Յուրաքանչյուր ազգ իր խաղաղ կյանքով ապրելու համար պետք է
ունենա իր ազատ հայրենիքը: Հայրենիքը ժողովրդի պատմական ապրելատարածքն է հայրենիքի գաղափարի ակունքները սկիզբ են առնում դարերի խորքում Պատմության ընթացքում շատ ժողովուրդներ ազատագրական պայքարի դժվարին ճանապարհ են անցնում, մեծամեծ զոհեր տալիս անկախ հայրենիք ունենալու համար: Հայ ժողովուրդը 1375թ Կիլիկիայի թագավորության անկումով կորցրեց անկախ պետականությունը, որից հետո երկար ժամանակ պայքարեց պետականության վերականգնման համար և այդ պայքարը հայտնի է Հայկական հարց անունով: Հայկական հարցը հայ ժողովրդի քաղաքական պատմության՝ օտար տիրապետությունից Հայաստանի ազատագրման, Հայկական լեռնաշխարհում ինքնուրույն հայկական պետականության վերականգնման, 19-րդ դարի և 20-րդ դարի սկզբին Օսմանյան կայսրության կառավարող շրջանների կողմից հայերի նկատմամբ իրագործված զանգվածային կոտորածների և տեղահանության միջոցով նպատակային բնաջնջման և արմատախիլ անելու քաղաքականության, դրա հետևանքով եվրոպական տերությունների կողմից օսմանյան կառավարությանը պարտադրվող հայկական բարեփոխումների իրականացման, հայ ինքնապաշտպանական ու ազգային-ազատագրական պայքարի, ցեղասպանության միջազգային ճանաչման հետ առնչվող հիմնահարցերի ամբողջությունն է: Հայկական հարցը, որի առաջացումն ի սկզբանե պայմանավորված էր հայկական պետականության անկումով, իսկ հետագայում` 19-րդ դարի 70-ական թթ. սկսած, Օսմանյան կայսրության տարածքում բնակվող հայերի վիճակի կտրուկ վատթարացումով և ազգային ինքնագիտակցության զարթոնքով, դարձավ Արևելյան հարցի բաղկացուցիչ մասը, կարևոր տեղ գրավեց միջազգային հարաբերություններում, մեծ տերությունների մերձավորարևելյան քաղաքականության մեջ, Օսմանյան կայսրությունում ազդեցության ոլորտների և նրա տիրույթների բաժանման համար նրանց պայքարում: Հայկական հարցի լուծման մղվող պայքարը առաջին հերթին պայքար է կորցրած հայրենիքը ազատագրելու համար: Սակայն հայկական հարցը լոկ հայրենիքի ազատագրման պահանջ չէ նա նաև ազգային գոյատևման, հայրենիքի գաղափար է առանց որի դառնում ես անհայրենիք: Ահա թե ինչու Հայկական հարցը հայոց ազգային գաղափարախոսության հիմքն է ու բովանդակությունը:
-1-
Հայկական հարցի ծագումը
Հայկական հարցի ծագման մասին գոյություն ունի 3 հիմնական
տեսակետ.
1. Հայկական հարցը այնքան հին է, որքան հայ ժողովուրդը
2. Հայկական հարցը ծագել է հայ ետականության անկումից հետո 3. Հայկական հարցը առաջացել է 1877-1878թթ ռուս- թուրքական պատերազմից անմիջապես հետո առաջին անգամ իր ներգրավվելով Սան – Ստեֆանոյի և Բեռլինի կոնգրեսի պայմանագրերում:
Հայկական պետականությունը փոքր ընդհատումներով գոյատևել է
մինչև 1375թ.: 1236թ մոնղոլների հարվածների տակ ընկնում է Զաքարյանների իշխանությունը, իսկ 1375թ եգիպտական զորքերը գրավում են Սիսը՝ վերջ դնելով Կիլիկիայի գոյությանը: Հենց այդ ժամանակ էլ առաջանում է Հայկական հարցը: -2-