Ang isa sa mga pinakakakaibang karanasan na hinding hindi ko makakalimutan ay
noong kasama ko ang aking kaibigan sa bahay niya at mayroong malapit na sunog na nagliliyab sa kapitbahay. Gumagawa lamang kami ng mga takdang aralin at proyekto na ibinigay sa eskwelahan na ipapasa kinabukasan, kami ay nagtatawanan lang nang mapansin namin na umuusok na sa paligid. Umabot ang usok sa amin at ang isang kapitbahay ay nagsabing mayroong sunog na nagsimula sa kapitbahay. Agad kaming nagligpit ng gamit at tinulungan ko siyang magempake ng mahahalagang bagay, nakita ko ang takot sa mga mata ng aking kaibigan at alam kong ganun din ang nararamdaman ko. Pinatay na naming ang kuryente sa bahay at lumabas na nang dala ang mga gamit na nahakot. Naawa ako sakaniya dahil nakita ko siyang natataranta at naiiyak na, habang siya’y hindi mapakali, ako naman ay tulalang nakatingala sa usok dahil ito ang unang beses ko na makaranas ng sunog. Lumipas ang iilang oras at nagpasalamat kami pareho na naagapan ang sunog na nagsimula sa kapitbahay dahil sa sobrang paggamit ng kuryente at nagoverheat ang isang wire. Hindi naman nadamay ang mga katabing bahay nito, pero ang sunog ay hindi biro dahil sa isang iglap ang tahanan mo ay pwedeng mawala. Sabi nga nila, ayos na ang manakawan, wag lang ang masunugan. Pinagpatuloy namin ni Renzo ang aming mga gagawin at tinawa nalang ito. Hanggang ngayon ay nagpapasalamat pa rin ako dahil hindi na kumalat ang sunog at hindi nadamay ang aking kaibigan.
Paano Maipamalas Ang Kakayahang Pampagkatuto Sa Pagbuo at Pagsulat NG Isang Sistematikong Pananaliksik Upang Higit Na Mapalawak Ang Kaisipan Sa Malaking Hamong Pagbabagong Nangyayari Sa Ating Mundo