Sa kabuuan, ang sining ay

pangkalahatan at matatagpuan sa lahat

ng dako. Ito ay hindi lamang para sa
mga gumagamit ng sining kung hindi
pati sa mga lumikha nito. Hindi natin
makikita ang kagandahan sa mga
bagay-bagay kung walang sining. Sa
madaling salita, mahalaga ang sining sa
paraang pinapaunlad nito ang personal
at akademikong kahusayan, sa simula
ng edukasyon ng isang bata hanggang
sa pagtungtong nito sa wastong gulang
at pagtahak ng karera.

PANGGITNANG
PAGSUSULIT
GEED 20093 Pagbasa sa Sining

Ipinasa ni:
John Jordan L. Fernandez
2019–04055–MN–0
BSCE IV–2

Ipinasa kay:
G. Balani E. Alvandia
 UNANG BAHAGI: SEMIOTIKANG PAGSUSULIT
PUP Mural (1974) ni Eduardo Castrillo

Historikal na Saligan
Ang bawat sining ay may pangkasaysayan o kultural na impluwensiya. Ang sining ay
tinitingnan kaugnay sa panahon nito, mga ideolohiya, at pangyayari sa panahong ng
pagkakalikha ng sining.
Ang PUP Mural ay likhang sining ng yumaong si Eduardo Castrillo, tanyag na pilipinong
manlililok. Ito ay nililok noong taong 1974, sa ika-70 taong anibersaryo ng Philippine College of
Commerce mas kilala ngayon sa pangalang Polytechnic University of the Philippines (PUP), sa
ilalim ng pamumuno ni Ferdinand Marcos, Sr. Ang lilok na ito ay gawa sa 2.5 × 3.9 metrong
tanso na may temang “Consolidated Growth through Education” – tungkulin ng PUP sa
pagpapaunlad ng edukasyon ng mga kabataan bilang paghahanda sa kani-kanilang pakikilahok.
Ito ay naglalarawan ng panlipunan, pang-ekonomiya, industriyal at kultural na aspeto ng buhay
kung saan iniuugnay ng tao ang kanyang sarili tungo sa pag-unlad. Ang mural na ito ay
matatagpuan sa pasukan ng nasabing Pamantasan. Bagama’t hindi ito pansinin, ito ay
sumisimbolo sa Pamantasan bilang kabuuan.

Simbolismo ng mga Sangkap

Ang semioniks ay may dalawang sangkap, ang signifier na tumutukoy sa pisikal na anyo
ng sining na nagpapakita ng kahulugan nito at and signified na tumutukoy sa personal na
interpretasyon ng taga-tingin. Bilang isang taga-tingin, may ilang semioniks akong ibabahagi
mula sa sariling interpretasyon ko sa lilok na PUP Mural.
Una, ang kaliwang bahagi ng PUP Mural, makikita ang pagkakahati
ng larawan na ipinapakita rito.
Signifier: Ang mga taong tila manggagawa na gumagawa ng pisikal
na trabaho.
Signified: Dalawa ang aking interpretasyon dito. Una, maaaring ito ay
sumisimbolo sa pagiging bokasyonal ng Pamantasan kung saan
hinuhubog nito sa mga kasanayan ng mga mag-aaral. Ikalawa,
maaring ito ay tumutukoy sa paghubog sa mga mag-aaral na papasok pa lamang sa PUP.
Ikalawa, ang gitnang bahagi ng PUP Mural, makikita ang pagkakahati ng
larawan na ipinapakita rito.
Signifier: Ang taong may hawak ng enggranahe.
Signified: Ang aking interpretasyon dito ay maaring tumutukoy sa pagiging
teknikal ng Pamantasan. Dahil nga ang enggranahe ay sumisimbolo sa
pagiging inhinyero, maaaring ito ay nagbibigay kahulugan patungkol sa
pagkakausbong ng kolehiyo ng agsikapan sa naturang Pamantasan.

