Kami po, mga guro ng Paaralang Elementarya ng ____________ay maigting na
naghahanda para sa darating na pasukan Taong Panuruan 2020-2021 sa kabila ng pandemyang kinahaharap natin sa ngayon.
Kabilang sa mga paghahandang ito ay ang pagkalap ng mga kagamitang kakailanganin
sa paglimbang o pagpi-print ng “modules” na pangunahing paraan upang maihatid ang mga aralin sa mga mag-aaral habang nananatili sila sa kani-kanilang tahanan sapagkat hindi ligtas ang magkaroon ng “face-to-face” o pisikal na pagtungo ng mga bata sa paaralan.
Malaking hamon po para sa aming mga kaguruan ang paglimbag/pagpi-print ng mga
modules na ito kaya naman nais po naming lumapit sa inyo na kung maari ay mapagkalooban po ninyo kami ng mga kagamitang maaring gamitin sa paglimbag ng modules na ito.
Kami po ay umaasa na inyong mapagbibigyan ang aming hiling. Maraming salamat po at
pagpalain pa po kayo ng Diyos na Maykapal. Manatili po tayong laging ligtas at sama-sama po nating labanan ang COVID-19.