pinakamaliit at pinakamahalagang yunit na institusyon sa lipunan. Ito ay may tungkuling magbuklod sa isa’t isa sa pamamagitan ng pag-ibig at tuparin ang bahagi bilang katuwang sa paglikha ng buhay. Sa pamilya nagsisimula ang pakikiisa tungo sa pagsasagawa ng kabutihan sa isa’t isa at pagdadamayan sa panahon ng pangangailangan. Ang ulirang pamilya ay simbolo ng pag-asa at nagsisilbing modelo, upang maging karapat-dapat na ialay sa Tagapaglikha. Ang mga magulang ang tagapaghubog ng mga anak para sa mga gampanin ng kinabukasang salinglahi. Ang ama ang “haligi ng tahanan”. Ang ina ang “ilaw ng tahanan”. Ang mga anak ay bunga ng pagmamahalan, kaya sila rin ay nagkakaloob ng pagmamahal sa magulang. Bahagi na ng plano ng paglikha sa tao ang pagkakaroon ng pamilya. Ang pamilya ay nabuo upang bigyang karangalan ang kadakilaan ng pangalan ng Tagapaglikha. Napakahalaga at napakalawak ang bahaging ginagampanan ng pamilya sa lipunang kanyang ginagalawan, at ang layuning ito ay kailangang maisalin nang maayos para sa sususunod na salinlahi.