Ikatlo, ang gitnang bahagi rin ng PUP Mural, makikita ang

pagkakahati ng larawan na ipinapakita rito.
Signifier: Ang mga taong magkakaiba ang ginagawa,
nagbabasa ng libro, pagganap sa dula-dulaan, at may
hawak ng martilyo.
Signified: Ang aking interpretasyon dito ay maaring
pagtukoy sa pagiging politekniko ng PUP, tumutukoy sa
pagkakaroon ng iba’t-ibang kurso na maaaaring kunin
dito. Makikita sa larawan na magkakaiba man ang kanilang ginagawa ay may kaisahan pa rin,
ang pagkakaisa ng mga mag-aaral ng PUP sa paglaban sa mga inhustisyang nararanasan.

Ikaapat, ang kanang bahagi ng PUP Mural, makikita ang

pagkakahati ng larawan na ipinapakita rito.
Signifier: Ang mga gusali na nagsisilbing establisyimento.
Signified: Ang aking interpretasyon dito ay maaring
pagsisimbolo sa industriyal, sosyal, ekonomikal, teknolohikal
na aspeto ng buhay at ng Pamantasan.

Ang PUP Mural bilang kabuuan ay nagpapakita ng kaunlaran ng edukasyon bilang

paghahanda sa pakikilahok nito sa iba’t-ibang tungkulin sa lipunan at sa bansa.

Pagtatasa ng mga Sangkap ng Dibuho

Ang kulay ng PUP Mural ay gaya ng materyales na ginamit dito, tanso o manila-nilaw na
kulay. Ang tanso ay sumisimbolo sa pagkadalisay at kasaganahan ng buhay. Sa katagala’y
nagbago ang kulay nito na tila monochrome dahil sa pagkakalantad din nito sa direktang sikat
ng araw at sa ulan. Ang tansong kulay ay maituturing na strong yellow color na maaring nasa
pagitan ng reddish-yellow at grayish-yellow. Nagmula ito sa copper-tin alloy. Masasabing ito ay
nasa darker side ng kulay dilaw. Liban sa mga ito ay less intense kumpara sa ibang shade ng
dilaw at ito ay isang warm color.
Maraming direksyon at uri ng linya ang makikita sa PUP Mural. Mapapansing gumamit
dito ng patayo, pahalang, palihis, jagged lines at mga paikot na linya. Makikita ang mga patayong
linya sa mga gusali sa kanang bahagi na nagpapakita ng tibay at katatagan. Mapapansing
marami rin ang linyang palihis kung kaya’t naipapakita nito ang kilos at galaw sa naturang lilok.
Ang mga pahalang na linya ay makikita sa ilalim ng mga iba’t-ibang larawan na nagpapakalma
sa kabuuan nito. Ang linyang paikot at jagged lines naman ay makikita rin sa bandang kaliwa
kung saan nagpapakita ito ng banayad na pagbago ng direksyon at ligalig sa ibang parte ng
sining.
Ang medyum na ginamit ay paglililok gamit ang tanso. Makikitang ang PUP Mural ay
nililok sa pamamagitan ng pagpuputol-putol at pagdurugtong ng mga tanso.
Ang ritmo naman ng PUP Mural ay parehong flowing rhythm at random rhythm.
Mapapansing maraming paikot at pabilog na elemento rito na nagpapakita ng daloy o kilos.
Mapapansin ding walang sinusunod na hugis o salitan ng kulay dito.
Ang istilo naman sa paggawa ng PUP Mural ay social realism. Ang istilong ito ay
umusbong sa Pilipinas noong 1950s, dahil sa impluwensya ng mga kilusang social realist sa
Europe at Latin-American. Ito ay nakikilala sa pamamagitan ng mga malalakas na linear
composition at bold, geometric na mga anyo, pati na rin sa mga vibrant na kulay at diin sa
panlipunan at pampulitika na mga tema. Sa pangkalahatan, ang mural ay isang mahusay na
halimbawa ng sining ng realistang panlipunan ng Pilipinas.

