Mga pinagprintang litrato, tigsik, ni mga magagayun na pagkaukung litrato ni iba pang mga malang gagayun

na bagay na makikita sa usad na art gallery sa SM. Nag-puun kading art gallery na kadi nikading naka aging
semana pa sana. An pangaran nikading art gallery ay Kugos 2. An kugos ay an pag payaba sa usad na bagay na
kayun ararum na representasyun sa satu ni kayun natu pagtaô importansya sa unan man na ginibu ning taô.
Pagpayabaun ta kadi, buku sana sa magayun sa mata kan mga artwork kundi pinagi representa man nikadi kan
kultura nikan ngamin na kabikulan. An pagtitipun na kadi ay ginibu tanganing ipakita sa mga taô an inspirasyun na
ginibu nikan satung mga lokal na artist kasabay kan pagiging creative ninra. Pinagi promote nikadi an satung pag
apresyar sa maski unung sining. Sa pag gibo nikading event na kadi makikita ning mga bagung henerasyun ta
nguana an kultura, importansya, ni pagiging malikhain ning usad na bikolano. Idi man natu makikita an koneksyun
nin bawat rehiyon sa bikol. Mga namunang pinta na halos ngamin ay nagi representa sa pagkakakilanlan ning bikol.
Ang Bulkang Mayon, sunod an pinta ni Ina ni iba pang nangyari nung kapanonan ning espanyol. Sa usad man na
parti sa gallery, idtu naka butang an mga tigsik, na usad man na ngilalang style ning panitikan sa bikol.