1. Salawikain: Nasa tao ang gawa, nasa Diyos ang awa.

Paliwanag: Hindi sapat na tayo ay humingi ng awa sa Diyos, kailangan din natin

ang magsikap at gumawa upang matamo ang minimithing biyaya

2. Salawikain: Pag kahaba-haba man ng prusisyon, sa simbahan din ang tuloy.

Paliwanag: Sa tinagal-tagal man ng samahan ng isang magkasintahan, at sa kabila ng maaaring

maging balakid sa kanilang pagmamahalan, sa bandang huli ay hahantong din sa kasalan ang
kanilang samahan kung sila ay talagang nakalaan para sa isa't-isa.

3. Salawikain: Pag makitid ang kumot, magtiis kang mamaluktot.

Paliwanag: Tayo ay dapat mamuhay nang naaayon sa ating sariling kakayahan. Dapat magtipid
at mamuhay ng payak kung eto lang ang kaya ng ating kabuhayan. Huwag nating tularan ang
pamumuhay ng mga mas nakiririwasa sa atin.
4. Saalawikain: Kung ano ang itinanim, siya rin ang aanihin.

Paliwanag: Kung ano ang ginawa mo sa kapuwa ay kadalasang ganun din ang
gagawin sa iyo. Halimbawa, kung naging matulungin ka sa kapuwa mo ay tutulungan ka rin nila.

5. Salawikaain: Kung may isinuksok, may dudukutin.

Paliwanag: Matutong magtipid upang sa oras nang pangangailangan ay may perang makukuha
sa sariling ipon upang hindi na umasa sa tulong ng ibang tao.