Patakaran ng Likhang Sining

Ang binibigyan ng empasis sa PUP Mural ay ang mga tao na nasa gitna. Kapag tinignang
maigi ang lilok na ito, matutuon ang mata sa mga tao (estudyante) na magkakaiba ang
ginagawa. Lalo na ang lalaking may hawak ng enggranahe.
Masasabing ang PUP Mural ay nagpapakita ng balanse. Hindi nasasapawan ng
dalawang magkabilang gilid ng likha ang bahaging gitna nito at makikitaan ng estabilidad ang
lilok.
Ito rin ay mayroong ritmo at kilos. Ang posisyon ng mga tao sa PUP Mural ay
nagpapakita ng paggalaw at aksyon na sa tignin ko ay important upang mas maipahiwatig at
mabigyang buhay ang mensahe ng mural. Liban sa mga paikot nitong komposisyon, nagbigay
din ng malaking gampanin sa ritmo ang mga palihis na linya at mismong mga tao rito.
Bukod sa tatlong nabanggit, ito rin ay nagpapakita ng proporsyon at kaisahan. Ang
sukat ng mga bagay dito ay maihahambing sa totoong buhay. Tama lang ang ratio ng tao sa
mga kagamitan na makikita rito. At saka, nagpapakita ito ng kaisahan, hindi nakikitang kalat at
magulo ang pagkakaayos ng mga nililok. Pantay din ito sa kabuuan.
 IKALAWANG BAHAGI: MGA NATUTUNAN
Ang pagbasa sa sining biswal ay ang panimula sa sining biswal. Sinusuri nito ang mga
diskarte, komposisyon, terminolohiya ng materyales, at ang kultura at panlipunang impluwensya
ng mga anyo ng sining. Idinisenyo ito para sa mga non-art major upang magbigay ng pundasyon
para sa pag-unawa sa sining biswal. Ito ay ang pag-aaral sa kung paano basahin at analisahin,
gamit ang teroya ng semiotika bilang pag-aaral sa pag-unawa ng sining biswal. Babaybayin din
dito ang maikling kasaysyan ng sining mula sa konteksto ng Pilipinas at mga impluwensyang
dayuhan. Sa dulo, magkakaroon ng produksyong pansining at/o proyektong isusulat hinggil sa
kurso.
Sa pag-aaral ng pagbasa sa sining biswal, mas lumawak ang aking patingin sa sining.
Hindi lamang ito nakaapekto kung paano ko ilarawan ang mga sining kung hindi pati na rin ang
pag-analisa sa mga elemento, prinsipyo at ibang aspetong pang-sining. Mas nauunawan ko na
ang sining bswal sa pangkalahatan, kasama na rito ang iba’t-ibang tipo, gamit, saysay, bilang
komunikasyon at pangkasaysayang kabuluhan nito. Bukod pa rito, malinaw ko nang nabibigyan
ng kahuugan ang mga sining base sa pansariling interpretasyon gamit ang mga signifier at ang
isini-signified nito. Marami akong natutunan sa tuwing magkakaroon kami ng pagpupulong sa
MS Teams. Hindi lamang nito nahasa ang aking kaaalaman, kung hindi pati na rin ang aking
kasanayan sa pagsusuri at makapagtasa ng mga gawang sining batay sa kanilang semiotikong
pag-unawa, konteskstong historiko, at kabuluhang panlipunan. Napaghusay din ng pag-aaral ko
ng pagbasa sa sining biswal ang pagkuha ng larawan gamit ang mga kaalamang natutunan sa
medyum na photography. Naipapahayag ko ang aking sarili at emosyon sa mga larawang
kinukuha at itinatanghal sa aking social media accounts.
Napaglalim nito ang aking kaugnayan sa sarili, komunidad, at sa lipunan. Bukod pa rito,
natuklasan at napalalim ang kaakuhan sa pamamagitan ng sining, batay sa kanilang
nasyonalidad, kultura, at relihiyon. At sa huli ay nalinang nito ang pagpapahalaga ko sa mga
lokal na sining. Sa pamamagitan ng pagbasa sa sining biswal, natuto akong magmuni-muni
nang kritikal sa aking sariling mga karanasan at mga tugon sa gawa ng mga artist, craftspeople
at designer at nagkaroon ng sariling kaalaman sa sining. Natuto ako, na may kasanayan sa
makamundong bagay, upang ipahayag at ipaalam ang mga karanasan sa pamamagitan at
tungkol sa sining na biswal.
Laking pasasalamat sa inyo, sa pagbabahagi ng kaalamang hindi matutumbasan ng
balangkas lamang ng kurso, kung hindi pati na rin sa aming sarili at sa nakapaligid sa amin.