MGA

NAPAPANAHONG
ISYU
Group Members:
Ellyza Cortez
Nadine Kyla Alicuben
Kelly Joy De Guzman
Adrian Concha
Marnel Riniopa
Philip Escobar
Kenneth Domingo
Cyril Jade Mansibang

MGA NAPAPANAHONG ISYU

1. DROGA
Ang droga ay isang mapaminsalang bagay at ito ay nagdudulot ng masamang epekto sa ating katawan
maging sa ating pag iisip. Kaya hindi dapat itong abusuhin dahil maraming tao ang naaapektuhan sa
problemang ito. Dito sa ating bansang Pilipinas marami ng ginagawang aksyon ang pamahalaan upang
masugpuan ang isyung ito. Ngunit hindi ito masosolusyonan kung mismong tayong mga tao ay hindi nakikiisa
sa mga programang inihahanda. Mulat sa ating mga isipan ang mga pangyayaring nagaganap dito sa ating bansa
at alam nating lahat na marami ng namatay, sumuko at nakulong dahil sa paggamit o pagtutulak ng bawal na
gamot. Lingid sa ating mga kaalaman na marami na ring mga tao ang namamatay dahil nadadamay lang sila sa
isyu kahit wala naman silang mga kasalanan. Bawat isa sa atin ay may pananaw kung bakit ang isang tao ay
naiisipang gumamit ng droga. Isa sa dahilan ay, pakiramdam ng taong gumagamit ng droga ay nawawala ang
pagod niya sa trabaho sinasabi rin ay parang nasa langit ka kapag gumamit ka nito. Sa kabila nito mas
nakakalamang pa rin ang negatibong epekto dahil isa sa numerong uno na magagawa ng taong iyon ay ang
makagawa ng krimen, dahil nawawala siya sa kanyang pag iisip at kakaiba na ang kanyang ginagawa lalong
lalo na kapag ikaw ay na adik. At kung titignan natin ang puno’t dulo ng mga krimen sa ating bansa ay ang
pagdodroga, dahil hindi kakayanin ng isang tao na manggahasa ng kanyang kapwa kung mayroon siyang
tamang pag iisip. Dahil sa panahon natin ngayon ay hindi nating kayang panghawakan ang mga problemang
ating pinagdaraanan kaya ito ay nauuwi sa hindi magandang pangyayari.

2. SOCIAL MEDIA
Maraming kabataan ngayon ay mayroon ng kanya- kanyang mga account sa iba’t ibang Social
Networking sites gaya ng Facebook, Twitter, Instagram at marami pang iba. Kung mapapansin, marami ng
kumakalat na isyu na nagdudulot ng malaking epekto sa ating mga kabataan. Alam natin na mahirap solusyonan
ang problemang ito dahil hindi natin kayang pang-hawakan ang mga taong gumagamit nito dahil sa sobrang
dami. Isang problemang ating nakikita ay ang Cyber Bullying kung saan halos mga kabataan ang sangkot sa
isyung ito. Isa pang halibawa ang pagbebenta ng katawan para gawing negosyo. Halos ginagamit dito ang mga
kabataan. Malaki ang nagiging epekto nito sa atin, dahil nakakasira ito ng dignidad ng isang tao na maaaring
humantong sa hindi magandang pangyayari.

3. CHILD LABOR

“Kabataan ang pag-asa ng bayan.” Ito ang katagang pinaniniwalaan ng marami sa ating kapwa Pilipino.Ngunit
ang katagang ring ito ang pinaninindigan ng iba sa ating mamamayan at nagdudulot upang ipagsakapalaran ang
kanilang mga anak sa maagang pagtratrabaho. Dahil sa kahirapan, napipilitan ang ilan sa mga kabataan na
maghanap buhay sa kabila ng kanilang murang edad. Maaaring sabihin na maganda ito dahil sa sahod na
kanilang naibibigay sa kanilang mga magulang ngunit ito rin ang dahilan upang magkaroon ng hindi gaanong
magandang kinabukasan ang kabataan dahil mas pinipili nila na bigyan ng halaga ang pagtratrabaho kaysa sa
pagpasok sa mga paaralan.

