CPCE 123: CULTURAL DIVERSITY AND LANGUAGES OF THE PHILIPPINES

Resource Speaker: Professor Vina P. Paz, Ph.D

ACTIVITY NO. 7:
1. Batay sa glosaryo na iyong ginawa tungkol sa mga sagisag kultura ng iyong
bayan, pumili ng isa na maari mong maiugnay sa pagtuturo mo ng iyong
asignatura.
SAGOT: Ang bayan ng Angono ay biniyayaan ng mayamang tradisyon at mga kulturang
naka-angkla sa kanyang mahabang kasaysayan, mahiwagang kapaligiran at sa mga
ninunong ninunong sadyang mapagpala. Isang mahabang nakaraan ang binagtas ng
isang selebrasyon na nagmula pa noong panahon ng mga Espanyol. Isang hacienda sa
kamay ng mga prayleng mapang-abuso ang gumuwa ng isang artistikong protesta na
nagpapakita ng pagmamalabis ng mga misyonerong banyaga. Gamit ang papel, rattan
at gawgaw bilang pandikit gumawa sila ng istruktura ng isang higante at dinamitang ng
makulay at ipinarada sa pistang ipinagdadamot sa kanila. Tinuya at pinagkatuwaan ng
mga aping taga hacienda ang mga panginoong may-lupa at mga prayle na kumikitil sa
kanilang kalayaan. Lumipas ang panahon, ito ay naging bahagi na ng kultura ng
hacienda na kalaunay tinawag na ANGONO. Dahil sa natural na masagana ang
kalikasan ang bayan ng Angono hindi na kataka-taka na masagana ang pamumuhay ng
mga tao dito. Ayon sa ilang akda, wala na daw mas hihigit pa sa pagdiriwang ng
kapistahan ng Angono sa lahat ng buong bayan na nakapaligid sa Laguna de Bai.
Kaya tuwing pista, ipinaparada ang mga Higantes ng Angono bilang tanda ng
kasaysayan at matibay na pagkakakilanlan nito.
Sa kasalukuyan ang HIGANTES FESTIVAL ay isa sa mga pinaka aabangang
kapistahan sa buong Pilipinas. Ang dating mag-anak na Higante lamang, ngayon ay
umaabot na sa mahigit isang daang mga higante na lalong nagpapatingkad ng kultura
ng bayan.
2. Bakit ko gagamitin ang SAGISAG KULTURA na ito?
SAGOT: Marapat lamang na gamitin ko ito sa aking pagtuturo, ako bilang isang guro sa
sining at kasaysayan napakahalaga na maipamulat ko sa mga kabataan ang kultura at
tradisyon kung saan sila kabilang.
Ang paaralang Regional Lead School for the Arts in Angono ay isang paraiso
para sa mga mumunting alagad ng sining. Ito ay pandayan ng karunungan at linangan
ng kasanayan para sa ibat-ibang disiplina ng sining. Malayang naipapahayag ng bawat
mag-aaral ang kanilang artistikong saloobin at malawak na imahinasyon sa kanlungan
na tunay nga nilang itinuturing na tahanan. Marapat lamang na tangkilikin at hulmahin
ang kamalayan ng mga mag-aaral dito ang kahalagahan ng pagdiriwang ng mga
selebrasyon, paniniwala at mga likhang sining dahil ito ang sumasalamin sa bayang
naging paraiso ng sining at kultura.
GDCE2016_CPCE123_PINALNAPAPEL_SAMSON

CPCE 123: CULTURAL DIVERSITY AND LANGUAGES OF THE PHILIPPINES

Resource Speaker: Professor Vina P. Paz, Ph.D
ACTIVITY NO. 7:

3. Paano ninyo gagamitin ang mga SAGISAG KULTURA na ito sa inyong

pagtuturo?
SAGOT: Angkop na angkop ituro ang sagisag kultura na aking napili sa mga
asignaturang aking hinahawakan sa paaralan.
Una, para sa mga mag-aaral na nagpapakadalubhasa sa sining biswal ng
Special Program for the Arts Junior High School, madalas na paksa o tema ng aming
mga likhang sining ang HIGANTES at iba pa na may kinalaman sa kapistahan ni San
Clemente (patron ng bayan) sa pamamagitan nito maiuugat ng mga mag-aaral ang
pinagmulan, katangian at mga kahalagahan ng pagdiriwang na ito. Sinusunod sa
pamamaraang naayon sa pagtuturo ng sining ang aming ginagawang proseso: ART
HISTORY, sa unang bahagi nito tinatalakay ng guro ang kasaysayan ng HIGANTES
FESTIVAL kasama rin dito ang mga teorya o haka-haka at ilang mga pananaliksik ukol
sa pinagmulan ng nabanggit na pagdiriwang. Ikalawa, ART PRODUCTION, sa
bahaging ito naman nasusukat ang husay ng mga mag-aaral sa paglikha ng saili nilang
sining batay sa tinalakay na paksa, agad naman itong susundan ng ART CRITICISM o
matalinong pagsusuri ng gawang likha at ang huli ay ang ART APPRECIATION o
pagpapahalaga sa tinalakay na paksa at gayundin sa likha nila at ng iba.
Maari rin gamitin ang napiling sagisag kultura para sa Senior High School
Program- Arts and Design Track. Maaring gamitin ito para sa kanilang asignatura na
Apprenticeship and Exploration in Arts Production (Visual Arts and Media Arts) upang
maranasan nila ang aktwal na paraan na paggawa ng mga Higantes. Maari silang
magtungo sa ilang mga pagawaan, studios at mga galleries para makita nila ng lubos at
praktikal na makapagsanay para sa kanilang apprenticeship na siyang maghahanda
naman sa kanila para sa pag-eempleyo o pagtatrabaho.

SA PAMAMAGITAN NG KULTURANG ITO.

GDCE2016_CPCE123_PINALNAPAPEL_SAMSON

CPCE 123: CULTURAL DIVERSITY AND LANGUAGES OF THE PHILIPPINES

Resource Speaker: Professor Vina P. Paz, Ph.D
ACTIVITY NO. 7:

Naipapabatid sa mga kabataan ang kaalaman at pag-unawa hinggil sa

mayamang tradisyon at kultura ng bayan.

Nagbibigay ng kamalayan kung paano higit pang mapagyayabong ang sining at

kultura ng bayan.

Napapanatili ang kultura para sa mga susunod pang salinlahi.

Nakapagbibigay ng pagkakakitaan o kabuhayan para sa bayan.

AT SA PAMAMAGITAN NATING MGA GURO.

TAYO AY INSTRUMENTONG TAGAPAGPADALOY AT TAGAPAG-UGNAY AT

ITO ANG MAGSISILBING GABAY UPANG ANG SINING AT KULTURA AY
MANANATILING YAMAN AT BUHAY!

GDCE2016_CPCE123_PINALNAPAPEL_SAMSON

CPCE 123: CULTURAL DIVERSITY AND LANGUAGES OF THE PHILIPPINES

Resource Speaker: Professor Vina P. Paz, Ph.D
ACTIVITY NO. 7:

GDCE2016_CPCE123_PINALNAPAPEL_SAMSON