Jamuel B.

Rustia Araling Pilipino

BSA – 1B Reaksyong Papel

Kultura at Sining sa Mall

Ang babasahin ay umiikot lamang sa ginagampanang papel ng mall sa

pagpapalaganap at pagpapatibay sa kultura at sining na sariling atin. Inilarawan ang
mall hindi lamang bilang isang istrukturang pasyalan na nagbibigay aliw sa mga
mamamayan kundi bilang isang lugar kung saan ang iba’t-ibang kultura ay
nagkakahalubilo at bilang isang importanteng bahagi/element upang mapagyabong pa
mismo ng mga Pilipino ang mga lokal na artists kasama ang kanilang mga obra
maestro. Dito nagsimula ang pagbubukas ng isang gallery row sa megamall na
pinangunahan nina Rey Contreras at Tala Isla-Contreras. Ito ang naging pokus ng pag-
aaral ni Rolando Tolentino hinggil sa sining at kultura na mayroon isang mall. Bilang
ang mga Pilipino ay naturingang mahilig mamasyal, naisipan ni Contreras na magtayo
ng gallery row upang mas mapadaling iendorso ang talento ng mga lokal na artist tungo
sa mas accessible at pagkakaroon ng mas malawak na exposure para sa kanilang mga
likha.
Ayon kay Tolentino, mayroong dalawang uri ng sining bilang commodity culture.
Una ay ang mga aktuwal na produktong ibinebenta tulad ng artworks,concerts at iba pa.
Ang pangalawa ay tumutukoy sa pagbebenta ng hindi aktuwal na produkto upang
makatulong sa pagpapakilala ng brand o produkto o tinatawag na soft-selling.Dagdag
pa ni Tolentino, malaking bahagi ang ginagampanan ng mall lalo na sa urban
development. Ang mall din ang nagsisilbing supplier ng kontemporaneong kultura kung
saan ang dibersidad ng mga kultura at sining ay nagkakatipon-tipon at
nagkakasalamuha. Kung kaya’t tinagurian ito ni Tolentino bilang bagong sentro ng
kultura.
Panghuli, tinalakay ni Tolentino ang gallery row bilang isang kulturang popular
kung saan naglalaman ito ng limang katangian: a.) Ang kulturang popular ay ginawa
para sa kita; b.) ang kulturang popular ay transgresibo sa mga kategorya; c.) ang
kulturang popular ay ipinapalaganap sa pamamagitan ng teknolohiya; d.) ang kulturang
popular ay pumapailanlang sa nosyon ng sado-masokismo at; e.) ang kulturang popular
ay nanggagaling sa pangunahin o sentro. Hindi maitatangggi ang pagmamahal ng
awtor sa bayan kasama na lamang ang kultura at sining na nakapaloob dito. Kung
nanaisin ng sambayanang Pilipino ay kaya nating iangat at mas pagtibayin ang kultura
at sining ng bansa ngunit ang isa sa mga balakid ay ang westernized ng ating bansa o
ang pagiging makakanluraning pag-iisip, kilos at gawa.