hlawh chhuah theih ang deuhin a ziak a. Helaiah hian
Matthaia hian Isua ho va movement (Jesus Movement) lo \hang chho leh lo lian chho zel
chu a hmu ni ngei tur a ni a, chuvangin ‘tharum’ hmanga chu vanram mi nihna pawh chu
beisei theih ang deuhin a ziak niin Rodolf Schackenburg-a chuan an ngai a. Helaia
‘tharum’ tih pawh hi a \ha lam zawnga ‘tharum’ hman sawina niin a ngai. Mithiam
\henkhat chuan he violent tih \awngkam hi entir nei, metaphor/symbol hmanga Matthaia
hian a sawi nia ngaiin, miin tihtakzet leh theihtawp chhuaha a beih chuan he vanram hi a
chang thei a ni tih Matthaia hian a sawi tumna niin an ngai ve bawk a.

|henkhat chuan khatih hunlai khan mi tam tak chuan Messia lalram (Pathian ram) khan
tharum hmanga helna nen nawrchhuah a, chutiang hmanga lo thleng turah an ngai ve
bawk a. An chunga roreltu Rom sorkar paih thla a, chu lalram, Pathian ram chu
revolution hmanga nawrchhuah turah an ngai a ni. Chu ngaihdan chu Isua hian a
pawmpui lo va, a hnial niin an sawi bawk a. |henkhat erawh chuan Isua hian mi \henkhat,
Amah leh Baptistu Johana leh Vanram thu pawm duhlo tute chhanlet nan he thu hi a sawi
niin an ngai ve thung a. He tharum thawhna \awngkam Biazomai (βιάζo αι) hi Luka leh
Matthaia hian an ziak/hman dan a inanglo deuh a. Luka ziah dan hi a nem deuh zawkin a
lang a, Matthaia ziah dan hi a thu a chak deuh angin a ngaih theih. Stein-a chuan he thu hi
thufing zirtirna (wisdom teacher’s riddle) kamchhuak niin a sawi ve thung a. Isua hian
khatih hunlaia thufing zirtirna \awngkam hawhin a thu ngaithlatute thinlung dek zar tur
zawngin he thu hi a sawi a, hetianga tharum hmanga vanram pawnglaktu a tihte pawh hi
thlarau lam pasal\ha (spiritual warrior) te niin a sawi. Hrehawm nasa tak tuarin, harsatna
tam tak paltlangin vanram hi an hneh/la ta niin a sawi, a ti. Mithiam tam berte chuan
helaia Isua \awngkam Biazomai (βιάζo αι) ‘tharum-violent’ tih hi a chhe lam (negative)
sawina ni lo vin, a \ha lam (positive) sawina niin an ngai a. Kum zabi pahnihna hunlai
khan Judate zingah rinawm leh fel taka an dân te zawm a, Pathianin vanram lut tlaka a
ngaihte aiin chung dân te chu tharum leh tihluihna hmang pawha zawm hram hram a,
hrehawmna nasa tak nena chung dan zawm chunga Pathian ram lute chu fak an hlawh
zawk niin an sawi. Chutianga tharum hmanga vanrama inhlang kaite chu Isua zuitu, thu
thluang chunga an hnena Pathian ram lo thlen nghak ringawt lo va, anmahni zawkin chu
Pathian ram (Vanram) chu luh tuma bei a, sual zawkte sawina niin an ngai.

Tichuan helaia Isua thusawi awmzia hi mithiamte chuan kawng thumin an hrilhfiah a:

1) Khawvel Lalram reng reng hi indona leh thisen tam tak hmanga din a ni tlangpui a.
Chutiang bawkin he Pathian ram (Vanram) pawh hi harsatna tam tak paltlanga din leh
rem chhoh a ni a, Pathian thuchah puangtu te, thuhriltute leh chanchin \ha thehdarh lama
mi \hahnemngai ten tharum thawhna vawi tam tak paltlang chunga khatih hunlaia (kum
zabi khatna leh hnihna) Lal Heroda leh Juda mi \henkhat, chanchin \ha dodaltute khan
nasa takin he Pathian ram (vanram) chanchin \ha hi an lo dodal tawh a ni. Chung an
dodalna lamah chuan chanchin \ha hriltu leh he vanrama lut tura ke pen mekte mi tam tak
chungah hrehawmna leh tharum thawhna vawi tam tak an lo lantir tawh a ni.

2) He Messia Lalram (Pathian ram) din tur leh a khua leh tui nih tum hian mi
\hahnemngai ten tharum nen an bei a. Khatih hunlaia Juda hel pawl pakhat Zealot te kha
a langsar pawl an ni awm e. Anni khan helna leh tharum hmangin kha Pathian Lalram
kha thlentir an tum a, an thlir danah chuan khawvel lalram (political kingdom) aia
chungnung daih turah an ngai.

3) He Lalram hi \hahnemngaihna tak tak (burning zeal) nena luh tur a ni. Chu \hahnem
ngaihna tak tak, thinlunga duh tak takna chuan a kalkawngah dodalna leh tharum
thawhna paltlang a \ul chang a awm \hin. Chu harsatna/tharum thawhna chu helaia
Matthaia han sawi hi a ni.

Helaia ‘tharum hmanga beitu (violent men)’ a tihte pawh hi Pathian ram (Lalram) tana
tharum hmanga beitute a sawina niin an ngai a. Isua hian heng mite hi Pathianin a lalram
din tura chhunglam leh pawnlama a ruahmanna hrethiam lo, mahni \hahnemngaih ngaiha
lalram tana lo bei ve chiam tute a sawina nia ngai pawl an awm bawk.

A khaikhawmna atan chuan helaia Isua thusawi awmzia ni bera lang chu vanram chan
tuma \hahnemngai taka beitute chuan an thawhrim rah hmu in an chang nge nge \hin a
tihna a ni. A Greek \awng grammar lam en chuan helaia Biazomai (βιάζo αι) hi
Middle/Passive a ni a, chumi awmzia chu midang chunga tharum va thawh ni lo vin
keimahni zawk chunga tharum thawhna lo thleng tihna a ni. Chutichuan helaia tharum
nena pawnglak a tih hi chutianga tharum nena beitute chuan mi an va tihnat lam ni lo vin
anmahni zawk kha tihnat, kha Pathian ram chang tura an beihna kawngah khan an
chungah tharum thawhna leh tawrhna a lo thleng hial a tihna zawk a ni.