Muzika është gjuha e shpirtit dhe ilaci i mendjes. Të flasësh mbi muzikën, do të thotë ta ndiesh atë. Muzika është art, është urë që na lidh përmes tingujve të saj ,sa të fortë po dhe aq të brishtë. Ajo është e ndërtuar lehtësisht vetëm përmes notave, pa çelik e gurë. Muzika përcjell tek ne emocione shumëngjyëshe , na zhyt thellë në botën e saj, për tu bërë një me të! Në këtë mënyrë krijojmë një lidhje shpirtërore me fjalët dhe tingullin. Njësoj ,edhe ne, nobelistsët ,gjejmë veten në cdo pjesë të himnit tonë ,aty ku ndjesitë dhe emocionet sintetizohen në nota e tinguj. Vargjet te kompozuara mjeshtërisht nga mësueseja jonë e muzikës, Suela Tukaj ,e të kënduara nga zërat e hareshem të vogëlushëve nobelistë, përbëjnë në vetvete një simfoni të vërtetë. Le të zbulojmë pak më shumë në një intervistë ekskluzive me kompzitoren dhe tekstshkruesen e himnit “Nobel” … Intervistë me Suela Tukaj: 1. Si lindi ideja apo iniciativa e kompozimit të një himni për shkollën tonë? Që në takimin e parë të punës me presidenten e shkollës , znj.Anika shprehu dëshirën e një bashkëpunimi të mundshëm në lidhje me krijimin e himnit të shkollës "Nobel". Sigurisht që e pranova bashkëpunimin me shumë dëshirë .Pra, nxitja erdhi direkt nga kërkesa e presidentes së shkollës, ku siç dhe më theksoi, ishte një deshirë e kahershme e saj, që shkolla të kishte himnin e saj. 2. Cfarë shërbeu për ju si muzë/frymëzim për të shkruar tekstin?A u bazuat diku? Sigurisht që një krijim do kohën e vet,( çfaredo qoftë ai) , në rastin konkret kur "titulli " dihet , pra dedikim shkolles "Nobel", mua si testshkruese mu desh të hyja në filozofinë e shkollës, frymën e rrugen që ka pershkruar shkolla/ stafi për të arritur deri këtu. Sigurisht kjo vjen dhe në bashkepunim me kompozitorin me të cilin kam pasur kontakt të vazhdueshem për të gjetur një pikë të përbashket në ide deri në realizimin e plotë të këtij projekti. 3. Sa kohë ju është dashur për të shkuar dhe kompozuar himnin e shkollës "Nobel"? Kisha hedhur disa ide mbi leter që më parë, por dua të theksoj se tekstin e kam shkruar mbi melodine e krijuar. Pra në fillim është krijuar melodia dhe mbi të kam shkruar tekstin. Pasi mund të ndodhë dhe e kundërta. Për t'ju kthyer pyetjes në fillim, pak a shumë 1 javë më është dashur për të finalizuar këtë tekst që ju e njihni si himni “Nobel” . 4. Cfarë simbolizon ky himn për ju? Për mua ishte një krijim i radhës për të cilin punova me shumë dëshirë.Do të dëshiroja shumë që të ketë përshtypje të mirë për ata që e dëgjojnë apo këndojnë. Kjo është kënga që përfaqëson nxënesit e shkollës, stafit te saj, e vështiresia këtu qëndron, që të jete sa më gjithëpërfshirëse. Nëse ja ka dalë të jetë atëherë është sukses. :) 5. A mund ta konceptoni dot një bote pa muzikë? Jam rritur me muzikë dhe e kam të pamundur ta shmang atë nga përditshmëria ime. Përderisa ajo është pjesë e pandarë e jetës sime, e konsideroj burim të pashtershëm energjie. 6. Ç’do të thotë për ju të jesh mësuese dhe të skalisësh artin e muzikës në mendjet e nxënësve? Mësimdhënia ka qënë një dëshirë e madhe e imja që fëmijë, e ndoshta kjo, ka ardhur si rezultat I ndikimit pozitiv që kam pasur nga mësuesit e mi.Përpiqem të kultivoj më të mirën tek nxënësit e mi, të jenë në kontakt të vazhdueshëm me muzikën klasike, u tërheq vëmendjen që të dëgjojnë sa më shumë muzikë që u përket moshës së tyre, ku tematika dhe zhanri muzikor që dëgjojnë t'u transmetojë atyre pozitivitet, reflektim , dashuri. Për të mos u zgjatur më shumë, më vjen ndërmend një shprehje të cilën kam dëshirë ta ndaj: " Një libër është një histori për mendjen, një këngë është histori për shpirtin !"