4. KAWALANG TRABAHO (UNEMPLOYMENT)

Ang Kawalang Trabaho ay nangyayari kapag ang mga mamamayan sa isang tiyak na lipunan ay
walang trabaho ngunit aktibong naghahanap ng trabaho. Ang unemployment rate nito ay isang sukat ng
pagiging laganap ng kawalang trabaho at kinukwenta bilang isang persentahe na hinahati ng bilang ng mga
indibidwal na walang trabaho ang lahat ng mga indbidwal na kasalukuyang nasa pwersang trabaho. Sa mga
panahon ng resesyon, ang ekonomiya ay karaniwang nakararanas ng isang relatibong mataas na rate ng
kawalang trabaho.

5. MAAGANG PAGBUBUNTIS (TEENAGE PREGNANCY)

 Ang teenage pregnancy o maagang pagbubuntis ng mga babae sa edad na 12 hanggang 19 ay isang
malawakang isyu hindi lamang sa Pilpinas pati narin sa buong mundo.
Ang dahilan ng mga kabataang nabubuntis ay ang pagkasira ng kanilang buhay pamilya at kawalang ng
maayos na Female role models saloob ng kanilang tahanan. Maraming eksperto ang nagsabing sintomas ng
kahirapan ang teenage pregnancy. Maliban dito, ang temptasyon ay isa ring napakahirap labanan na dahilan.
Ang paggamit ng teknolohiya gaya ng cellphones, at social media ay isa rin sa pangunahing dahilan ng
maagang pagbubuntis ng mga teenagers. Ang mass media lalong lalo na ang internet ang isa sa sinisisi sa
teenage pregnancy at isa sa mga napagusapan sa 12th community Pediatrics Society of the Philippines (CPSP)
annual convention.
Sa datos noong 2009, halos 3.6 milyon ang naitalang batang ina sa bansa. Sa katunayan pito sa sampung
buntis na babae ay hindi bababa sa edad na 19. Pinatunayan ito ng world bank at sinasabing ang Pilipinas ay isa
sa mga bansang may pinakamaraming bilang ng mga batang ina. Malaking porsyento ng mga kabataang
nabubuntis ay nabibilang sa low income generating group. Dahil wala pa sa hustong gulang karamihan sa mga
kabataang maagang nabubuntis ay hindi nag papakasal. Ang teenage pregnancy ay mapanganib din para sa mga
sanggol. Ayon sa mga datos, ang kaso ng premature birth ay mas mataas sa mga sanggol na isinisilang ng
kabataang babae.

6. PAMBUBULAS (BULLYING)
Ang pambubulas o "bullying" sa ingles ay isang paraan ng panankit sa pisikal o emosyonal na parte ng
isang tao. Ilan sa mga bagay na maituturing na porma ng bullying ay pagsasagawa ng mga banta, pagkakalat ng
nakakasamang mga tsismis, pagasuntong pisikal at pasalita sa isang tao, at ang sadyang hindi pagsama o pagsali
sa isang tao sa isang grupo. May iba’t ibang tipo ang bullying. Nahahati ito sa pananalita, sosyal, at pisikal.
Masasabing pambubully ang pananalita kung tinatawag ang isang tao sa kung anu-anong pangalan (name
calling), pangaasar, ‘di tamang mga komentong may sekswal na konotasyon, pambubuska, at pagbabanta ng
pagsasagawa ng sakit. Sa kabilang banda ang social bullying naman ay: ang pagiwan sa isang tao ng sinasadya,
ang pagsasabi sa iba na huwag kaibiganin o pansinin ang binubully, pagkakalat ng mga mapanirang mga
komento o usapin, at pamamahiya ng lantaran.Habang ang pisikal na manipestasyon ng bullying ay makikita sa
mga sumusunod na gawain: panununtok, paninipa, pangungurot, pandudura, pamamatid, panunulak, pagsira ng
mga kagamitan ng isang tao, at paggagawa ng mga bastos na mga senyas. Para sa mga nakakaraming mga tao,
ang alam nila ay nagkakaroon ng bullying lamang sa loob at labas ng paaralan. Sa pagyabong ng teknolohiya,
ang bullying ay nasa internet na rin. Ang ilan sa mga ito ay ang pagpopost ng mga malalaswang litrato o video,
pagkakalat ng mga kung anu-anong pangloloko, at walang tigil na panggugulo.