para kay mama

ni Trixie Joyce B. Martinez

Ika’y dumating, nagbigay ng sigla

sa pusong gumulong sa tukso, sa lumbay
Ika’y dumating, naglakbay, nabuhay
Mundong umiikot, hindi nakalilimot
sa haplos ng inyong magaspang na kamay

Kailan pa may ‘di ko kayang burahin

sa puso, sa isip, sa aking diwa
Ang lahat ng saya, lahat ng alaala
noong tayo’y naglakbay sa gitna ng digma
Pagmamahal mo, mahal ko, ang aking kaluluwa

Nagluto ng pagkain
Nagpawis para sa kabuhayan namin
Naglaba, naglinis, nag-alay ng buhay
Kaibigan sa aking pait at pagguho
Pag-asa mo, mahal ko, ang aking puso

Di ko mapigil, walang magawa

Ang pag-agos ng puso, ng alon ng damdamin
Sumigaw ang boses at ang aking kaloobin
Mga araw ay muling bumisita sa isip
Tandaan mo, mahal ko, ika’y laging akin

Ika’y dumating, biyaya’y sigla

sa pusong nawala, pusong dukha
Ika’y dumating, nawala, naglakbay
sa mundong paraiso, ‘di ko pa maabot
Baunin mo sana ang aking pag-ibig
Kailan pa man, ikaw parin ang aking mama