SINING AT DISENYO

Sining

 Ekpresyon o aplikasyon ng malikhaing gawain at imahinasyon ng tao sa iba’t ibang

anyo, musika, sayaw, pintura, eskultura na pinapahalagahan sa kagandahan o
estetika at epektong emosyonal nito.

hal. Pintura ni Amorsolo

Ang Sining
• Noon pa ma’y obheto na ng pag-aaral
• Nakalubog sa mga partikular na sitwasyon
• May konsepto na ng kasiningan ang mga tao sa Pilipinas. (Panahong Neolitiko- c. 5500- c.2500
B.C.E.)

Mga patunay;

dekoratibong kulay, linya, teksturang natagpuan sa mga basag na palayok, hikaw at kuwintas na
gawa sa mga kabibe, mga hinabing tela, mga permanenteng tirahan.

Halimbawa:
Mga ritwal at iba’t ibang anyo ng tula .
Diona-inaawit tuwing may ikinakasal
Oyayi- inaawit tuwing nagpapatulog ng bata
Dopayanin-inaawit kapag namamangka

Ang Sining
• Nang nangyari ang kolonisasyon, nahiwalay at naging bukod na gawain hanggang sa itinuro
bilang espesyalisadong gawain, isang disiplina “sining”
• Kay Eagleton, ang pagtukoy sa “kongkreto” at “historikal” na mga gawain bilang obheto ng
pag-aaral ang maituturong dahilan ng pagkahiwalay ng sining sa lipunan (alienation)
• Para kay Lumbera ang penomenon ng transpormasyon ng sining sa pagkalubog sa pang-araw-
araw patungo pagiging asignatura maituturing na pagbabago ng tradisyon: pabigkas
patungong pasulat.
• Katulad ng kolonisasyon, isang komplikadong proseso. Komplikado dahil hindi naman lubusan
at mapayapa ang proseso ng pananakop
• Ang produksyon ng sining ay resulta ng samu’t saring historikal na pangyayari
• Malaking bahagi ng kasaysayan ng sining sa Pilipinas ay pagtugon sa kolonisasyon
Ang “Hiwalay” na Sining at Ang Kanon
• Ayon kay Widdowson, ang sining ay naging lehitimong obheto ng
pag-aaral at pananaliksik na nagbigay daan sa pagbuo ng kanon
• Laging ideolohikal (mula pa sa magkaibang pagturing nina Plato at Aristotle at
Longinus)
• Ang panitikan at sining ay nahuhubog din ng nagsasalpukang ideolohiya (Klasismo vs.
Romantisismo; Romantisismo vs. Realismo)
• Maaaring may ‘imprimatur’-maaaring pagmulan ito ng pananaw ng kung anong nais
katawanin ng kanon/antolohiya (hal.pananaw sa bayan na sinusuportahan ng estado)
• Hindi monolitiko, laging probisyonal
• Sa bawat kanon, hindi puwedeng sabihin na ito lamang ang kanon
• Laging nariyan ang kasaysayan- ang makapagsasabi kung ano ang mananatili at hindi

Disenyo
 Likhang sining na may tiyak na mensahe, imahe, ideya o aksyon na ikinokomunika
upang pakilusin, gamitin, bilhin, bisitahin ang isang produkto atbp. Hal. Adbertisment
ng isang produkto sa mga tarpaulin na ipinupwesto sa EDSA

Nahati sa tatlo ang Sining at disenyo dito sa Pilipinas

1. Tradisyunal na sining
- Pinanatili sa tradisyunal na sining at disenyo ang pagpapahalaga sa komunidad.
hal. batek ng Kalinga ( simbolo ng katapangan at kabayanihan ( sa mga lalaki) kakayahang
lumikha ng buhay (sa babae)

nalak ng T’boli ( ang mga disenyo ay mula kay FU DALU, ang espiritu ng abaka at
bumibisita sa panaginip ng mga babaeng manghahabi.

Okir ng Maranao- simbolo ng kapangyarihan at prestihiyo.

2.Kontemporaryong sining
- pinta, drowing, ilustrasyon, eskultura,poster, mural, potograpiya at pelikula
- Nilikha ang mga ito gamit ang iba’t ibang media tulad ng oil, acrylic,water color, canvas,
marmol, bakal, kahoy, film.
  Maari na ring idagdag ang mga ss; sa kontemporaryong sining ang mga imaheng
produkto ng digital na teknolohiya
- CGI, GIF, digital na pinta at potograpiya, online games
- bawat isa ay may sariling teknik at proseso,
- maaaring representasyonal o abstrak o kombinasyon ng mga ito.
ang mga larawan ay maaaring nagpapahayag ng damdamin, nagbibigay ng kaalaman,
pumupuna sa lipunan, o nagbubuwag/nagtatatag ng kaayusan

3. Pang-araw-araw na sining
- mga panoorin sa telebisyon, ( patalastas, MTV, sitcom)
- mga nakalimbag na media ( cartoon, komiks, ilustrasyon, patalastas)
- Mga gamit ( desktop,laptop, tablet, cp.)

Kulturang Popular: Ano ang Uso Ngayon sa Ating Panitikan?

Nasaan kayo sa Kulturang Popular?
Sino ba kayo sa Kulturang Popular?
• Isa ka rin ba sa mahilig na mag-post ng selfie habang nasa coffee shop, lobby ng isang
kilalang hotel o resort, restawran , etc?
• Nag-aaral ka ba sa isang University na kapag walang klase ay nasa isang fast food at
kumakain kasama ng mga klasmeyt na rason sa mga magulang ay may gagawing
project?
• O kaya ay pinaaaral ng isang kapatid na OFW?

Kung marami sa mga nabanggit ko ay ikaw, o nakakasama ka, bahagi ka o

ikaw mismo ang nagbibigay-hubog o hugis sa kung ano ang kulturang
popular.

Ano ang kulturang popular?

“Sa ating pambansang wika, ang pinakakaraniwang pakahulugan natin nito ay
‘bantog’ o ‘sikat’ (kilalang-kilala at rekognisado ng mga nakararami o madla).