Ma. Jeanette F.

Reyes

Araw 2 / Gawain 1:
(a) Auit sa Anak
(b) Korido sa Ina
Musika

Lumaki man ako sa pangungulila,

At sa hirap ng buhay ako’y nagmula
‘Di batayan upang maging tanikala
Pagmamahal ng ninyo sa bisig ko’y dala

Aking payak na buhay ay naging makulay

Dahil ang musika mo inay ang buhay
Instrumentong kwerdasan ay iyong binigay
Tempo at ritmo’y dadaloy saking kamay

Sa pagtugtog man oras ay ‘di mawari

Walang hahadlang kahit na gumabi
kahit sumasakit ang aming daliri
Titiisin maghatid lamang ng ngiti

Aking ipaglalaban, aking mithiin

Upang ang musika’y kanilang linangin
Lagi kong gagawin at ‘di lilimutin
Sarling musika’y aking mamahalin

Dugo ng musiko ang nananalaytay

Ang ‘yong kahilingan ay nabigyang buhay
Sa tagumpay ko ay ika’y nagpupugay
Ang palakpak ng kamay mo ay walang humpay
 Korido sa Ina

Musmos pa nang matandaan

Ikaw ina’y ang takbuhan
Dahil bata pa ang isipan
Ikaw ang inaasahan

Pangaral mong binibigay

Tulong sa aki’y pag-gabay
Mga gawaing walng humpay
Ikaw laging umaalalay

Ina’y ubod kang kay bait

Salamat ang sinasambit
Aruga at malasakit
Kahit ikaw ay may sakit

Turing ko sa kanya’y ginto

Rumupok man kanyang buto
Bawat oras at minuto
Pagmamahal nya ay husto

Iisa lang kanyang layon

Ang mabigyan ka ng baon
Matulog man sya sa karton
Basta’t sa hirap umahon

Iyan ang mahal kong nanay

Kasama sa aking buhay
Liwanag niyang binibigay
Gamit ko sa paglalakbay